Yelemiya 8:2 - IBAYIBOLO 2024

² Ghakwiza pakunyampaniziwa kwizuba na kumwezi sona ni tondwa zyosi vivyo bavighanite nkani nukuvibombela sona vivyo bavikonka nukulabako amahala nukuvyiputa. Batakwiza pakughabungannya amafupa ghala pamo ukughasyila, loli ghakwiza pakuba muvundo pamwanya pitope.

Yelemiya 8:2 Iomraidhean Croise

2 Abamwene 17:16

Bakaghakana amalamulo ghosi agha Mwene u Chala wabo nukwipangila bene ivifwani ivya ngwata, ni chifwani icha Ashela. Bakazyiputa intondwa, sona bakamuchindika u Baala.

2 Abamwene 21:3

Akazenga sona ubuzilo ubwapamwanya ubwakwiputilapo ivifwani, bubo uwise u Hezekiya akabumongolannya. Akamuzengela sona u Baala ivighemo nukupanga ivifwani ivya Ashela ukuyana namumo u mwene u Ahabu uwamu Izilayeli akabombelagha. Akazyiputagha intondwa nukuzichindika.

2 Abamwene 21:5

U Manase akazizengela intondwa ivighemo muntanda zyosi zibili izya Nyumba iya Mwene.

2 Abamwene 23:5

U Yosiya akabefyapo pambombo abaputi bosi abakuzi babo abamwene aba mu Yuda bakabimika ukuti babikaye ivyakwiyipa ivyakocha pavighemo mutwaya utukulu nkani utwa Yuda, sona nu buzilo bosi ubwa papipi nakaya akakulu nkani aka Yelusalemu, kokuti abaputi bosi babo bakabika ivyakwiyipa kwa Baala na kwizuba na kumwezi na kuntondwa zyosi izyakumwanya.

Masalimo 53:5

Kulakula bakwiza pakuba nubogha ubukulu nkani, ubogha bubo batabwenizyepo nalumo. U Chala akwiza pakughanyampannya amafupa agha bantu babo bakumubombela ububibi, mubakozyanje isoni pachifukwa ichakuti u Chala abakanite.

Masalimo 83:10

babo ukabanangannya pa Endoli, amabili ghabo ghabolela mwitope.

Masalimo 83:11

Ubabombele abalongozi babo, zizyo ukamubombela u Olebu nu Zebu. Bope abalaghili babo, ubabombele zizyo ukamubombela u Zebu nu Zalimuna,

Umulumbilili 6:3

Umuntu angaba na bana 100 nukwikala nubumi amaka aminji nkani, pope bulo chite ni mbombo nanti akwikala nubumi ubutali, nanti atakwilagha ubukabi bwache, sona nanti atakusyiliwa akiza. Po nkuti umwana yuyo atapapiwe mwizapo ukumuchila umuntu yulayula.

Yelemiya 14:16

Sona abantu babo bakubalaghulila bakwiza pakusumbiwa mumisebo iya mu Yelusalemu pachifukwa icha zala nu bwite. Atakwiza pakubapo nayumoyumo uwakubasyila pamo abachi babo, abana babo abalumendo pamo abalindu. Nkwiza pakubafunda nintamyo zizyo zibabaghiye.

Yelemiya 16:11

Po awe ubamule uti, ‘Pachifukwa ichakuti abanyenya binyu bakandeka, po bakabakonka abachala abanji nukubabombela sona bakanda pakubiputa. Bakankana sona batakazisunga indaghilo zyane.

Yelemiya 16:4

“Bakwiza pakufwa nu bubine ubupalapala nkani. Batakwiza pakubalila pamo pakubasyila loli bakwiza pakuba ngati vinyazu vivyo vili pachisu. Bakwiza pakufwa nu bwite sona nizala. Imivimba yabo yikwiza pakuba chakulya icha viyuni ni vinyamana.”

Yelemiya 16:6

Bosi abasongo na banandi bulo, bakwiza pakufwila muchisu chinichi. Batakwiza pakubasyila pamo pakubalila, sona atalipo nayumoyumo uwakwibola mwene pamo uwakwimwa mwene kumutu, pachifukwa icha chitima.

Yelemiya 19:13

Inyumba izya mu Yelusalemu nizya bamwene aba mu Yuda zikwiza pakunyaziwa ngati nyumba izya ku Tofeti, pachifukwa ichakuti pa visonje ivya nyumba zinizi po papo bakochelaghapo utwakununkila ku bachala aba mumwanya sona bakupungulilapo ichakwiyipa icha vinyo ku bachala abanji.’ ”

Yelemiya 22:19

Akwiza pakusyiliwa ngati mpunda, bakwiza pakumuwesela nukumusumbila kuzi ukwa milyango iya Yelusalemu.”

Yelemiya 25:33

Pakabalilo kalakala imivimba iya babo bakaghoghiwa nu Mwene, yikwiza pakulambalala posi na posi, ukwandila kubumalilo ubwa chisu mupaka kubunji, kutakwiza pakubapo nayumoyumo uwakubalila, pamo uwakubasyila, loli bakwiza pakuba ngati muvundo pamwanya pachisu.

Yelemiya 31:40

Ikombe lyosi kuko imivimba yikusyiliwa sona kuko itoyi likutaghiwa, sona na maghunda ghosi ukwandila kwi Kombe ilya Kidiloni kubufumilo bwizuba mupaka kunkuto iya Mulyango uwa Falasi, likwiza pakuba lipaghuliwa kwa Mwene. Akaya akakulu nkani katakwiza pakunyunkuliwa pamo pakumongoliwa sona.”

Yelemiya 36:30

Pakunena nizya Yehoyakimu u mwene uwa ba Yuda u Mwene akuti: Atakwiza pakubapo nayumoyumo uwakupyana pachitengo icha bumwene ubwa Devedi, umuvimba wache ghukwiza pakusumbiwa nukulekiwa pizuba pamusanya sona pabusiku ghukwiza pakulekiwa mubukatazu.

Yelemiya 9:20

Mwee bakolo, ivwa izyu ilya Mwene, Ighula amakutu ghinyu ukuti mwivwe zizyo akunena. Mubamanyisye abana binyu abalindu namumo bangimbila ulwimbo ulwa pamfwa, umuntu wesi amumanyisye umupalamani wache pakulila.

Yelemiya 9:21

Imfwa yatwizila ukwendela mumabwindo ghitu, yinjila munyumba izya bumwene. Yatughoghela abana bitu mumisebo, sona yatumalila abalumendo bitu muminalo.

Yelemiya 9:22

U Mwene akuti, “Imivimba yikwiza pakuba ngati gho muvundo ghugho balundikite mumughunda, ngati nkose izya ngano zizyo abinuli bazilekite mwisinda, sona atalipo nayumoyumo uwakuzibungannya.”

Ezekiyeli 29:5

Nkwiza pakukuleka munkolongo, awe poka niswi zyosi izya mutusoko twako. Ukwiza pakuwila pabuzelu bulo, patakwiza pakubapo nayumo umuntu uwa kukuseba, sona utakwiza pakusyiliwa. Nkwiza pakukubika pakuba chakulya icha vinyamana ni viyuni.

Ezekiyeli 39:5

U Mwene Uwamaka Ghosi akuti: Ukwiza pakufwila munkolongo pachifukwa ichakuti nanena.

Ezekiyeli 6:5

Nkwiza pakuyilambalika imivimba iya ba Izilayeli pamaso pavifwani vyabo, sona nkwiza pakughanyampannya amafupa ghinyu umwakuzyungulila ivighemo vyinyu.

Ezekiyeli 8:16

Po akanyinjizya mulubinjilo ulwa Nyumba iya Mwene, palapala pamulyango uwa Nyumba iya Chala pakasi pibalaza ni chighemo, pakaba abantu 25. Inkoto zyabo zikennya ku Nyumba iya Mwene bo ivyeni vyabo vikennya kubufumilo bwizuba, bakalyiputagha izuba.

Zefaniya 1:17

“Nkwiza pakubawisizya abantu intamyo sona bakwiza pakwenda ngati bafwamaso, pachifukwa ichakuti bamunangila u Mwene. Ibanda lyabo likwiza pakukupuka ngati lufumbi sona imivimba yabo yikwiza pakuba ngati vintu ivinyazu.”

Zefaniya 1:5

Nkwiza pakubanangannya babo bakukwela pavisonje ivya nyumba pakwiputa izuba nu mwezi sona ni ntondwa. Nkwiza pakubazimizya babo bakufughama pasi, nukulapila mwitabwa ilya Mwene sona pakabalilo kanako bakulapila mwitabwa ilya chala u Moleki.

Imbombo 7:42

Po u Chala akabapa inkonto nukubavwituka ukuti biputaye bulo ni ntondwa izya kumwanya ukuyana namumo zisimbiliwe mwibuku ilya balaghuzi ukuti, ‘Mwee ba Izilayeli! Mutakangoghelagha nene ivinyamana vyinyu nukubika ivyabupi amaka 40 munkolongo?

Ukukumbusya Amalamulo 17:3

nukubiputa abachala abanji nukubafughamilila, pamo akwiputa izuba pamo umwezi, pamo intondwa.

Ukukumbusya Amalamulo 4:19

Nanti mwinusya amaso ghinyu kumwanya nukulyennya izuba nu mwezi ni ntondwa kokuti ivintu vyosi ivyamaka ivya kumwanya mutakadebiwanje pakuvifughamilila nukuvyiputa. Pakuti u Mwene u Chala winyu abapa abantu aba inko izinji izya muchisu ichapasi ivintu vinivi ukuti vibavwanje.