Yelemiya 8:5 - IBAYIBOLO 2024

⁵ Po nkimba chifukwa choni chicho abantu banaba bapulumpa? Nkimba choni chicho u Yelusalemu akwendelela pakunyokela kwisinda? Babukakatiye ubumyasi, bakukana pakunyokako.

Yelemiya 8:5 Iomraidhean Croise

Ivyili 4:13

Uvilemezyanje ivimanyisyo vyane, sona utakavilekaye. Uvisungililaye akiza, pakuti bo bumi bwako.

Yesaya 1:20

Loli nanti mukunkana nukunsambukila mukwiza pakughoghiwa nupanga.” Pakuti ane ne Mwene nanena.

Yesaya 30:10

Bakunena kubenelezi ukuti, “Leka pakwennya ivisetuka!” Sona bakubabuzya abalaghuzi bakuti, “Mutakatubuzyanje ivisetuka ivya bugholosu! Loli mutubuzye zizyo tukuzilonda, nukulaghula izya bumyasi.

Yesaya 44:20

Akulya itoyi, inyinong'ono zyache izya bumyasi zikumusovya, atangipoka mwene, pamo nukuti, “Nkimba ichintu ichi, chicho chili munyobe yane iyandilo te chabumyasi?”

Yelemiya 14:7

Abantu bakuti, “Napapo imbibi zyitu zikutubikila ubwakaboni, wee Mwene, bombapo zimo pachifukwa icha itabwa lyako. Pakuti twakukana, sona twakunangila akabalilo kosi.

Yelemiya 2:32

Nkimba u mulindu angaluvya ivyakwibonesekezya akiza, pamo u mulindu yuyo akusendwa nkimba angaluvya ivyakuvwala vyache ivya pasendwa? Loli pope bulo abantu bane banduvizye, amasiku ghagho ghatangabelengiwa.

Yelemiya 3:5

Nkimba ukwiza pa kukalala akabalilo kosi? Nkimba ubukali bwako bukwiza pakwendelela mupaka bwila na bwila?’ Umu momumo ukunenela, loli pope bulo ukubomba ububibi bubo awe umenye pakububomba.”

Yelemiya 5:27

Ngati vizanga vivyo vyizuye ni viyuni, inyumba zyabo zyizuye nu buzimbuli. Baba bakabi sona bamaka,

Yelemiya 5:3

Wee Mwene nkimba amaso ghako ghatakulonda ubwanaloli? Ukabafunda loli batakivwa ububavu, ukabasyempa loli bakakana pakumanyila. Bakavikazya ivyeni vyabo ngati mabwe, nukukana pakupinduka.

Yelemiya 5:6

Polelo inkalamu iya mumusitu yikwiza pakubaghogha, sona abakambwe aba munkolongo bakwiza pakubanangannya. Uzyela akwiza pakubavwamilila papipi nutwaya twabo utukulu. Akwiza pakubazepulannya mutupusa umuntu wesi yuyo akufumila kuzi, pakuti ukusambuka kwabo kukulu nkani, sona bate basubiliwa.

Yelemiya 6:17

Nkabimikila abalindilili nukuti, ‘Teghelezya ukulila ukwa ipati!’ Loli amwe mukati, ‘Tutakwiza pakuteghelezya.’

Yelemiya 6:19

Wee chisu ichapasi, teghelezya, nkwiza nintamyo pabantu aba, nkwiza ni vikomwa ivya mbombo zyabo, pachifukwa ichakusita kwivwila amazyu ghane, sona balukanite ululaghilo lwane.

Yelemiya 9:6

Bakubungannya ubumyasi pamwanya pabumyasi, ubuzimbuli pamwanya pabuzimbuli, mubuzimbuli bwabo bakukana pakummanya. Ane ne Mwene nanena.”

Daniyeli 9:11

Aba Izilayeli bananga Indaghilo zyako, bazipa inkonto sona bakana pakukwivwila. “Polelo inguno ni chilapo ni Ndaghilo visimbiwe mu Lulaghilo ulwa Mozesi umubombi uwa Chala vyapunguliliwa papitu, pachifukwa ichakuti twakunangila.

Hoseya 11:5

Batakwiza pakunyokela kuchisu icha Ijiputi, sona aba Asiliya bakwiza pakubalaghila, pachifukwa ichakuti bakakana pakupinduka.

Hoseya 11:7

Abantu bane balemezizye pakunkana, Napapo bakwitizya ku Wakumwanya Nkani, loli batakunchindika nubwanaloli.

Hoseya 13:2

Bachili bakunanga bulo, bakwipangila bene ivifwani ivya siliva, ivifwani vivyo vikupangiwa akiza nkani, vyosi vinivi bo bafundi babo pakuvipanga. Abantu bakubanena ukuti, “Bakubika ivyakwiyipa ku vifwani ivya ngwata vinivi nukuvifyofyonta.”

Hoseya 4:16

Aba Izilayeli bali na moyo amakafu, ngati mbogho inyana. Po nkimba u Mwene angazidima bulibuli, ngati to twana utwa ng'ozi munganda?

Zekaliya 7:11

“Loli namoyo amakafu abantu banaba bakakana pakuteghelezya, bakampa inkonto zyabo sona bakighalila amakutu ghabo umwakuti batakivwanje.

Yohani 5:40

Loli amwe mukukana ukwiza kukwane ukuti mubanje nubumi.

1 Aba Tesalonika 5:21

loli muviyelaye ivintu vyosi. Mukakatile ichintu chicho chiza.

Aba Hebeli 12:25

Po mubanje maso ukuti mutakamukanaye yuyo akunena namwe. Nanti abantu babo bakakana pakumwivwila yuyo akabasoka, bataponite ulufundo, po nkimba aswe tukwiza pakupona bulibuli nanti tutakumuteghelezya uwakumwanya yuyo akutusoka?

Ubuvumbuli 2:25

Loli amwe mulemezye nkani chicho muli nacho mupaka nize.