Yelemiya 8:18 - IBAYIBOLO 2024

¹⁸ Ukubaba ukwa moyo wane kute numulembo naghumoghumo, umoyo wane wawa amaka.

Yelemiya 8:18 Iomraidhean Croise

Masalimo 143:7

Wee Mwene, unyamule lubilolubilo, pakuti umuzimu wane wadedebala. Utakanfisilaye icheni chako, lumo ningayana na bantu babo bali mwipumpa.

Yesaya 22:4

Polelo nkati, “Mundeke nemwene, ukuti indilepo nkani. Mutakansangalusyanje pachifukwa icha kunanganika ukwa bantu bane.”

Yelemiya 23:9

Pakunena nizya balaghuzi, umoyo wane ghuli nichitima nkani, amafupa ghane ghakutetema. Indi ngati muntu yuyo akolizwe, umuntu yuyo u vinyo amumalite amaka pachifukwa icha Mwene sona na mazyu ghache amazelu.

Yelemiya 4:19

Mwee, intamyo! Mwee intamyo! Nkwigholola nu bubavu. Mwee umoyo wane ghukubaba, umoyo wane ghukukoma nkani, nkupotwa pakuba myee. Pakuti nivwa ukulila ukwa lipati, nivwa ichongo icha bwite.

Yelemiya 6:24

Twivwa imbili yako, sona amaka ghamumalila. Ubogha bwamulema ngati bubavu ubwa mukolo yuyo akusayiwa.

Yelemiya 9:1

Mwee, nalondagha nkani ukuti u mutu wane ghube ngati mbwibi iya mizi nukuti amaso ghane ghabe ngati chiziba icha masozi! Umwakuti ngali nalila umusanya nubusiku pachifukwa icha bantu bane babo baghoghiwe.

Nkuto 5:17

Pachifukwa cha zinizi, amoyo ghitu ghadedebaye nkani. Pachifukwa cha zinizi, amaso ghitu ghakwennya akafobela.

Habakuku 3:16

Bo nivwa zinizi mukasi mukasunguluka, sona imilomo yane yikaneng'ena bo nivwa amazyu ghanagha. Amafupa ghane ghakanda pakubola sona ivinama vyane vikatetema. Loli nkwiza pakulindilila mubufisalyoyo ukwiza ukwa isiku ilya ntamyo, ukuti lyize pa balwani bitu babo bakutulema.