Yelemiya 8:19 - IBAYIBOLO 2024

¹⁹ Ivwa ukulila ukwa bantu bane abakufuma kuchisu icha kubutali, “Nkimba u Mwene atalimo muchisu icha Ziyoni? Fwandi u mwene atalimo mulamula?” U Mwene akwamula akuti, “Nkimba choni chicho bakunkalalizya ni vifwani vyabo? Sona ni vifwani vyabo iviyeni vivyo vite nimbombo nayimoyimo?”

Yelemiya 8:19 Iomraidhean Croise

Masalimo 135:21

Apaliwanje u Mwene mu Ziyoni, yuyo akwikala mu Yelusalemu. Mupalaye u Mwene.

Masalimo 137:1

Mulubazu ulwa soko izya Babiloni, momumo tukikala pasi nukulila, bo twakumbuka u Ziyoni.

Masalimo 146:10

U Mwene akulaghila bwila na bwila, wee Ziyoni, u Chala wako akulaghila kunkulilo zyosi. U Mwene apaliwanje.

Masalimo 149:2

Aba Izilayeli basekelaye, pachifukwa icha Mupeli wabo, abantu aba mu Ziyoni bahobokaye pachifukwa icha Mwene wabo.

Masalimo 31:6

Imbabengite babo bakuvyiputa ivifwani, loli nkusubiye awe we Mwene.

Yesaya 1:4

Chighune, ku mwe luko ulubibi, mwe mwizuye ni mbibi, mwe baluko ulubomba mbibi abana babo banyonganite! Bamukanite u Mwene sona bamusulite Umuzelu uwa Izilayeli, nukumupa inkonto.

Yesaya 12:6

Mwee bantu aba mu Ziyoni kolomokagha nukwimba umwakughoboka! Pakuti Umuzelu uwa Izilayeli weyuyo mukulu, pakasi papinyu.”

Yesaya 13:5

Bakufuma kuvyisu ivya kubutali, kubumalilo ubwa chisu ichapasi, u Mwene ni vilwilo ivya bukali bwache, akwiza pakuchinangannya ichisu chosi ichapasi.

Yesaya 33:22

Pakuti u Mwene we mulongi witu, u Mwene we akutupa indaghilo, u Mwene we mwene witu, weyuyo akwiza pakutupoka.

Yesaya 39:3

Po umulaghuzi u Yesaya akabuka kwa mwene u Hezekiya nukumulalusya ukuti, “Nkimba abantu bala bakati choni, sona bakafuma kwiyi?” U Hezekiya akamula akati, “Kuchisu icha kubutali icha ku Babiloni.”

Yesaya 52:1

Wee Ziyoni, vundumuka, vundumuka! Banga na maka. Vwala amenda ghako amiza nkani, wee Yelusalemu, akaya akakulu nkani akazelu. Abantu babo batasilimuliwe, sona na bantu abanyazu batakwiza pakwinjila sona pamulyango wako.

Yelemiya 10:15

Vite nimbombo nayimoyimo, pakuti imbombo yabo yabuzimbuli mpela, sona pakabalilo aka lufundo lwabo bakwiza pakuzimila.

Yelemiya 14:19

Abantu bakuti, “Nkimba wabakanila zila abantu aba muchisu icha Yuda? Nkimba ukubasamula abantu aba mu Ziyoni? Fwandi choni chicho watuvulazya umwakuti tukupotwa nukupola? Twaghulindililagha umutende loli butalipo nu bwiza nabumobumo. Twalondagha pakupola loli bogha bwene.

Yelemiya 14:9

Nkimba choni chicho uli ngati muntu yuyo achenuziwa bulo, ngati musilikali yuyo ate namaka pakubapoka abantu? Loli pope bulo awe we Mwene uli pakasi papitu, sona tukwitiziwa nitabwa lyako, utakatuleke twebene!”

Yelemiya 2:5

U Mwene akukulalusya akuti, “Nkimba bubibi boni bubo abanyenya binyu bakabwagha mumwane, ukuti banchimbile? Bakavyiputa ivifwani ivya mwalwemwalwe nukwipela pakuba bamwalwemwalwe.

Yelemiya 27:10

Pakuti bakulaghula ivyabumyasi umwakuti abalwani binyu babasendele kubutali ni chisu chinyu nukuzimila kulakula.

Yelemiya 31:6

Akabalilo kakwiza pakufikila, kako abalindilili aba pamaghamba agha Efulayimu bakwiza pakukolomoka ukuti, ‘Tubukaye ku Ziyoni, kwa Mwene u Chala witu.’ ”

Yelemiya 32:30

“Pakuti ukwandila po pa bwana bwabo, aba Izilayeli naba Yuda batabombitepo nazimozimo inyiza loli bo bubibi bwene pamaso papane, imbombo yabo yakunkalalizya ni mbombo zyabo imbibi.

Yelemiya 7:19

Nkimba batakunkalalizya nene? Nkimba batakwivulazya bene umwakuti bakoziwanje isoni?”

Yelemiya 8:20

Abantu bakuti, “Akabalilo aka nyinulo kamalite, akabalilo aka chisanya kachila, loli pope bulo tuchili tutapokiwe.”

Yelemiya 9:16

Nkwiza pakubanyampanizizya pakasi pa inko zizyo abene pamo abanyenya binyu batazimenye nalumo, nukubatumila abasilikali pakubamala bosi.”

Ezekiyeli 48:35

“Akaya kosi akakulu nkani umwakuzyungulila kakwiza pakuba amamita 9,000. Ukwanda pakabalilo kalakala mupaka muntazi, akaya akakulu nkani kakwiza pakwitiziwanga ukuti, ‘U Mwene ali Palapala.’ ”

Yoweli 2:32

Umuntu wesi yuyo akulabila mwitabwa ilya Mwene akwiza pakupokiwa. Pakuti pighamba ilya Ziyoni na mu Yelusalemu mukwiza pakuba ubupoki, ukuyana namumo u Mwene anenela pakasi pabantu abakupona, pakwiza ukwaghiwapo babo u Mwene akubitizya.”

Yoweli 3:21

Nkwiza pakubatanizya aba Edomu naba Ijiputi pachifukwa icha libanda lilyo bakupula, ntakwiza pakubaleka bulo. Ane ne Mwene nkwikala mu Ziyoni!”

Obadiya 1:17

Loli pighamba ilya Ziyoni bakwiza pakwikalapo abapokiwa, sona abaluko ulwa Yakobo bakwiza pakuba nichilingo ichabo.

Mika 4:9

Nkimba choni chicho ukulila umwakukwezya amazyu? Nkimba ute nu mwene? Nkimba uwakukumanyisya amahala afuye, pakuti ububavu bwakulema ngati mukolo yuyo akupapa?

Zefaniya 3:15

U Mwene efyapo ulufundo lwinyu, nukubachimbizya abalwani binyu. U Mwene, umulaghili uwa ba Izilayeli ali namwe, mutakwiza pakunyila sona intamyo zimo.

Zekaliya 2:9

Naloliloli, nkwiza pakuzikoma inko zinizi ni nyobe yane, po abazya babo bakwiza pakubafyula ivintu ivya inko zila.” Po mukwiza pakumanya ukuti u Mwene Uwamaka Ghosi antuma.

Imbombo 14:15

“Mwebaya mwee, choni chicho mukubomba zinizi? Aswe twe bantu bulo ngati mwemwe! Tuli pano pakulumbilila kukwinyu Amazyu Amiza, ukuti muvileke ivintu ivibibi nukumukonka u Chala umumi, yuyo akapela kumwanya, ni chisu ichapasi, ni nyanja, sona na vyosi vivyo vili mulamula.

Ukukumbusya Amalamulo 31:17

Po bunubu ane nkwiza pakubakalalila nukubaleka, sona nkwiza pakubanangannya. Nkwiza pakubawisizya intamyo na mayimba aminji nkani umwakuti pisiku lilalila bakwiza pakulalusya ukuti, ‘Nkimba intamyo zitakutuwila pachifukwa ichakuti u Chala witu, ate poka naswe?’

Ubuvumbuli 2:1

“Uwantumi uwa muchipanga icha mu Efeso umusimbile uti, “Amazyu ghagho ghaneniwa na yuyo alemite intondwa seveni munyobe yache indilo, sona yuyo akwenda pakasi pa vyakubikapo inyale izya golide seveni gho agha: