Yelemiya 8:13 - IBAYIBOLO 2024

¹³ “U Mwene akuti, ‘Nkwiza pakwefyako inyinulo yabo. Ivikomwa vitakwiza pakubamo mu mampesya. Ivikomwa vitakwiza pakubamo mu makwi agha makuyu, sona amani ghache ghakwiza pakufoka. Nkwiza pakubafyula ivintu vivyo nkabapa.’ ”

Yelemiya 8:13 Iomraidhean Croise

Yesaya 5:10

Po amaghunda teni agha mampesya ghagho mubyete, mukwiza pakwizuzyamo indobo yoka, pa vidudunga teni ivya mbeyu vikwiza pakwela, ichidudunga choka icha mbeyu.”

Yelemiya 14:12

Napapo bangatuzya pakulya, ntakwiza pakwivwa ukulila kwabo, napapo bangabika ivyakwiyipa ivyakocha sona ni vyakwiyipa ivya busu pope bulo ntakwiza pakubapokela. Mubuzilo bwache, nkwiza pakubanangannya nupanga, nizala sona ni chiwaya.”

Yelemiya 14:15

Polelo, u Mwene akunena nizya balaghuzi akuti: Abalaghuzi babo bakulaghulila mwitabwa lyane intabatumite awe. Bakubabuzya bakuti, ‘Mutakwiza pakufwa kubwite awe, pamo nizala muchisu ichi.’ Loli abalaghuzi banaba bo babo bakwiza pakughoghiwa nu bwite pamo nizala.

Yelemiya 17:8

Akwiza pakuba ngati likwi lilyo libyaliwe mulubazu ulwa lusoko lilyo amagululuzi ghache ghakutabila kulusoko. Litakunyilapo nu butukizu, akabalilo kosi amani ghache mateta. Litakupasyapo nululanga, sona litakupotwa pakwela ivikomwa.”

Yelemiya 5:17

Bakwiza pakulya ivyakulya vyinyu ivya nyinulo yinyu, bakwiza pakubalya abana binyu abalumendo na balindu, bakwiza pakuvilya ivitekwa vyinyu ivya ng'ozi ni ng'ombe, bakwiza pakunangannya amampesya ghinyu na makuyu ghinyu. Bakwiza pakutunangannya nu bwite utwaya twinyu utukulu nkani tuto tuzyunguliliwe na malinga ghagho mughasubiye nkani.”

Yelemiya 7:20

U Mwene Uwamaka Ghosi akunena akuti, “Ukukalala kwane nu bukali bwane vikwiza pakupunguliwa pabuzilo bunubu, pa muntu napa chinyamana, pa makwi agha munkolongo napa seke izya mumughunda, sona bukwiza pakwaka ngati moto ghugho ghutakuzima.”

Ezekiyeli 22:31

Po nkwiza pakupungulila ubukali bwane papabo nukubanangannya nubukali bwane ubwakoghofya, nkwiza pakubatanizya pachifukwa icha zizyo babomba.” U Mwene Uwamaka Ghosi anena.

Hoseya 2:12

Nkwiza pakughanangannya amampesya ghache, na makwi agha makuyu, ghagho akatinji gho malipilo ghache aghakufuma ku baghaniwa bache. Nkwiza pakughapela pakuba ngati gho musitu, sona ivinyamana ivyamuzi vikwiza pakughalya.

Yoweli 1:7

Avinangannya ivibyalwa ivya mampesya ghane, sona aghapyolannya amakwi ghane agha makuyu. Nukwefya amakambi sona nukughasumba, mupaka isamba zyache zikaba bulo swee.

Aba Levi 26:20

Mukwiza pakutagha bulo amaka ghinyu pakuti ichisu chinyu chitakwiza pakubabotolela imboto, sona amakwi ghatakwiza pakwelagha ivikomwa.

Habakuku 3:17

Amakuyu ghatakubazya, sona ghope amampesya naghamoghamo. Amakwi agha misyunguti ghatakwela, amaghunda ghope ghatakubanga ni vyakulya. Ing'ozi ni ng'ombe nazimozimo muvibagha.

Hagayi 1:11

Niza nululanga pachisu pamaghunda na pamaghamba pa ngano napa pamaghunda agha mampesya pamakwi agha misyunguti sona napa vintu vyosi vivyo ichisu chikumezya napa bantu napa ng'ombe sona ni mbombo zyabo zyosi.”

Hagayi 2:17

Nkanangannya vyosi vivyo mukabyalagha ni chiwaya icha chibabu ni chuku sona na mabwe agha vula, loli pope bulo mutakapinduka.’ U Mwene anena.

Malaki 3:11

U Mwene Uwamaka Ghosi akuti, “Nkwiza pakutukanizya utunyamana tuto tukulya imbeyu zyinyu, sona amampesya mumaghunda ghinyu ghatakwiza pakupotwa pakupa ivikomwa.

Matayi 21:19

Akachennya ichikuyu mulubazu mumusebo nukubuka palapala, atakavyaghamo ivikomwa ivya makuyu, loli amani ghene. Po akachibuzya ichikuyu chila akati, “Wee chikuyu, ute ukele sona nalumo ivikomwa!” Panapo na panapo ichikuyu chila chikuma.

Yakobo 1:11

Izuba likufuma nukocha kwache, nukumika isote. Ubwezya bukulaghala, po ubwiza bwache bukumala. Umwakuyana bulo, umuntu umukabi yula akwiza pakuzimila, bo ikolezanizye ni mbombo zyache.