Yelemiya 8:14 - IBAYIBOLO 2024

¹⁴ Abantu bakuti, “Nkimba choni chicho twikaye pano? Bungana poka! Zagha tuchimbilile ku malinga agha mutwaya utukulu nkani nukuzimila kulakula! Pakuti u Mwene u Chala witu adumula ukuti tubaghiye pakufwa, sona atung'wesya amizi agha bwanga, pakuti twamunangila.

Yelemiya 8:14 Iomraidhean Croise

2 Samuweli 20:6

U Devedi akamubuzya u Abishayi akati, “U Sheba umwana uwa Bikili akwiza pakututamya nkani ukumuchila u Abisalomu. Senda abasilikali bane nukumukonka u Sheba, lumo angatwagha utwaya utukulu nkani utwa malinga nukuvwamamo.”

Masalimo 39:2

Loli bo indi bulo myee sona intakanenapo nachimochimo ichiza, pope bulo intamyo zyane zikonjelela.

Masalimo 69:21

Bakambikila akanyongo muchakulya, sona bo indi ni nyota bakampa uvinyo umusape.

Yesaya 47:5

“Banga myee, mubukaye muchisi, amwe mweba muchisu icha Kaladeya, chifukwa ichisu chinyu chitakwiza pakwitiziwa sona, ukuti u mwene umukolo uwa bumwene.

Yelemiya 14:20

Wee Mwene, tukwitika ububibi bwitu, sona ni mbibi izya banyenya bitu, pakuti naloliloli twakunangila.

Yelemiya 14:7

Abantu bakuti, “Napapo imbibi zyitu zikutubikila ubwakaboni, wee Mwene, bombapo zimo pachifukwa icha itabwa lyako. Pakuti twakukana, sona twakunangila akabalilo kosi.

Yelemiya 23:15

Polelo, pakunena nizya balaghuzi banaba, u Mwene Uwamaka Ghosi akuti, “Nkwiza pakubalyesya ivyakulya ivibabe, sona bakwiza pakung'wela amizi agha bwanga, pachifukwa ichakuti ukwendela mu balaghuzi aba mu Yelusalemu imbeyu imbibi yapesiwa muchisu chosi.”

Yelemiya 3:25

Zagha tulambalale pasi bo tuli nisoni, sona ukwisamula kwitu kutuvwinke. Pakuti twamunangila u Mwene u Chala witu, aswe poka na banyenya bitu, ukwandila ko kubulumendo bwitu mupaka nilelo, sona twapotwa pakumwivwila u Mwene u Chala witu.”

Yelemiya 35:11

Loli bo u Nebukadineza u mwene uwamu Babiloni achifyula ichisu ichi, tukivwana pakunyokela ku Yelusalemu ukuti, ‘Tupone kutubukatila utwa bwite utwa ku Babiloni nutwa ku Siliya.’ Cho chifukwa tukwikala mu Yelusalemu.”

Yelemiya 9:14

Mubuzilo bwache bakonka amoyo ghabo amakafu, babiputa abachala babo aba Baala ngati mumo abanyenya babo bakabamanyizikizya.”

Yelemiya 9:15

Polelo, u Mwene Uwamaka Ghosi, u Chala uwa Izilayeli akuti, “Ennya, nkwiza pakubalyesya abantu banaba ichakulya ichibabe sona nukubang'wesya amizi agha bwanga.

Nkuto 3:19

Nkughakumbuka amayimba ghane nu kwendakwenda kwane kosi, sona ni vyakubaba vivyo nkang'wela nintamyo zyane.

Aba Levi 10:3

U Mozesi akamubuzya u Aloni akati, “Agha gho mazyu agha Mwene bo akuti, ‘Abantu bosi babo bali papipi nane, nkwiza pakubalanjizya ubuzelu bwane sona nkwiza pakuchindikiwa pakasi pabantu bosi.’ ” Loli u Aloni akaba bulo myee.

Amosi 6:10

Sona nanti umukamu yumo yuyo akulonda pakubasyila iza nukwefyamo imivimba munyumba mula nukumulalusya yumo yuyo asyala munyumba mula ukuti, “Nkimba asyalako yumo?” Nanti akuti, “Awe.” Po akwiza pakunena ukuti, “Banga myee! Tutakachele pakulitambula itabwa ilya Mwene.”

Habakuku 2:20

Loli u Mwene ali Munyumba yache izelu, leka ichisu chosi ichapasi chibe myee pamaso papache.

Zekaliya 2:13

Mwe bantu mwebosi, mubanje bulo myee pamaso pa Mwene, pakuti avundumuka ku buzilo bwache ubuzelu bubo akwikalako.

Matayi 27:34

Kulakula bakamupa u Yesu uvinyo uwakongannya na kanyongo ukuti ang'wele, loli bo aghonja, atakang'wela.

Ukukumbusya Amalamulo 29:18

Mwenelezye ukuti atakabepo nayumoyumo umwanavuli pamo umukolo pamo inyumba pamo uluko kokuti amwe mwebosi mwe mwimiliye pano ilelo mwapaghukako kwa Mwene u Chala witu nukubiputa abachala aba inko izinji. Mwenelezye nkani ukuti katakabepo nakamokamo akagululuzi pakasi papinyu kako kangela ivikomwa ivyakubaba nivimelwa ivyakughogha.

Ukukumbusya Amalamulo 32:32

Abalwani babo babibi nkani, bayanite bulo nu Sodomu nu Gomola, sona bayanite bulo na mampesya amababe, ghagho ghali nubwanga.