Yelemiya 7:30 - IBAYIBOLO 2024

³⁰ “ ‘Abantu aba mu Yuda babomba ububibi pamaso papane. Babika ivifwani vyabo ivinyazu munyumba iyi yiyo yikumanyikwa ni tabwa lyane, sona bayinyazya.

Yelemiya 7:30 Iomraidhean Croise

2 Abamwene 21:3

Akazenga sona ubuzilo ubwapamwanya ubwakwiputilapo ivifwani, bubo uwise u Hezekiya akabumongolannya. Akamuzengela sona u Baala ivighemo nukupanga ivifwani ivya Ashela ukuyana namumo u mwene u Ahabu uwamu Izilayeli akabombelagha. Akazyiputagha intondwa nukuzichindika.

2 Abamwene 21:4

Akazenga ivighemo ivya bachala abanji mu Nyumba iya Mwene mumo u Mwene akatinji, “Ane nkwiza pakuchindikiliwa mu Yelusalemu.”

2 Abamwene 21:7

U Manase akabika mu Nyumba iya Mwene ichifwani icha Ashela chicho akapanga. U Mwene akamubuzya u Devedi nu mwana wache u Solomoni akati, “Mu Nyumba iyi, sona mu Yelusalemu muno, bo buzilo bubo imbusalite pakasi panko izya ba Izilayeli, ukuti bubanje buzilo bwane ubwakuchindikiliwamo bwila na bwila.

2 Abamwene 23:12

Akamongolannya ivighemo vivyo abamwene aba mu Yuda bakazenga pachisonje icha chipinda icha mumwanya icha Ahazi, sona ni vighemo vivyo u Manase akazenga muntanda zibili mu Nyumba iya Mwene. Akazyefyapo nukuzimongolannya pakuba litoyi nukulisumbila mwikombe ilya Kidiloni.

2 Imbili 33:15

Akabefyamo abachala aba inko izinji, ni vifwani mu Nyumba iya Mwene, nukunangannya ivighemo vyosi vivyo akazenga pighamba, na mu Yelusalemu nukuvisumbila kuzi ukwa kaya akakulu nkani.

2 Imbili 33:3

Akazenga sona ubuzilo ubwapamwanya ubwakwiputilapo ivifwani, bubo uwise u Hezekiya akabumongolannya. Akamuzengela sona u Baala ivighemo nukupanga ivifwani ivya Ashela, akazyiputagha intondwa nukuzichindika.

2 Imbili 33:7

U Manase akabika mu Nyumba iya Mwene ichifwani chicho akapanga. U Chala akamubuzya u Devedi nu mwana wache u Solomoni akati, “Mu Nyumba iyi, sona mu Yelusalemu muno, bo buzilo bubo imbusalite pakasi panko izya ba Izilayeli, ukuti bubanje buzilo bwane ubwakuchindikiliwamo bwila na bwila.

Yesaya 66:4

po nane bulo nkwiza pakubizila nintamyo, pavintu vivyo bakuvinyila. Pakuti bo nkubitizya patakabapo nayumo uwa kunyamula, bo nkunena, patakabapo nayumo uwakanteghelezya. Bakabomba imbibi pamaso papane nukusala vivyo vitakunhobosya.”

Yelemiya 16:18

Nkwiza pakubanyosezya ulufundo kabili pachifukwa icha mbibi zyabo, pachifukwa ichakuti bachinyazya ichisu chane na bachala abanji abafwe sona bachizuzya ichilingo chane ni vifwani ivyamwiko.”

Yelemiya 23:11

“Bosi babili banaba, abalaghuzi na baputi batakumunyila u Chala, Imbaghite bakubomba ububibi mu Nyumba yane. Ane ne Mwene nanena.

Yelemiya 32:34

Bakabika ivifwani munyumba yane iyakwiputilamo nukuyinyazya.

Yelemiya 32:35

Bakamuzengela u Baala ubuzilo ubwapamwanya mwi Kombe ilya Beni Hinomu ukuti babikayepo abana babo abalumendo na balindu pakuba chakwiyipa kwa Moleki, napapo intakabalamulapo sona intakinong'onelapo ukuti bangabomba inyazu ngati zinizi nukubapela aba Yuda ukuti babombe imbibi.”

Ezekiyeli 7:20

Bakituvyanga ni vintu ivyakwibonesekezya akiza, pakupangila ivifwani ivyamwiko. Polelo nkwiza pakuvipela pakuba vyakubanyazya.

Ezekiyeli 8:3

Akagholosya chicho chikabonekagha ngati nyobe nukuzilema isisi zyane kumutu wane. Umuzimu uwa Chala ghukanyamulila mumwanya pakasi pachisu ichapasi nicha kumwanya, muchisetuka icha Chala umuzimu yula akabuka nane ku Yelusalemu, kumulyango uwa kumitu uwa lubinjilo, papo pakaba ichifwani icha kabini.

Daniyeli 11:31

“Abasilikali bache bamo bakwiza pakubunyazya ubuzilo ubwa malinga agha mu Nyumba iya Chala sona bakwiza pakumazya ivyakwiyipa ivya isiku ni siku. Po kulakula akwiza pakubikako ichintu ichinyazu, chicho chikupela ukunanganika.

Daniyeli 9:27

Umulaghili yula akwiza pakufingana na bantu abinji nkani ukwa maka seveni, loli uhafu uwamasiku ghanagha akwiza pakukanizya ivyakwiyipa ni vyabupi. Akwiza pakubika ichintu icha mwiko mu Nyumba iya Chala, chikwiza pakubanga mulamula. Chinichi chikwiza pakubangako mupaka umuntu yuyo akabomba zinizi afundiwe nukunanganika, kuko u Chala amuyanizizizye.”