Yelemiya 8:3 - IBAYIBOLO 2024

³ Kosi kuko nkabachimbizizyako, abantu bosi babo bakapona abaluko ulubibi aba bakwiza pakubulonda ubufwe ukuchila ubumi. Ane ne Mwene Uwamaka Ghosi nanena.’

Yelemiya 8:3 Iomraidhean Croise

1 Abamwene 19:4

Loli u Eliya akenda isiku lyosi munkolongo. Po akikala mukazundila aka makwi agha vyisilo nukwiputa ukuti ngali afwanga bulo. Akati, “Wee Mwene nayimba mpela! Ngogha bulo, ane te ne mwiza ukubachila abanyenya bane.”

Yelemiya 23:3

Ane nemwenecho nkwiza pakubabungannya abantu bane abakusyalako, nkwiza pakubefyamo muvyisu mumo nkabachimbizizyamo nukubanyosezya muvyisu vyabo, mumo bakwiza pakunyama nkani sona bakwiza pakuba binji nkani.

Yelemiya 23:8

loli bakwiza pakuti, ‘Tukulapila mwa Mwene umumi, yuyo akabafumya aba Izilayeli muchisu icha kumitu sona na kuvyisu vyosi vivyo akabanyampanizizyako.’ Po bakwiza pakwikala muchisu ichabo ni chabo.”

Yelemiya 29:14

Mukwiza pakunyagha sona nkwiza pakubanyosezya ubwiza bwinyu bosi nukubabungannya ukufuma mu inko zyosi kuko nkabachimbizizyako ngati bazya. Nkwiza pakubanyosezya ku buzilo bubo mukikalaghako bo inchili pakubatuma kubuzya.”

Yelemiya 29:28

Pakuti atutumiye amazyu twe bantu aba muchisu icha Babiloni aghakuti, ‘Ubuzya bwinyu bukwiza pakuba bwakabalilo akatali nkani. Polelo zenga inyumba izyakuti mwikalayemo, sona mulimaye amaghunda nukubyalamo imbeyu zyinyu nukuzilya zizyo mwinula.’ ”

Yelemiya 40:12

po aba Yuda bosi bakanyokako ku twaya tosi tuto bakanyampaniziwako nukunyokela ku Yuda naku Gedaliya pa Mizipa ukufumila mutwaya tosi tuto bakanyampaniziwako. Bakinula u vinyo u mwinji nkani sona ni vikomwa ivyinji nkani.

Yelemiya 44:2

U Mwene Uwamaka Ghosi, u Chala uwa Izilayeli akati, “Amwe mwebene mukakwennya ukunanganika kuko nkakawisizya akaya aka Yelusalemu sona nutwaya tosi utukulu utwa Yuda. Ilelo utwaya tula twaba visami sona atalimo nayumoyumo umuntu uwakwikalamo

Yelemiya 44:6

Polelo, ubukali bwane ubwakoghofya bukaka ngati moto uwa muvuno pa twaya utukulu utwa Yuda sona napa misebo iya mu Yelusalemu. Utwaya tula tukaba visami ngati mumo tubeleye ilelo.”

Yelemiya 6:9

U Mwene Uwamaka Ghosi akuti, “Leka basalalaye aba Izilayeli abakusyalako, ngati mumo abantu bakubombela pakuyaba amampesya pakughefyako ku tusamba twache.”

Daniyeli 9:7

“Wee Mwene, awe we mugholosu, loli ilelo tuli ni soni nkani. Abantu babo bakwikala muchisu icha Yuda, ni icha Yelusalemu sona na mu Izilayeli mosi, bosi aba papipi naba kubutali, sona na kuvyisu vyosi kuko ubanyapanizizye, pachifukwa ichakuti tute basubiliwa kukwako.

Aba Levi 26:33

Nkwiza pakubanyampanizizya pakasi pabantu aba inko injeni nukubanangannya nupanga wane. Ichisu chinyu chikwiza pakuba nkolongo, sona utwaya twinyu utukulu nkani tukwiza pakuba visami.”

Amosi 3:1

Mwee ba Izilayeli, ivwa zizyo u Mwene akunena nizya amwe, mwe luko lulo nkalwefyamo mu Ijiputi:

Yona 4:3

Wee Mwene, nalamba ungoghe bulo, pakuti chizapo ukuti infwe nukuchila ukuti imbanje ne mumi.”

Mika 2:3

Polelo, u Mwene akuti, “Nkubatika ukunanganika pabantu banaba, kuko mutangipoka mwebene Mutakwiza pakwenda nalumolumo umwakwituvya, pakuti kakwiza pakuba kabalilo akapalapala.

Ukukumbusya Amalamulo 30:1

Nanti ulusayo ni vighune vyosi vinivi vyabawila, nukuvikumbuka bo muli pakasi pa inko zyosi zizyo u Mwene u Chala winyu abanyampanizizyako,

Ukukumbusya Amalamulo 30:4

Napapo akabanyampanikizizya kumpaka iya chisu ichapasi, pope bulo u Mwene u Chala winyu akwiza pakubabungannya nukubanyosyako.

Ubuvumbuli 6:16

Bakaghitizya amaghamba na mabwe bakati, “Mutuwile, mutufise pamaso pa yuyo ikaye pachitengo icha bumwene, mutufise ku bukali ubwa Mwana uwa ng'ozi.

Ubuvumbuli 9:6

Mumasiku ghalaghala abantu bakwiza pakunena ukuti chizapo pakufwa, loli batakwiza pakufwa. Bakwiza pakulonda nkani ukuti bafwe, loli ubufwe bukwiza pakubachimbila.