Yelemiya 8:16 - IBAYIBOLO 2024

¹⁶ Abalwani bitu binjiye kale mukaya akakulu nkani aka Dani, Bo ifalasi zyabo zikulila, ichisu chosi chikutetema. Abalwani bizite pakunangannya ichisu chitu, poka na vyosi vivyo vili mumo, akaya akakulu nkani sona na bantu babo bakwikala mulamula.”

Yelemiya 8:16 Iomraidhean Croise

Yobu 39:20

Nkimba wewe ukuyikalalizya ngati we kanta, nukuboghofya abantu nukukonona kwache?

Masalimo 24:1

Ichisu ichapasi ni vintu vivyo vili mumo vya Mwene, ichisu chosi ichapasi poka na bantu babo bakwikala mulamula.

Yelemiya 10:25

Pungulila ubukali bwako pa inko zizyo zitakumenye, pabantu babo batakukwiputa. Pakuti bamulya u Yakobo, bamulya nukumumalizya, sona bakanangannya akaya kache nukukapela pakuba nkolongo.

Yelemiya 3:24

Loli ukwandila ku bulumendo bwitu, abachala abakozya isoni batupela aswe ukuti tutaghe vyosi, vivyo abanyenya bitu bakatubombela, kokuti imidimo iya ng'ozi niya ng'ombe, abana babo abalumendo na balindu ukwanda kale.

Yelemiya 30:16

“Loli nkwiza pakubanangannya bosi babo bakubanangannya, abalwani binyu bosi bakwiza pakusendiwa pakuba bazya. Bosi babo bakubafyula ivintu vyinyu, bope ivintu vyabo vikwiza pakufyuliwa. Bosi babo bakubayivya bakwiza pakuyinviwa

Yelemiya 30:5

U Mwene akuti, “Nivwa amazyu agha nkuto, amazyu aghakoghofya ghagho te ghamutende, awe.

Yelemiya 4:24

Nkennya kumaghamba, nkagha ukuti ghakaneng'enagha, sona utughamba tosi tukatetemagha.

Yelemiya 4:7

Inkalamu yafumila mumusitu, wepe uwakunangannya ivyisu anyamuka. Abulekite ubuzilo bwache umwakuti achinangannye ichisu chinyu. Utwaya twinyu utukulu tukwiza pakuba visami mumo mutakwikalamo abantu.

Yelemiya 47:3

Bakwiza pakwivwa ichongo icha falasi bo zikuchimbila bakwiza pakwivwa ukuchimbila ukwa ngolo izya balwani sona nukulila ukwa vingelengele vyabo. Abawise batakwiza pakwennya sona kwisinda ukuti babavwe abana babo, inyobe zyabo zitakwiza pakuba namaka naghamoghamo.

Yelemiya 5:17

Bakwiza pakulya ivyakulya vyinyu ivya nyinulo yinyu, bakwiza pakubalya abana binyu abalumendo na balindu, bakwiza pakuvilya ivitekwa vyinyu ivya ng'ozi ni ng'ombe, bakwiza pakunangannya amampesya ghinyu na makuyu ghinyu. Bakwiza pakutunangannya nu bwite utwaya twinyu utukulu nkani tuto tuzyunguliliwe na malinga ghagho mughasubiye nkani.”

Yelemiya 50:42

Banyamuye ubwele ni mpalala, bakali sona bate ni chisa nachimochimo. Bakwivwika ngati kupoma ukwa nyanja bo bakwelite pafalasi zyabo. Bakwiza ngati bantu babo biyanizye pakulwa ubwite, ukuti balwe nawe, wee Babiloni.

Yelemiya 51:29

Ichisu chikutetema nukunyongoloka, pachifukwa icha bubavu, pakuti chicho u Mwene akamubatikila u Babiloni chikwiza pakubombiwa, pakuchipela ichisu icha Babiloni pakuba chisami, umwakuti atakwiza pakubamo nayumoyumo uwakwikalamo.

Yelemiya 6:23

Banyamuye ubwele ni mpalala, bakali sona bate ni chisa nachimochimo. Bakwivwika ngati kupoma ukwa nyanja bo bakwelite pafalasi zyabo. Wee Ziyoni, bakwiza ngati bantu babo biyanizye pakulwa ubwite, ukuti balwe nawe.”

Nahumu 3:2

Ivwa ukulila ukwa ndisa nichongo ichavingelengele, umulinto uwa nyayo izya falasi nukulila ukwa vyela ivya ngolo izya bwite!

Habakuku 3:10

Amaghamba ghakakwennya nukutetema, nukusata ukufuma kumwanya, ubwibizu ubwanyanja bukazumagha ichongo, nukughakwezya amayigha ghache mumwanya.

1 Aba Kolinti 10:26

Pakuti Amasimbo ghakuti, “Ichisu ichapasi, ni vintu vivyo vili mumo vya Mwene.”

1 Aba Kolinti 10:28

Loli nanti yumo akukubuzya ukuti, “Ichakulya ichi chikabikiwa ku vifwani ukuti chibanje chakwiyipa,” po utakalyanje ichakulya chilachila pachifukwa icha yuyo akakubuzya, sona na pachifukwa icha mabyebye.

Abalongi 18:29

Akaya akakulu nkani kala bakakita itabwa ilya Dani, itabwa ilya munyenya wabo u Dani umwana umulumendo uwa Yakobo. Loli akaya akakulu nkani kala pakwanda bakatinji Layishi.

Abalongi 20:1

Aba Izilayeli bosi aba mu Dani mupaka ku Belisheba, sona naba mu Giliyadi bakabungana poka pamaso pa Mwene mu Mizipa.

Abalongi 5:22

“Po inyayo izya falasi zikivwika nu mulinto umukulu nkani. Ifalasi zila zikaba palubilo nkani, zikachimbilagha nkani.