Yelemiya 7:29 - IBAYIBOLO 2024

²⁹ “ ‘Lilagha mwe bantu aba mu Yelusalemu, mwanga isisi zyinyu sona muzisumbe, mulile nkani pamwanya patughamba, pakuti ane ne Mwene nkalaye sona nabakana abantu bane.

Yelemiya 7:29 Iomraidhean Croise

2 Abamwene 17:20

Polelo u Mwene akabakana aba Izilayeli bosi, sona akabafunda nukubabika munyobe izya bantu abakufyula ivintu mupaka akabefya bosi pamaso papache.

Yobu 1:20

Bo u Yobu ivwa zinizi akimilila, nukuzepula inkazo yache sona akamwa isisi zyache pachifukwa icha chitima. Po akawa pasi nukumwiputa u Chala

Yesaya 22:12

Pisiku lilalila u Mwene, u Mwene Uwamaka Ghosi akabitizya abantu ukuti balile nukufwifwitila, ukumeta isisi nukuvwala amasaka.

Yelemiya 12:7

“Imbalekite aba Izilayeli, imbakanite abampyana yane, Nababika abaghaniwa bane munyobe izya balwani babo.

Yelemiya 14:19

Abantu bakuti, “Nkimba wabakanila zila abantu aba muchisu icha Yuda? Nkimba ukubasamula abantu aba mu Ziyoni? Fwandi choni chicho watuvulazya umwakuti tukupotwa nukupola? Twaghulindililagha umutende loli butalipo nu bwiza nabumobumo. Twalondagha pakupola loli bogha bwene.

Yelemiya 16:6

Bosi abasongo na banandi bulo, bakwiza pakufwila muchisu chinichi. Batakwiza pakubasyila pamo pakubalila, sona atalipo nayumoyumo uwakwibola mwene pamo uwakwimwa mwene kumutu, pachifukwa icha chitima.

Yelemiya 3:2

Ennya pamwanya pamaghamba. Nkimba buzilo boni bubo utabombeyepo ubwamalaya? Ukabalindilila abaghaniwa bako mulubazu muzila, ukikala mulubazu ulwa musebo ngati mu Alabu yuyo avwamiliye. Wachinyazya ichisu nu bwamalaya sona nu bubibi bwako.

Yelemiya 3:21

Ichongo chikwivwika pamwanya pamaghamba, aba Izilayeli bakulila nukulaba ichisa, pachifukwa icha mbibi zyabo, sona bamuluvizye u Mwene u Chala wabo.

Yelemiya 47:5

Abantu aba mu Gaza bakwiza pakumwa isisi zyabo pachifukwa icha chitima, sona aba Ashikeloni bakwiza pakuba bulo myee. Mwee bantu abakusyalako, nkimba mukwiza pakwibolannya mupaka liyi?

Yelemiya 48:37

Pakuti umuntu wesi amwiye kumutu wache sona umuntu wesi amwiye indevu zyache pachifukwa icha chitima. Inyobe yosi yidumuliwe sona umusana ghosi ghuvwikiwe ni saka.

Yelemiya 6:30

Bali ngati we siliva yuyo ataghiwe, pakuti u Mwene abakanite.”

Yelemiya 9:10

Nkwiza pakukolomoka nukughalilila amaghamba sona nkwiza pakuyifwifwitila inkolongo, pachifukwa ichakuti ukwakudimako kwananganika. Kwaba chisami sona batakwendako ukumota ukwavitekwa kutakwivwikako. Iviyuni ni vinyamana vyachimbilamo.

Yelemiya 9:16

Nkwiza pakubanyampanizizya pakasi pa inko zizyo abene pamo abanyenya binyu batazimenye nalumo, nukubatumila abasilikali pakubamala bosi.”

Nkuto 5:22

Nkimba watukanila zila, sona watukalaliye umwakufikapo?

Ezekiyeli 19:1

U Mwene akambuzya akati, “Imba ulwimbo ulwa pamfwa, ulwakubalilila abamwene aba mu Izilayeli

Ezekiyeli 28:12

“Wee mwana uwa muntu, mwimbile u mwene uwa mukaya akakulu nkani aka Tile ulwimbo ulwa nkuto ukuti, ‘U Mwene Uwamaka Ghosi ati: Ukaba we chimanyilo icha bwiza ubwakufikapo, nu wamahala aminji sona nu wakuboneka akiza.

Amosi 5:1

Mwee ba Izilayeli, teghelezya ulwimbo ulwa pamfwa lulo nkubimbila,

Mika 1:16

Mumwanje isisi zyinyu pakubalilila abana binyu, babo mubaghanite nkani, Mumwanje ulupala ngati lizwanga, pakuti abana binyu bakwiza pakusendiwa kukwinyu nukubuka nabo kubuzya.

Matayi 12:39

U Yesu akabamula akati, “Abantu abankulilo iyi babibi na basita lusubilo, bakulonda ichiswigho? Awe, loli ichiswigho chene chicho bakwiza pakuchennya, cho chiswigho icha mulaghuzi u Yona.

Matayi 16:4

Abantu abankulilo iyi babibi na basita lusubilo bakulonda ichiswigho? Awe, loli ichiswigho chene chicho bakwiza pakuchennya cho chiswigho icha Yona!” Po akabaleka nukubuka.

Matayi 23:36

Naloli nkubabuzya ukuti ulufundo ulwa baghoghi aba lukwiza pakuwila pabantu abankulilo iyi!”

Matayi 3:7

U Yohani akabennya aba Falisayi naba Sadukayi abinji bakwiza kukwache ukuti boziwe. Po akababuzya akati, “Amwe mwe bana aba njoka! Nkimba wewenu abasokite pakuluchimbila ulufundo ulwa Chala lulo lukwiza?

Imbombo 2:40

U Pitala akababuzya na mazyu aghanji aghakubasoka akati, “Mwipoke mwebene ku lufundo lulo lukwiza pabantu ababibi abankulilo iyi!”

Ukukumbusya Amalamulo 32:5

Loli abene, bate basubiliwa, pakuti lo luko ulubibi nu luzimbuli.