Yelemiya 7:32 - IBAYIBOLO 2024

³² Po mube maso, akabalilo kakwiza kako ubuzilo ubu butakwiza pakwitiziwa ukuti Tofeti pamo Ikombe ilya Beni Hinomu, loli bukwiza pakwitiziwa ukuti Ikombe Ilyakughoghelamo, pakuti bakwiza pakubasyilamo abafwe mu Tofeti, chifukwa butaliko sona ubuzilo ubunji.

Yelemiya 7:32 Iomraidhean Croise

2 Abamwene 23:10

Akabunyazya ubuzilo ubwa Tofeti bubo bukaba mwi Kombe ilya Beni Hinomu, umwakuti patakabapo nayumoyumo yuyo akamubika umwana wache umulumendo pamo umulindu ukuti chibanje chakwiyipa kwa Moleki.

Yelemiya 19:11

Ubabuzye ukuti, ‘U Mwene Uwamaka Ghosi akuti: Nkwiza pakuchifwantannya ichisu ichi nakaya akakulu kanaka ngati mumo umumata isonta akubombela, isonta yiniyi yitangamatiwa sona. Bakwiza pakubasyila abafwe mu Tofeti pakuti butakwiza pakubapo sona ubuzilo ubunji ubwa kubasyililako.

Yelemiya 19:13

Inyumba izya mu Yelusalemu nizya bamwene aba mu Yuda zikwiza pakunyaziwa ngati nyumba izya ku Tofeti, pachifukwa ichakuti pa visonje ivya nyumba zinizi po papo bakochelaghapo utwakununkila ku bachala aba mumwanya sona bakupungulilapo ichakwiyipa icha vinyo ku bachala abanji.’ ”

Yelemiya 19:2

ubuke kwi Kombe ilya Beni Hinomu, papipi nu Mulyango uwa Nyinga. Kulakula ufumusye amazyu ghagho nkukubuzya.

Yelemiya 19:6

Po u Mwene akuti, akabalilo kakwiza kako ubuzilo ubu butakwiza pakwitiziwa sona ukuti Tofeti pamo Ikombe ilya Beni Hinomu. Mubuzilo bwache bukwiza pakwitiziwanga ukuti, Ikombe Ilyakughoghelako.

Yelemiya 31:40

Ikombe lyosi kuko imivimba yikusyiliwa sona kuko itoyi likutaghiwa, sona na maghunda ghosi ukwandila kwi Kombe ilya Kidiloni kubufumilo bwizuba mupaka kunkuto iya Mulyango uwa Falasi, likwiza pakuba lipaghuliwa kwa Mwene. Akaya akakulu nkani katakwiza pakunyunkuliwa pamo pakumongoliwa sona.”

Yelemiya 7:31

Bazenga ichitembe chicho chikwitiziwa ukuti Tofeti mwi Kombe ilya Beni Hinomu, ukuti bochelayeko abana abalumendo na balindu pamoto pakuba chakwiyipa ku bachala abayeni, ichintu chicho intakabalamulapo sona chicho chite na munyinong'ono zyane.

Ezekiyeli 6:4

Nkwiza pakuvimongolannya ivighemo vyinyu sona nkwiza pakuvitiza ivyakufukizizyapo utwakununkila. Nkwiza pakubaghogha abantu binyu pamaso pavifwani vyinyu.

Aba Levi 26:30

Nkwiza pakunangannya inyumba zyinyu izyakwiputilamo ivifwani mumaghamba, nukumongolannya ivighemo ivyakufukizizyapo utwakununkila. Nkwiza pakuyisumbila imivimba yinyu pa vifwani vivyo vite nubumi, sona nkwiza pakubasulannya.