Yelemiya 7:2 - IBAYIBOLO 2024

² “Imilila pamulyango uwa Nyumba iya Mwene nukulumbilila amazyu aghakuti, ‘Ivwa amazyu agha Mwene mwe bantu bosi aba mu Yuda mwe mukwinjila pamilyango iyi pakumwiputa u Mwene.

Yelemiya 7:2 Iomraidhean Croise

1 Abamwene 22:19

Po u Mikaya akanena sona akati, “U Mwene ati: Nkamwennya u Mwene ikaye pachitengo icha bumwene kumwanya, sona abantumi bosi bakimilila umwakumuzyungulila kundilo na kumongo kwache.

Masalimo 122:2

Wee Yelusalemu, losi ulu tuli pano, inyayo zyitu zyimiliye mukasi mumilyango yako.

Yesaya 1:10

Mwee balongozi aba mu Sodomu, ivwa amazyu agha Mwene. Teghelezya indaghilo izya Chala witu, mwee bantu aba mu Gomola!

Yelemiya 10:1

Mwee ba Izilayeli, ivwa amazyu ghagho u Mwene akubabuzya.

Yelemiya 11:6

U Mwene akanena nane akati, “Lumbilila amazyu ghosi ghanagha mutwaya utukulu utwa Yuda na mumisebo iya Yelusalemu: Teghelezya ku amazyu agha lufingo nukughakonka.

Yelemiya 19:14

Po u Yelemiya akanyokako ku Tofeti kuko u Mwene akamutuma pakulaghula sona akimililagha pa lubinjilo ulwa Nyumba iya Mwene nukubabuzya abantu bosi ukuti,

Yelemiya 2:2

“Buka nukufumusya ku muntu wesi mu Yelusalemu ukuti: ‘Nkubukumbuka ubusubiliwa bwako bo we mulumendo, namumo ukanganila ngati mulindu yuyo akulonda pakusendwa, namumo ukendelegha nane munkolongo, muchisu chicho batakabyalamo nachimochimo.

Yelemiya 2:4

Wee luko ulwa Yakobo, ivwa amazyu agha Mwene, sona na mwe bosi abaluko ulwa Izilayeli.

Yelemiya 26:2

“Buka wimilile palubinjilo ulwa Nyumba iya Mwene nukubabuzya abantu bosi aba mutwaya utukulu utwa Yuda babo bakwiputila mu Nyumba iya Mwene. Ubabuzye zyosi zizyo nkukulamula, utakalilekayepo nizyu nalimolimo.

Yelemiya 28:5

Po umulaghuzi u Yelemiya akamwamula umulaghuzi u Hananiya pamaso pa baputi sona napa bantu bosi babo bakaba mu Nyumba iya Mwene.

Yelemiya 34:4

“ ‘Loli ivwa amazyu agha Mwene wee Zedekiya u mwene uwa ba Yuda akuti: Utakwiza pakufwila kubwite.

Yelemiya 36:10

Bo bosi binjila mu Nyumba iya Mwene, muchipinda icha Gemaliya umwana uwa Shafani umusimbi, chicho chikaba palubinjilo ulwa pamwanya pabwinjililo ubwa Mulyango Umupya u Baluki akababelengela abantu bosi amazyu agha Yelemiya ghagho ghakasimbiwa mwibuku bo abantu bosi bakwivwa.

Yelemiya 36:6

Buka ku Nyumba iya Mwene pisiku ilyakutuzya pakulya ughabelenge ku bantu amazyu agha Mwene agha mwibuku ghagho ukasimba bo nkukubuzya. Ughabelenge ku bantu bosi aba mu Yuda na babo bakufumila mutwaya twabo utukulu.

Yelemiya 44:24

Po u Yelemiya akababuzya abantu bosi poka na bakolo akati, “Ivwa amazyu agha Mwene mwe ba Yuda mwe bosi mwe mukwikala mu Ijiputi.

Yelemiya 7:1

U Mwene akamubuzya u Yelemiya akati,

Ezekiyeli 37:1

Amaka gha Mwene ghakaba papane, akanyamula nu Muzimu uwa Mwene nukumbika pakasi pikombe, lilyo likizula namafupa.

Hoseya 5:1

“Mwe baputi, ivwa kuno, sona mwe ba Izilayeli, teghelezya! Mwee bamunyumba iya bumwene, teghelezya, pakuti mukwiza pakulongiwa. Amwe mwaba mwe chipingo icha Mizipa, sona ichilepa chicho bachikuzuliye pa Taboli.

Amosi 7:16

Polelo ivwa amazyu agha Mwene. Awe ukunena ukuti, ‘Utakachele pakulaghula pakasi paba Izilayeli, sona uleke pakulumbilila kubaluko ulwa Yisaki.’

Mika 1:2

Mwee bantu aba inko zyosi, ivwa kuno, wee chisu ichapasi, na mwebosi mwe mukwikalamo, tegha amakutu ghinyu, ukuti u Mwene Uwamaka Ghosi akubasusya. U Mwene akunena mu Nyumba yache izelu.

Mika 3:1

Po nkati, “Mwe balongozi aba Yakobo, mwe balaghili aba Izilayeli, teghelezya, nkimba te mwemwe mubaghiye pakubumanya ubwanaloli?

Mika 3:9

Ivwa kuno, mwe balongozi abaluko ulwa Yakobo, mwe balaghili aba Izilayeli, babo bakubusula ubwanaloli, nukuchinyongannya chosi chicho chigholosu,

Matayi 13:9

U Yesu akati, “Yuyo ali na makutu aghakwivwila, ivwe!”

Yohani 18:20

U Yesu akamwamula akati, “Ane nkanena pabuzelu pamaso pabantu bosi. Akabalilo kosi namanyisyanga munyumba izyakwiputilamo na mu Nyumba iya Chala, mumo aba Yuda bosi bakabungana poka. Chitalipo nachimo chicho nkanena kubusyefu.

Imbombo 5:20

“Bukagha mu Nyumba iya Chala nukubabuzya abantu zyosi nizya bumi ubupya ubu.”

Imbombo 5:42

Sona isiku ni siku bakendelela pakumanyisya nukulumbilila Amazyu Amiza mu Nyumba iya Chala na munyumba izya bantu ukuti u Yesu we Kilisitu.

Ubuvumbuli 2:11

“Umuntu yuyo ali na makutu, ivwe zizyo u Muzimu Umuzelu akuvibuzya ivipanga. “Umuntu wesi yuyo akupota, atakwiza pakupalamasiwa nu bufwe ubwabubili.

Ubuvumbuli 2:17

“Umuntu yuyo ali na makutu, ivwe zizyo u Muzimu Umuzelu akuvibuzya ivipanga. “Umuntu yuyo akupota, nkwiza pakumupa ichakulya ichakubusyefu icha mana. Nkwiza pakumupa ibwe iswepu lilyo lisimbiwepo ni tabwa ilipya, lilyo nayumo umuntu yuyo alimenye, loli mwene yuyo akulipokela.

Ubuvumbuli 2:29

“Umuntu wesi yuyo ali na makutu, ivwe zizyo u Muzimu Umuzelu akuvibuzya ivipanga.

Ubuvumbuli 2:7

“Umuntu wesi yuyo ali na makutu, ivwe zizyo u Muzimu Umuzelu akuvibuzya ivipanga. “Umuntu wesi yuyo akupota, nkwiza pakumwitikizya ukuti alyanje ivikomwa ivya mwikwi ilya bumi, lilyo lili mumughunda uwa Chala.

Ubuvumbuli 3:13

“Umuntu wesi yuyo ali na makutu, ivwe zizyo u Muzimu Umuzelu akuvibuzya ivipanga.

Ubuvumbuli 3:22

“Umuntu wesi yuyo ali na makutu, ivwe zizyo u Muzimu Umuzelu akuvibuzya ivipanga.”

Ubuvumbuli 3:6

“Umuntu wesi yuyo ali na makutu, ivwe zizyo u Muzimu Umuzelu akuvibuzya ivipanga.