Yelemiya 7:24 - IBAYIBOLO 2024

²⁴ Loli abantu bala batakivwila pamo ukubikilako umoyo, mubuzilo bwache bakendelela pakubomba zizyo amoyo ghabo amabibi ghakalondogha. Bakanyokela kwisinda mubuzilo ubwakwendelela.

Yelemiya 7:24 Iomraidhean Croise

Nehemiya 9:29

“Ukabasoka ukuti bande sona pakuzikonka indaghilo zyako, loli bakitutumula nukughasulannya amalamulo ghako. Bakavikana ivimanyisyo vyako, vivyo vikumupa umuntu ubumi nanti akuvikonka. Pachifukwa icha moyo ghabo amakafu, bakakupa inkonto, sona bakakana pakukwivwila.

Masalimo 81:13

“Nanti abantu bane bakanyivwilagha, ngali aba Izilayeli bakabomba vivyo nkavilonda.

Yelemiya 13:10

Abantu ababibi aba, babo bakukana pakuteghelezya ku mazyu ghane, sona bakukonka ubukafu ubwa moyo ghabo, bakubabombela nukubiputa abachala abanji, bakwiza pakuba ngati we lamba yuyo ate nimbombo nayimoyimo!

Yelemiya 13:11

Pakuti ngati mumo ulamba akupinyiwa mu musana uwa muntu, momumo nkalondelagha ukuti aba Izilayeli sona naba Yuda bipinyilile bene kukwane umwakuti babanje bantu bane, ukuti balipalaye itabwa lyane nukulichindika. Loli batakivwila.”

Yelemiya 15:6

U Mwene akuti, “Mwankana, mwanyokela mwisinda. Po nane nkwiza pakugholosya inyobe yane nukubanangannya, sona nalita pakubahobokela.

Yelemiya 16:12

Loli amwe mwabomba ububibi nukuchilapo pabubo abanyenya binyu bakabomba. Umuntu wesi akubukonka ububibi ubwa moyo wache umukafu mubuzilo ubwa kunyivwila.

Yelemiya 17:23

Loli pope bulo batakivwila, sona bakighalila amakutu ghabo, nukughakazya amoyo ghabo, pamo pakuleka pakwivwila ivimanyisyo vyane.

Yelemiya 17:9

U moyo uwa muntu chintu ichizimbuli ukuchila ivintu vyosi. Nkimba wenu yuyo angawivwisya?

Yelemiya 18:10

sona nanti uluko lula lukwendelela pakubomba ububibi pamaso ghane sona lutakunyivwila, po ntakwiza pakulubombela inyiza zizyo nalondagha pakulubombela.

Yelemiya 18:12

Loli bakamula bakati, ‘Chinicho chite nimbombo nayimoyimo. Aswe tukwiza pakwendelela ni mbatiko izyitu ni zyitu, umuntu wesi akwiza pakubomba zizyo inyinong'ono zyache inkafu izya moyo umubibi.’ ”

Yelemiya 2:27

Bakunena kwikwi bakuti, ‘Awe we tata wane,’ sona na kumabwe bakuti, ‘Wewe ukampapa.’ Bampiye inkonto, sona batakunyennya, loli mukabalilo kabo akantamyo, bakuti, ‘Zagha utupoke!’

Yelemiya 22:21

Nkakusoka bo ufwasite, loli ukati, ‘Intakwivwa napo panandi!’ Momumo wabeleye bo uchili we mulumendo, utakaghivwila amalamulo ghane.

Yelemiya 23:17

Bakwendelela pakubabuzya abantu babo bakukana pakuteghelezya ku zizyo nkubabuzya bakuti, ‘U Mwene akuti: Mukwiza pakuba nu mutende.’ Sona bakubabuzya babo bali na moyo amakafu bakuti, ‘Intamyo zitakwiza pakubawila napo panandi.’

Yelemiya 3:13

“ ‘Itika bulo ukunanga kwako, sona nukuti ukamusambukila u Mwene u Chala wako, ukabika ulughano lwako pa bachala abayeni pakwiputa mwikwi lyosi ilya kuvwinka, sona utakughivwila amalamulo ghane. Ane ne Mwene nanena.’ ”

Yelemiya 3:17

Pakabalilo kalakala u Yelusalemu akwiza pakwitiziwa pakuba Chitengo icha Mwene, sona inko zyosi zikwiza pakubungana mu Yelusalemu nukulichindika itabwa ilya Mwene. Batakwiza pakuba sona na moyo amabibi.

Yelemiya 32:23

Bakinjila nukuchifyula ichisu chila loli batakakwivwila pamo ukukonka indaghilo zyako, batakabomba zizyo ukabalamula ukuti babombaye. Po ukabawisizya intamyo zyosi zinizi.

Yelemiya 32:33

Bampa inkonto mubuzilo ubwakumpa ivyeni vyabo, napapo nkatamiwa nkani pakubamanyisya loli pope bakakana amafundwe.

Yelemiya 35:15

Kabilikabili nkabatumilagha ababombi bane abalaghuzi ukuti bize bababuzye ukuti, “Umuntu wesi mumwinyu azileke imbombo zyache imbibi. Yannya inkalo zyinyu, sona mutakabakonkaye abachala abanji nukubabombela. Po mukwiza pakwikala muchisu chicho imbapiye amwe na baghuso.” Loli pope bulo mutakanteghelezya sona mutakanyivwila.

Yelemiya 6:16

U Mwene akuti, “Imilila mulubazu mumusebo nukutalankannya, lalusya izila izya kale. Lalusya kuko kuli izila inyiza sona nukwendamo mulamula, po imizimu yinyu yikwiza pakubwagha ubutuzyo. Loli amwe mukati, ‘Tutakwiza pakwendamo.’

Yelemiya 7:26

Loli batakanteghelezya pamo ukubikilako umoyo. Bakakazya amoyo ghabo sona bakaba babibi ukubachila abanyenya babo.

Yelemiya 8:5

Po nkimba chifukwa choni chicho abantu banaba bapulumpa? Nkimba choni chicho u Yelusalemu akwendelela pakunyokela kwisinda? Babukakatiye ubumyasi, bakukana pakunyokako.

Yelemiya 9:14

Mubuzilo bwache bakonka amoyo ghabo amakafu, babiputa abachala babo aba Baala ngati mumo abanyenya babo bakabamanyizikizya.”

Ezekiyeli 20:13

“ ‘Loli pope bulo abantu aba mu Izilayeli bakansambukila munkolongo. Batakazikonka indaghilo zyane loli bakaghakana amalamulo ghane napapo umuntu yuyo akughivwila akubanga nubumi. Bakaghanyazya Amasiku ghane Aghakutuzya. Po nkinong'onagha pakubapungulila ubukali bwane nukubanangannya munkolongo.

Ezekiyeli 20:16

pachifukwa ichakuti baghakana amalamulo ghane sona batazikonka indaghilo zyane nukughanyazya Amasiku ghane Aghakutuzya. Pakuti bakuvyiputa ivifwani vyabo.

Ezekiyeli 20:21

“ ‘Loli abana babo bakansambukila, batakazikonka indaghilo zyane, sona batakabikilako umoyo pakukonka amalamulo ghane, ghagho nanti umuntu akughakonka akuba nubumi. Bakaghanyazya Amasiku ghane Aghakutuzya. Po nkwiza pakupungulila ubukali bwane papabo nukubakalalila munkolongo.

Ezekiyeli 20:8

“ ‘Loli bakansambukila ane sona batakanteghelezya, batakavyefyamo ivifwani vivyo bakuvyiputa, pamo pakuvileka ivifwani ivya mu Ijiputi po nkati: Nkwiza pakubapungulila ubukali bwane nukukalala kwane bo bali muchisu icha Ijiputi.

Daniyeli 9:6

Tutakabateghelezya ababombi bako abalaghuzi, babo bakanenela mwitabwa lyako ku bamwene bitu, na balongozi bitu, na banyenya bitu, sona na bantu bosi aba muchisu.

Hoseya 10:6

Ichifwani chila chikwiza pakusendiwa nukubuka nacho ku Asiliya, ukuti chibanje chabupi kwa mwene umukulu. Aba Efulayimu bakwiza pakusamuliwa aba Izilayeli bope bakwiza pakuba ni soni, pachifukwa icha kwivwila amahala ghabo.

Hoseya 4:16

Aba Izilayeli bali na moyo amakafu, ngati mbogho inyana. Po nkimba u Mwene angazidima bulibuli, ngati to twana utwa ng'ozi munganda?

Mika 6:16

Pakuti mwayikonka inkalo iya Omuli ni mbombo nakikalile aka mbumba iya Ahabu sona nukuti mwazikonka inyiho zyabo. Polelo nkwiza pakubanangannya, abantu binyu bakwiza pakubatuka, mukwiza pakusamuliwa na bantu aba inko zyosi.”

Zekaliya 7:11

“Loli namoyo amakafu abantu banaba bakakana pakuteghelezya, bakampa inkonto zyabo sona bakighalila amakutu ghabo umwakuti batakivwanje.

Ukukumbusya Amalamulo 29:19

Mwenelezye nkani ukuti atakabepo nayumoyumo umuntu pakasi papinyu ilelo, yuyo akwivwa amazyu ghanagha loli akunena mumoyo wache akuti, “Ivintu vyosi vikunyendela akiza bulo, napapo nkubomba ubwighane bwane.” Panapa akwiza pakwipalaghulila mwene ukunanganika manyi muntu umubibi manyi muntu umwiza bulo.