Yelemiya 7:26 - IBAYIBOLO 2024

²⁶ Loli batakanteghelezya pamo ukubikilako umoyo. Bakakazya amoyo ghabo sona bakaba babibi ukubachila abanyenya babo.

Yelemiya 7:26 Iomraidhean Croise

1 Abamwene 14:22

Abantu aba mu Yuda bakamunangila nkani u Mwene. Pachifukwa icha mbibi zizyo bakabomba, bakamukalalizya nkani u Mwene ukuchila namumo abanyenya babo bakabombela.

1 Abamwene 14:9

Awe wabomba imbibi inkulu nkani ukubachila abantu babo bakabako kale. Wipangiye wemwene abachala abanji, ni vifwani ivya chela. Bunubu wankalalizya nkani, sona wampa inkonto.

2 Abamwene 17:14

Loli aba Izilayeli batakivwilagha, sona bakaba na moyo amakafu nkani ngati mumo bakabela abanyenya babo, babo batakamusubila u Mwene u Chala wabo.

2 Abamwene 17:15

Bakazisulannya indaghilo zyache nu lufingo lulo akafingana na banyenya babo, sona ni soki zyache. Pachifukwa ichakuti bakavichindikagha ivifwani ivyamwalwemwalwe, po bope bakaba bamwalwemwalwe. Bakeghelelagha inyiho izya inko zizyo zikabazyungulila napapo u Mwene akabalamula akati, “Mutakabombaye ngati mumo inko zinizi zikubombela,” sona bakabombagha ivintu vivyo u Mwene akabakanizya.

2 Imbili 30:8

Mutakabanje na moyo amakafu ngati mumo bakabela abanyenya binyu. Mumwivwilaye u Mwene. Mwizaye kuchipinda chache Ichizelu, chicho achipaghuye bwila na bwila. Mumubombelaye u Mwene u Chala winyu, umwakuti ubukali bwache ubwakoghofya butozoke.

2 Imbili 33:10

U Mwene akanena nu Manase na bantu bache, loli abantu batakabikilako umoyo.

2 Imbili 33:23

U Amoni atakiyisya pamaso pa Mwene ukuyana namumo akabombelagha uwise u Manase, loli akabombagha imbibi.

Nehemiya 9:29

“Ukabasoka ukuti bande sona pakuzikonka indaghilo zyako, loli bakitutumula nukughasulannya amalamulo ghako. Bakavikana ivimanyisyo vyako, vivyo vikumupa umuntu ubumi nanti akuvikonka. Pachifukwa icha moyo ghabo amakafu, bakakupa inkonto, sona bakakana pakukwivwila.

Ivyili 29:1

Umuntu yuyo akuba nu moyo umukafu bo achemeliwa akinji bulo, naloli lubilolubilo akunanganika umwakusita kupola.

Yesaya 48:4

Pakuti nkamanya ukuti, amoyo ghinyu makafu nkani, sona mukaba bakafu ngati chela, ivyeni vyinyu vikaba mukuba.

Yesaya 5:4

Nkimba chilipo chicho nkapotwa pakubombapo pamughunda? Po nkimba choni chicho ghukwela amampesya amababe, bo nkulindilila amampesya amiza ghagho intakasubalilagha?

Yelemiya 11:8

Loli bakighalila amakutu ghabo, mubuzilo bwache, umuntu wesi akenda muzila iyache ni yache iya moyo wache umubibi. Po nkabatumila ivighune vyosi ivya lufingo lulo nkabalamula ukuti balukonkaye loli batakalukonka.”

Yelemiya 16:12

Loli amwe mwabomba ububibi nukuchilapo pabubo abanyenya binyu bakabomba. Umuntu wesi akubukonka ububibi ubwa moyo wache umukafu mubuzilo ubwa kunyivwila.

Yelemiya 17:23

Loli pope bulo batakivwila, sona bakighalila amakutu ghabo, nukughakazya amoyo ghabo, pamo pakuleka pakwivwila ivimanyisyo vyane.

Yelemiya 19:15

“Umu momumo u Mwene Uwamaka Ghosi, u Chala uwa Izilayeli akunenela akuti, ‘Teghelezya! Nkwiza pakukizila nintamyo akaya akakulu nkani aka nutwaya tuto tukazyunguliye ngati mumo nkanenela, pachifukwa ichakuti abantu banaba bakazizye nkani amoyo ghabo sona bakukana pakwivwila amazyu ghane.’ ”

Yelemiya 22:21

Nkakusoka bo ufwasite, loli ukati, ‘Intakwivwa napo panandi!’ Momumo wabeleye bo uchili we mulumendo, utakaghivwila amalamulo ghane.

Yelemiya 25:3

Ukwamaka 23 napokela amazyu ukufuma kwa Mwene (ukwandila mumwaka uwa 13, uwa Yosiya umwana uwa Amoni u mwene uwa ba Yuda mupaka mwisiku linili) ghagho naghanenagha nukubabuzya kabilikabili, loli mutakivwa.

Yelemiya 25:7

Loli u Mwene akuti, “Mutakanyivwila, sona mwankalalizya ni mbombo izya nyobe zyinyu, sona mwivulazya mwebene.”

Yelemiya 26:5

sona nanti mutakughivwila amazyu agha babombi bane abalaghuzi babo nkabatumila akabalilo na kabalilo, loli mutakivwila,

Yelemiya 29:19

Pachifukwa ichakuti batakaghivwila amazyu ghagho nkababuzya akabalilo na kabalilo, amazyu ghagho nkatuma na babombi bane abalaghuzi, loli amwe mwe bazya mukaghakana.

Yelemiya 3:13

“ ‘Itika bulo ukunanga kwako, sona nukuti ukamusambukila u Mwene u Chala wako, ukabika ulughano lwako pa bachala abayeni pakwiputa mwikwi lyosi ilya kuvwinka, sona utakughivwila amalamulo ghane. Ane ne Mwene nanena.’ ”

Yelemiya 32:23

Bakinjila nukuchifyula ichisu chila loli batakakwivwila pamo ukukonka indaghilo zyako, batakabomba zizyo ukabalamula ukuti babombaye. Po ukabawisizya intamyo zyosi zinizi.

Yelemiya 34:14

‘Mumwaka ghosi uwaseveni, wesi uwa amwe amusatule mubuzya umu Hebeli wesi yuyo akighulizya kukwinyu nukubomba imbombo amaka sikisi.’ Loli abanyenya binyu batakanteghelezya sona bakighalila amakutu ghabo.

Yelemiya 35:15

Kabilikabili nkabatumilagha ababombi bane abalaghuzi ukuti bize bababuzye ukuti, “Umuntu wesi mumwinyu azileke imbombo zyache imbibi. Yannya inkalo zyinyu, sona mutakabakonkaye abachala abanji nukubabombela. Po mukwiza pakwikala muchisu chicho imbapiye amwe na baghuso.” Loli pope bulo mutakanteghelezya sona mutakanyivwila.

Yelemiya 35:17

“Polelo, u Mwene u Chala Uwamaka Ghosi, u Chala uwa Izilayeli akuti, ‘Teghelezya! Nkwiza pakubanangannya aba Yuda na bantu bosi babo bakwikala mu Yelusalemu, pachifukwa ichakuti batakanyivwila bo nkunena nabo, batakanyamula bo nkubitizya.’ ”

Yelemiya 44:16

“Aswe tutakwiza pakuteghelezya amazyu ghagho watubuzya mwitabwa ilya Mwene!

Yelemiya 5:3

Wee Mwene nkimba amaso ghako ghatakulonda ubwanaloli? Ukabafunda loli batakivwa ububavu, ukabasyempa loli bakakana pakumanyila. Bakavikazya ivyeni vyabo ngati mabwe, nukukana pakupinduka.

Yelemiya 6:10

Nkimba ninganena nu wenu nukumusoka? Nkimba wewenu yuyo anganyivwa? Amakutu ghabo ghighaliye umwakuti batangivwa. Bakughakana amazyu agha Mwene, sona batakuhoboka nagho.

Yelemiya 6:17

Nkabimikila abalindilili nukuti, ‘Teghelezya ukulila ukwa ipati!’ Loli amwe mukati, ‘Tutakwiza pakuteghelezya.’

Yelemiya 7:24

Loli abantu bala batakivwila pamo ukubikilako umoyo, mubuzilo bwache bakendelela pakubomba zizyo amoyo ghabo amabibi ghakalondogha. Bakanyokela kwisinda mubuzilo ubwakwendelela.

Yelemiya 9:13

U Mwene akamula akati, “Pachifukwa ichakuti abantu batazikonkite indaghilo zyane zizyo nkabapa sona bazikanite indaghilo zyane nu bumanyisi bwane.

Ezekiyeli 12:2

“Wee mwana uwa muntu, ukwikala pakasi pabantu abasambuke. Bali namaso aghakwenezya loli batakwennya namakutu aghakwivwila loli batakwivwa, pakuti bantu abasambuke.

Ezekiyeli 12:3

“Polelo, wee mwana uwa muntu, nyamula ukatundu wako ngati muntu yuyo akubuka kubuzya po ubuke kubuzya pamusanya bo bali pakukwennya, ubuke ukufuma kubuzilo bubo uliko nukubuka kubuzilo ubunji. Lumo bangakwivwa, napapo bantu basambuke.

Ezekiyeli 20:30

“Polelo, ubabuzye aba Izilayeli ukuti, ‘U Mwene Uwamaka Ghosi akuti: Nkimba muchili mukwendelela pakubomba vivyo abanyenya binyu bakabomba pakwinyazya ni vifwani?

Daniyeli 9:6

Tutakabateghelezya ababombi bako abalaghuzi, babo bakanenela mwitabwa lyako ku bamwene bitu, na balongozi bitu, na banyenya bitu, sona na bantu bosi aba muchisu.

Hoseya 11:7

Abantu bane balemezizye pakunkana, Napapo bakwitizya ku Wakumwanya Nkani, loli batakunchindika nubwanaloli.

Zekaliya 7:11

“Loli namoyo amakafu abantu banaba bakakana pakuteghelezya, bakampa inkonto zyabo sona bakighalila amakutu ghabo umwakuti batakivwanje.

Malaki 3:7

Ukufuma pakabalilo aka banyenya binyu mukepukako ku ndaghilo zyane sona mutakazisunga.” U Mwene Uwamaka Ghosi anena, “Nyokela kukwane po nane nkwiza pakunyokela kukwinyu. “Loli mukulalusya mukuti, ‘Nkimba tunganyokela bulibuli?’

Matayi 21:38

“Loli bo abalimi bala bamwennya umwana yula, bakanda pakunenezannya ukuti, ‘Yunuyu mwana wache, yuyo akwiza pakupyana ichilingo icha wise. Zagha tumughoghe umwakuti ichilingo chibanje chitu.’

Matayi 23:32

Po mwendelele nukumalizya zizyo abanyenya binyu bakanda!”

Imbombo 7:51

U Sitefani akendelela pakunena ukuti, “Mwe bantu aba moyo amakafu mwee. Amoyo ghinyu ghayanite bulo na bantu abakuzi, sona muli na mapuli! Ukuyana namumo bakabombelagha abanyenya binyu, akabalilo kosi amwe mukumukana u Muzimu Umuzelu!

Aba Loma 2:5

Loli pachifukwa icha bukafu ubwa moyo wako, sona nu moyo wako umusita kupinduka nukuzileka imbibi, ukwilundikila wemwene ubukali ubwa Chala, pisiku lilyo ubulongi bwache ubugholosu bukwiza pakuvumbuliwa.

Ukukumbusya Amalamulo 8:20

Nanti mutakumwivwila u Mwene u Chala winyu, akwiza pakubanangannya ukuyana namumo akabananganizizya abantu aba inko izinji, bo mukwennya na maso.