Yelemiya 8:10 - IBAYIBOLO 2024

¹⁰ Polelo nkwiza pakubalemeka abachi babo abanavuli abanji sona amaghunda ghabo ku bantu abanji. Pachifukwa ichakuti ukwandila ku bana mupaka ku basongo bosi banaba bakunyonywa ukukabila ichuma muzila izya buzimbuli. Abalaghuzi na baputi bulo bosi bazimbuli.

Yelemiya 8:10 Iomraidhean Croise

Yobu 31:10

po umuchi wane asyanje palwala lwabanavuli abanji, sona abanje chiziba icha mwanavuli wesi.

Yesaya 28:7

sona na bantu banaba bope bakutantalila, pachifukwa icha vinyo. Abaputi na balaghuzi bakutantalila pachifukwa icha vinyo, bakutantalila bo bakwennya ivisetuka, bakupotwa pakulonga inongwa zizyo abantu bakubizila nazyo.

Yesaya 57:17

Nkakalala pachifukwa icha mbibi iya chinyonywa, Nkamufunda, nukufisa icheni chane mubukalale, loli bakendelelagha pakubomba imbibi zyabo.

Yelemiya 14:14

Po u Mwene akambuzya akati, “Abalaghuzi bakulaghulila mwitabwa lyane bakunena ubumyasi. Intabatumite awe, pamo ukubasala pamo ukunena nabo. Bakubalaghulila muvisetuka ivyabumyasi, pamo pakunena ni mizimu iya bafwe, pamo pakwiputa ku vifwani, sona bakunena ivya munyinong'ono zyabo imbibi.

Yelemiya 14:18

Nanti nkubuka mutwaya, nkwagha ukuti abantu abinji baghoghiwe kubwite. Nanti nkubuka mukaya akakulu nkani, nkubennya abantu bali nizala. Bosi abalaghuzi na baputi, babukite muchisu chicho batachimenye.’ ”

Yelemiya 17:11

Ngati mumo inkwale yikubalulila amafumbi ghagho yitakatela momumo abeleye nu muntu yuyo akukabila ichuma muzila imbibi. Bo amasiku agha bumi bwache ghapalamila bakwiza pakumuchimbila po pabumalilo akwiza pakuboneka muntu umupunganu.

Yelemiya 22:17

“Loli amaso ghako nu moyo wako vili pabukabi ubwa buzimbuli, vili pakukupula ibanda ilya bantu abasita nongwa nayimoyimo, sona nukubayivya abantu abasita nongwa nayimoyimo, nukufyula ivintu vyabo.”

Yelemiya 32:32

Abantu aba mu Izilayeli naba mu Yuda bankalalizizye nkani ni mbibi zyabo zizyo babombite poka na bamwene babo, na makambala ghabo na baputi babo sona na balaghuzi babo, abantu aba mu Yuda naba mu Yelusalemu.

Yelemiya 38:22

Abakolo bosi babo bakasyalikila munyumba iya bumwene ubwa mwene uwa ba Yuda bakwiza pakubikiwa ku makambala agha mwene uwa ku Babiloni. Abakolo balabala bakwiza pakwimba ukuti, ‘Abamanyani bako babo ukabasubila bakakuzimbula nukukupota bo ukulwa nabo. Ivinama vyako vyabadila mumatope, abamanyani bako bakuchimbiye.’

Yelemiya 42:1

Po bosi abalongozi aba basilikali, poka nu Yohanani umwana uwa Kaleya nu Yezaniya umwana uwa Hoshaya, sona na bantu bosi ukwandila ku banandi mupaka ku basongo bakamufika umulaghuzi u Yelemiya,

Yelemiya 5:31

Abalaghuzi bakulaghula ivyabumyasi, abaputi bakumanyisya chicho bakulonda, sona abantu bane bakuhoboka na zyosi zinizi. Po nkimba mukwiza pakubomba choni pabumalilo?”

Nkuto 4:13

Loli chikabombiwa pachifukwa icha mbibi izya balaghuzi bache, sona pachifukwa icha kunanga ukwa baputi bache, babo bakabaghogha abantu abagholosu mulamula.

Ezekiyeli 33:31

Abantu bane bakwiza kukwako ngati mumo bakubombelagha bwila, nukwikala pantazi papako pakuteghelezya amazyu ghako, loli batakughabombezya imbombo. Namalomo ghabo bakunena amazyu agha lughano, loli abene bakulonda ko kukaba bulo.

Amosi 5:11

Mukumuyivya umuntu umupina, nukumufyenga ukuti abape ingano. Napapo muzengite inyumba inyiza nkani izya mabwe, loli mutakwiza pakwikalaghamo. Napapo mubyalite amaghunda agha mampesya amiza nkani, loli mutakwiza pakung'wela uvinyo.

Mika 2:4

Mwisiku lilalila abantu bakwiza pakukusamula sona bakwiza pakubobezya ni nyimbo izya chililo izyakuti: ‘Mwee twananganika nkani ukatundu uwa bantu bitu afyuliwa. Anfyula ukatundu wane wesi! Akubapa abalwani amaghunda ghitu ghosi.’ ”

Mika 3:11

Abalongozi bache bakulonga pachifukwa icha mabeko, abaputi bache bakumanyisya pachifukwa icha malipilo, sona abalaghuzi bakulaghula pachifukwa icha ndalama. Loli pope bulo beghamiye kwa Mwene nukuti, “Nkimba u Mwene ate pakasi papitu? Chitalipo ichiwaya chicho chingatuwila.”

Mika 3:5

U Mwene akuti, “Abalaghuzi babo bakubasovya abantu bane, nanti yumo akubapa ichakulya, kokuti bakulumbilila ‘umutende.’ Nanti atakubomba bunubu, kokuti bakwiyannya pakulwa nawe ubwite.

Habakuku 1:6

Teghelezya nkwiza pakubapela abantu aba mu Babiloni, pakuba na maka ukubachila, luko ulukali sona nulwa lubilo nkani. Bakwiza pakuvipota ivyisu vyosi ivyapasi, pakuvifyula ivyisu vivyo vite vyabo.

Zefaniya 1:13

“Ubukabi bwabo bukwiza pakufyuliwa, sona inyumba zyabo zikwiza pakumongoliwa. Bakwiza pakuzenga inyumba, loli batakwiza pakwikalamo. Bakwiza pakubyala amampesya, loli batakwiza pakung'wela uvinyo.”

Titi 1:11

Ubaghiye ubakanizyanje pakunenanena, pachifukwa ichakuti bakuvulungannya imitu iya bantu munyumba zyosi pakubamanyisya vivyo vitabaghiye pakumanyisiwa. Pakubomba bunubu yikuba ngati yo zila iyakukabilamo indalama.

Titi 1:7

Pakuti usongo uwa chipanga we wakwenelezya imbombo iya Chala, abanje muntu umusita chilema nachimochimo. Atakabanje muntu uwakwitutumula nu wakukalala mwalwemwalwe pamo uching'wela. Atakabanje muntu uwalombwa, pamo umughana ndalama.