Yelemiya 7:9 - IBAYIBOLO 2024

⁹ “ ‘Amwe mukwiba, mukughogha, mukulowa, mukulapa, mukumochela u Baala utwakununkila sona mukubakonka abachala babo mutabamenyemo nalumolumo.

Yelemiya 7:9 Iomraidhean Croise

1 Abamwene 18:21

U Eliya akimilila pantazi pabantu bala nukubalalusya ukuti, “Nkimba mukwiza pakwilamwa mupaka liyi? Nanti u Mwene we Chala, mumubombelaye. Loli nanti u Baala we Chala, mumubombelaye.” Abantu bala batakamulapo nachimochimo.

Ukufuma 20:3

“Utakabiputaye abachala abanji, loli ane nemwene.

Yesaya 1:13

Mutakizaghe nalumo ni vyakwiyipa vivyo vite ni mbombo nayimoyimo, tope utwakufukizya twinyu utwakununkila utwa mwiko kukwane. Ulusekelo lwinyu ulwa Kupanta ukwa Mwezi nulwa Isiku Ilyakutuzya sona ninkomano izya masiku zitakunhobosya pachifukwa ichakuti vyizuye ni mbibi.

Yesaya 58:2

Pakuti bakundonda isiku ni siku, bakulonda nkani ukuzimanya izila zyane, ngati luko lulo lukubomba ingolosu, sona lutaghalekite amalamulo agha Chala. Bakundaba ukuti idumule inongwa zyabo mubwanaloli, nukuhoboka pakwikala papipi nu Chala wabo.

Yelemiya 1:16

Nkwiza pakubapa inongwa iyakubasusya abantu bane pachifukwa icha mbibi zyabo nukundeka. Bakafukizya utwakununkila ku bachala abanji, nukwiputa ku vifwani vivyo bakapanga ni nyobe zyabo.

Yelemiya 11:13

Wee Yuda, abachala bako binji nkani babo bayanite bulo nutwaya twinyu utukulu sona vyope ivighemo vivyo muzengite ivya kumochelapo utwakununkila u chala winyu u Baala, vyinji nkani ngati misebo iya mu Yelusalemu.’

Yelemiya 11:17

U Mwene Uwamaka Ghosi yuyo akababika muchisu, alamula ukuti, intamyo yikwiza pakubawila pachifukwa icha mbibi zizyo mwabomba mweba Izilayeli naba Yuda. Mwamukalalizya pakubika ichakwiyipa icha kocha kwa Baala.

Yelemiya 13:10

Abantu ababibi aba, babo bakukana pakuteghelezya ku mazyu ghane, sona bakukonka ubukafu ubwa moyo ghabo, bakubabombela nukubiputa abachala abanji, bakwiza pakuba ngati we lamba yuyo ate nimbombo nayimoyimo!

Yelemiya 18:15

Loli pope bulo abantu bane banduvizye, bakochela utwakufukizya ku bachala babo bate nimbombo nayimoyimo, bakwipunula muzila zyabo izyakale. Bakwenda mutuzila utwa mwisote, na mumisebo yiyo yitalimiwepo nalumolumo.

Yelemiya 19:4

Nkwiza pakuchibomba ichi pachifukwa ichakuti abantu bandeka, sona babunyazya ubuzilo ubu pakubika ivyakwiyipa ku bachala babo abayeni, babo abene pamo abanyenya babo batabamenye nalumolumo, pamo abamwene aba muchisu icha Yuda. Babwizuzya ubuzilo bunubu nibanda ilya bantu babo bate ninongwa nayimoyimo.

Yelemiya 32:29

Abantu aba ku Babiloni babo bakulwa nakaya akakulu nkani aka bakwiza pakukocha numoto poka ni nyumba zyosi kuko abantu bakankalalizya bo bakumochela u Baala utwakununkila pamwanya pachisonje sona nukupungulila ichakwiyipa icha vinyo ku bachala abanji.

Yelemiya 44:3

pachifukwa ichakuti abantu bakankalalizya sona bakabomba ububibi. Bakocha utwakununkila sona bakabiputa abachala abanji, babo amwe mwebenecho pamo abanyenya binyu mutakabamanyamo nalumolumo.

Yelemiya 44:8

Nkimba choni chicho mukunkalalizya ni mbombo zyinyu izya kubiputa abachala abanji sona mukubika ivyakwiyipa vyinyu ku bachala aba mukaya aka Ijiputi mumo mukwikala? Nkimba mukubomba zinizi ukuti mwinangannye mwebene, umwakuti inko izya muchisu ichapasi zibapele pakuba bantu abakusekiwa sona naba kughuniwa?

Yelemiya 44:9

Nkimba mwabuluvya ububibi bubo bubombiwe mutwaya utukulu utwa Yuda sona na mumisebo iya mu Yelusalemu, vivyo vikabombiwa na banyenya binyu na bamwene aba mutwaya utukulu utwa mu Yuda namwe sona na bachi binyu?

Yelemiya 48:35

Nkwiza pakubaghogha abantu aba muchisu icha Mowabu, babo bakubika ivyabupi pabuzilo ubwapamwanya, nukubochela utwakununkila abachala babo. Ane ne Mwene nanena.

Yelemiya 5:2

Napapo bakulapila mwitabwa ilya Mwene umumi, pope bulo bakulapa ivyabumyasi.”

Yelemiya 5:7

U Mwene akuti, “Nkimba choni chicho imbahobokele? Abana binyu bankanite, sona nukulapa ku bachala babo bate bo bachala. Nkabapa vyosi vivyo bakalondagha, loli pope bulo bakalowa bakatagha akabalilo munyumba izya bamalaya.

Yelemiya 7:6

nanti mutakubakanyilila abayeni, abana abalanda, pamo abafwilwe, sona mutakukupula ibanda ilya bantu babo bate ninongwa pabuzilo bunubu, sona mutakubakonka abachala abanji ukuti batakabanangannye,

Ezekiyeli 18:18

Loli u wise akwiza pakufwa pachifukwa ichakuti akasendelapo ulusako pabantu abanji, ngati pakubayivya abakamu bache nukubibila abawamwabo sona nukubomba chicho chikaba chibibi pakasi pabantu bache.

Ezekiyeli 20:30

“Polelo, ubabuzye aba Izilayeli ukuti, ‘U Mwene Uwamaka Ghosi akuti: Nkimba muchili mukwendelela pakubomba vivyo abanyenya binyu bakabomba pakwinyazya ni vifwani?

Ezekiyeli 23:39

Pisiku lilalila bakabika abana babo pakuba vyakwiyipa kuvifwani vyabo, bakinjila mubuzilo bwane ubuzelu nukubunyazya. Izi zyo zizyo bakabomba munyumba yane.

Ezekiyeli 5:11

U Mwene Uwamaka Ghosi akulapa akuti, “Pachifukwa ichakuti mwabunyazya ubuzilo bwane ubuzelu ni vifwani sona ni nyiho zyinyu izya mwiko, po ane ntakwiza pakubaleka bulo nukubapelela ichisa.

Hoseya 2:13

Nkwiza pakumufunda pachifukwa icha masiku agha ba Baala, ghagho akafukizya utwakununkila ku bachala bache aba Baala. Akipela mwene pakuba wakuboneka akiza, pakubombezya ugolide ni vyakwibonesekezya akiza, Akabakonka abaghaniwa bache, akanduvya ane ne Mwene.”

Hoseya 6:9

Ngati gho mavyondongo ghagho ghakuvwamilila abantu, momumo bope abaputi bakunangila. Bakubaghogha abantu pamusebo uwakubukila ku Shekemu, sona bakubomba ivintu ivikozya soni.

Amosi 4:5

Bika ivibama vyinyu ivya chilungo, pakuba chakwiyipa ichakupalizikizya, sona mwituvyanje pachifukwa icha vyabupi, vivyo mukwiyipa mubwighane bwinyu. Mwee ba Izilayeli, pakuti vinivi vyo vivyo muvighanite nkani pakubomba.” U Mwene Uwamaka Ghosi anena.

Zefaniya 1:5

Nkwiza pakubanangannya babo bakukwela pavisonje ivya nyumba pakwiputa izuba nu mwezi sona ni ntondwa. Nkwiza pakubazimizya babo bakufughama pasi, nukulapila mwitabwa ilya Mwene sona pakabalilo kanako bakulapila mwitabwa ilya chala u Moleki.

Malaki 3:5

U Mwene Uwamaka Ghosi akuti, “Nkwiza pakupalamila kukwinyu umwakuti imbalongaye. Ntakwiza pakuzyelazyela pakuba ne kaboni kubamayele na bamalaya na babo bakulapa ichilapo icha bumyasi na babo bakubazimbula abambombo amalipilo ghabo, na babo bakubayivya abakolo abafwilwe na bana abalanda pamo batakubabombela ubwanaloli abayeni, pakuti abantu banaba batakunchindika.

Aba Loma 2:2

Tuzimenye ukuti u Chala akulongela mubugholosu abantu babo bakubomba ivintu vinivi.

Ukukumbusya Amalamulo 32:17

Bakabika ivyakwiyipa ku mizimu imibibi, yiyo atakaba we Chala umwenecho. Bakaba bachala babo, abanyenya babo batabamenyepo nalumo, abachala babo aba Izilayeli batabiputitepo nalumo.

Ubuvumbuli 21:8

Loli abantu abogha na bantu abasita ukusubiliwa na babo bakubomba ivintu ivinyazu na baghoghi na bamalaya na bamayele na bakwiputa ivifwani sona na bantu bosi abamyasi, ubuzilo bwabo yo nyanja iya moto uwa sulufule. Ubu bo bufwe bwabo ubwabubili.”

Ubuvumbuli 22:15

Loli kuzi ukwa kaya akakulu nkani kuli imbwa na bamayele na bamalaya na baghoghi na bakwiputa ivifwani sona na babo babughanite ubumyasi.

Abalongi 5:8

Bo abantu basala abachala abanji, mukaya akakulu nkani mukabamo ubwite. Pakasi pabantu 40,000 mu Izilayeli, patakabapo nayumoyumo umuntu, yuyo akanyamula ingulu pamo impalala.