Yelemiya 8:4 - IBAYIBOLO 2024

⁴ “Ubabuzye uti, ‘Umu momumo u Mwene akunenela: Nanti abantu bawa, nkimba batakunyamuka sona? Nanti abantu bapulumpa, nkimba batakunyokela sona?

Yelemiya 8:4 Iomraidhean Croise

1 Abamwene 8:38

po nanti abantu bako aba Izilayeli bakwiputa umwakulambilizya sona nanti umuntu wesi azimanya intamyo zizyo zyamuwila, nukukwezya inyobe zyache mumwanya pakwiputa mu Nyumba iyi,

Ivyili 24:16

Napapo umuntu umugholosu angawa akaseveni, akunyamuka sona, loli intamyo zikumuwisya umuntu umubibi.

Yesaya 44:22

Nabwefya ububibi bwako ngati libingu, imbibi zyako nazyefya ngati we kabefu, nyokela kukwane, pakuti nakutabula.”

Yesaya 55:7

Mubaleke ababomba mbibi, baleke inkalo zyabo imbibi, sona bope abantu ababibi bazileke inyinong'ono zyabo inyonganu. Baleke banyokele kwa Mwene, ukuti abapelele ichisa, sona nakwa Chala witu, pakuti akwiza pakubahobokela.

Yelemiya 23:14

Loli mu balaghuzi aba mu Yelusalemu nachennyamo ichintu ichakoghofya nkani. Bakulowa nukunena ubumyasi. Bakubavwa abantu pakubomba ububibi, umwakuti atalipo nayumoyumo uwakuleka pakubomba ububibi. Kukwane bosi banaba bali ngati we Sodomu, abantu aba mu Yelusalemu bali ngati we Gomola.”

Yelemiya 3:1

“Nanti u mwanavuli akumusosya umuchi wache, sona u mukolo yula akwepako kukwache, nukusendana nu mwanavuli uyunji, nkimba u mwanavuli yula anganyokela nukumusenda sona u mukolo yula pakuba muchi wache? Nkimba ichisu chila chitanganyaziwa? Loli wabomba ubwamalaya na baghaniwa abinji nkani, nkimba unganyokela kukwane? Ane ne Mwene nanena.

Yelemiya 3:22

“Mwe bantu abasita kusubiliwa nyokela kukwane, nkwiza pakubapozya ukuti mube basubiliwa.” “Eee, tukwiza kukwako, pakuti we Mwene u Chala witu.

Yelemiya 36:3

Pamo bo aba Yuda bivwa nizya ntamyo zizyo nkwinong'ona pakubawisizya umwakuti umuntu wesi anyokeko ku zila zyache imbibi, po ane nkwiza pakubahobokela ku bubibi bwabo bosi sona na kumbibi zyabo.”

Yelemiya 4:1

U Mwene akuti, “Mwee ba Izilayeli, nanti mukulonda pakunyokela kukwane, nyokela. Mwefyepo ivifwani ivinyazu vyosi pamaso papane, sona mutakusobelapo nalumo,

Ezekiyeli 18:23

U Mwene Uwamaka Ghosi akuti: Nkimba nkuhoboka nimfwa iya muntu umubibi? Nkimba intangahoboka nanti azileka imbombo zyache imbibi nukuba mumi?

Hoseya 14:1

Mwee ba Izilayeli, nyokela kwa Mwene u Chala winyu. Imbibi zyinyu zyabawisya!

Hoseya 6:1

Abantu bakuti, “Zagha tunyokele kwa Mwene. Napapo atuzepulannya mutuvigaba, loli akwiza pakutupozya. Napapo atuvulazya, loli akwiza pakutupinya ivilonda.

Hoseya 7:10

Ukwitutumula ukwa Izilayeli kukumususya, loli atakunyokela kwa Mwene u Chala wache pamo pakumulondalonda, napapo zyosi zinizi zikumubonekela.

Amosi 5:2

“Umulindu u Izilayeli, atakanyamuka nalumolumo. Bamulekite mwene muchisu chache, atalipo nayumoyumo uwakumunyamusya.”

Mika 7:8

We mulwani wane utakansekaye, awe! Napapo ingwiye, nkwiza pakunyamuka. Napapo nkwikala muchisi, u Mwene akwiza pakuba lukozyo lwane.