Yelemiya 7:34 - IBAYIBOLO 2024

³⁴ Nkwiza pakukanizya ivyongo ivya lusekelo nivya buhobosu mutwaya utukulu nkani utwa Yuda sona na mumisebo iya mu Yelusalemu naku mazyu agha yuyo akusendiwa sona nu mwenesendwa pakuti ichisu chila chikwiza pakwipela chisami.’

Yelemiya 7:34 Iomraidhean Croise

Yobu 3:7

Ubusiku bulabula bubanje mughumba, sona ukuhoboka kutakivwikaye nalumolumo.

Masalimo 78:63

Umoto ghukabalungulizya abana babo abalumendo, po abana babo abalindu batakaba na bantu abakubimbila palusekelo lwasendwa.

Yesaya 1:7

Ichisu chinyu chaba chisami, sona utwaya twinyu utukulu nkani tochiwe numoto. Abayeni bakubafyula amaghunda ghinyu bo mukubennya. Ichisu chinyu chaba bulo ngati nkolongo, sona abendazila bakuchinangannya.

Yesaya 3:26

Imilyango iya Ziyoni yikwiza pakulila nukufwifwitila, sona mutakwiza pakuba nachimochimo, po akwiza pakwikala palufumbi.

Yesaya 6:11

Nkalalusya nkati, “Wee Mwene, nkimba zinizi zikwiza pakubangako mupaka liyi?” Akamula akati, “Mupaka utwaya tosi utukulu twaba visami sona nayumoyumo umuntu akwiza pakwikalamo, inyumba zitakwiza pakuba na bantu sona chope ichisu chikwiza pakuba nkolongo.

Yelemiya 16:9

Pakuti u Mwene Uwamaka Ghosi u Chala uwa Izilayeli akuti, ‘Pabuzilo bunubu nkwiza pakumazya amazyu agha lusekelo nu buhobosu, sona nkwiza pakwefyapo izyu ilya yuyo akusenda na yuyo akusendiwa.’

Yelemiya 22:6

Pakunena nizya nyumba iya bumwene iya mwene uwa Yuda u Mwene akati, “Napapo uli ngati we chisu icha Giliyadi kukwane, sona uli ngati songa iya lighamba ilya Lebanoni, naloli nkwiza pakukupela pakuba we nkolongo, pakuba ngati twaya tuto abantu batakwikalamo.

Yelemiya 25:10

Nkwiza pakwefyamo ichongo icha buhobosu nu lusekelo, amazyu agha uwakusenda nu wakusendiwa, sona ichongo icha lwala nulukozyo ulwa nyale vitakwiza pakubamo.

Yelemiya 27:17

Mutakabivwilaye. Mumubombelaye u mwene uwamu Babiloni po mukwiza pakuba nubumi. Nkimba choni chicho akaya akakulu nkani aka kabanje chisami?

Yelemiya 33:10

“Umu momumo u Mwene akunenela: Mukubunena ubuzilo bunubu mukuti chisami sona abantu batalimo vyope ni vinyamana vitalimo. Loli pope bulo utwaya utukulu utwa mu Yuda ni misebo iya mu Yelusalemu vili vyene bulo, mukwiza pakwivwika

Yelemiya 33:11

amazyu agha buhobosu nulusekelo, na mazyu agha bantu babo bali palusekelo ulwa sendwa iya mulindu nu mulumendo, sona ninyimbo izya babo bakubika ivyakwiyipa ivyakupalizikizya mu Nyumba iya Mwene ivyakuti, ‘Mumupalizyanje u Mwene Uwamaka Ghosi pakuti u Mwene mwiza, ulughano lwache lwa bwila na bwila.’ Pakuti nkwiza pakuchinyosezya ichisu ubwiza bwache ngati mumo bukabela kale.

Yelemiya 4:26

Nkennya, nkagha ukuti ichisu icha muvundo chikaba nkolongo, utwaya utukulu tukananganika pachifukwa icha bukali ubwa Mwene.

Yelemiya 4:27

U Mwene akuti, “Ichisu chosi chikwiza pakuba chisami, napapo ntakwiza pakuchinangannya zila.

Yelemiya 44:6

Polelo, ubukali bwane ubwakoghofya bukaka ngati moto uwa muvuno pa twaya utukulu utwa Yuda sona napa misebo iya mu Yelusalemu. Utwaya tula tukaba visami ngati mumo tubeleye ilelo.”

Nkuto 5:14

Abasongosongo bakepapo pamulyango uwakaya akakulu nkani, abalumendo inyimbo zitakwivwika sona.

Ezekiyeli 26:13

Nkwiza pakumazya ichongo icha nyimbo zyako, sona nukulila ukwa vinanda kutakwiza pakwivwika sona.

Ezekiyeli 7:11

Ivyongo vyanyamuka, po vyaba ngati ndisa iya bubibi. Patalipo nayumoyumo umuntu, yuyo akwiza pakusyalapo, ivintu vyabo vikwiza pakumala, ubukabi bwabo bukwiza pakumala.

Hoseya 2:11

Nkwiza pakulumazya ulusekelo lwache losi, ulusekelo lwache ulwa pamwaka ulwa Kupanta ukwa Mwezi. Nkwiza pakulumazya ulusekelo ulwa Kupanta ukwa Mwezi, nu lusekelo lwache ulwa Isiku Ilyakutuzya, kokuti ulusekelo ulwa mumasikumumasiku.

Hoseya 2:13

Nkwiza pakumufunda pachifukwa icha masiku agha ba Baala, ghagho akafukizya utwakununkila ku bachala bache aba Baala. Akipela mwene pakuba wakuboneka akiza, pakubombezya ugolide ni vyakwibonesekezya akiza, Akabakonka abaghaniwa bache, akanduvya ane ne Mwene.”

Aba Levi 26:33

Nkwiza pakubanyampanizizya pakasi pabantu aba inko injeni nukubanangannya nupanga wane. Ichisu chinyu chikwiza pakuba nkolongo, sona utwaya twinyu utukulu nkani tukwiza pakuba visami.”

Mika 7:13

Ichisu chikwiza pakuba chisami, pachifukwa icha bantu babo bakwikalamo sona pachifukwa icha mbombo zyabo.

Ubuvumbuli 18:23

Mutakwiza pakubonekapo nalumolumo ukulama ukwa nyale mumwako. Mumwako mutakwiza pakwivwikapo nalumo izyu ilya mwenesendwa nilya yuyo akusendwa. Abaghulizi bako bakaba bamaka nkani muchisu ichapasi. Ukabazimbula abantu bosi aba muchisu ichapasi na mayele ghako aghabumyasi.