Yelemiya 7:19 - IBAYIBOLO 2024

¹⁹ Nkimba batakunkalalizya nene? Nkimba batakwivulazya bene umwakuti bakoziwanje isoni?”

Yelemiya 7:19 Iomraidhean Croise

Ezila 9:7

Ukwanda pakabalilo aka banyenya bitu mupaka nilelo bulo, twananga nkani. Pachifukwa icha mbibi zyitu, aswe na bamwene bitu poka na baputi bitu twabikiwa munyobe izya bamwene aba inko izinji, twaghoghiwa nukulemiwa pakuba bakayidi, twafyuliwa ivintu vyitu sona twakoziwa isoni pamaso pa bamwene aba inko izinji ukuyana namumo vibeleye pakabalilo aka.

Yobu 35:6

Nanti ukananga, nkimba chikumupalamasya bulibuli? Nanti imbibi zyako nyinji, nkimba ali nazyo na mbombo yoni?

Yesaya 1:20

Loli nanti mukunkana nukunsambukila mukwiza pakughoghiwa nupanga.” Pakuti ane ne Mwene nanena.

Yesaya 1:24

Polelo u Mwene Uwamaka Ghosi, Uwamaka uwa ba Izilayeli akuti, “Mwee, nkwiza pakupungulila ubukali bwane pababo bakulwana nane sona nkwiza pakubatanizya abalwani bane.

Yesaya 45:16

Bosi babo bakuyannya abachala aba vifwani, bakwiza pakukoziwa isoni nukusamuliwa poka.

Yelemiya 15:9

U nyina uwa bana seveni akwiza pakuzilika nukuzililika. Izuba likwiza pakumwinjilila pakasi pamusanya bulo. Akwiza pakukoziwa isoni nukusamuliwa. Abakusyalikila bosi nkwiza pakubaghogha pamaso pabalwani babo. Ane ne Mwene nanena.”

Yelemiya 2:17

Zinizi zyakubonekela, pachifukwa ichakuti ukamuleka u Mwene, u Chala wako, bo akukulongozya muzila yiyo ukendaghamo.

Yelemiya 2:19

Ukwiza pakufundiwa nu bubibi bwako, pakuti wankana, nkwiza pakukupa inongwa. Winong'one nkani ububibi nu bubavu ubwa kundeka ane ne Mwene u Chala wako, sona winong'one nizya kusita ukunyila.” U Mwene Uwamaka Ghosi anena.

Yelemiya 20:11

Loli u Mwene ali kulubazu lwane, ngati musilikali uwamaka ghosi, po babo bakunvwima bakwiza pakwipunula sona batakwiza pakumpota. Bakwiza pakukoziwa isoni akabalilo kosi, sona batakwiza pakumpota. Ukukoziwa isoni kwabo kutakwiza pakuluvyiwa.

Yelemiya 22:22

Impepo yikwiza pakubaputila kubutali abadimi bako bosi, sona abaghaniwa bako bakwiza pakubuka nabo kubuzya. Po isoni zikwiza pakukulema sona ukwiza pakusamuka pachifukwa icha bubibi bwako.

Yelemiya 25:7

Loli u Mwene akuti, “Mutakanyivwila, sona mwankalalizya ni mbombo izya nyobe zyinyu, sona mwivulazya mwebene.”

Yelemiya 3:25

Zagha tulambalale pasi bo tuli nisoni, sona ukwisamula kwitu kutuvwinke. Pakuti twamunangila u Mwene u Chala witu, aswe poka na banyenya bitu, ukwandila ko kubulumendo bwitu mupaka nilelo, sona twapotwa pakumwivwila u Mwene u Chala witu.”

Yelemiya 44:3

pachifukwa ichakuti abantu bakankalalizya sona bakabomba ububibi. Bakocha utwakununkila sona bakabiputa abachala abanji, babo amwe mwebenecho pamo abanyenya binyu mutakabamanyamo nalumolumo.

Yelemiya 8:19

Ivwa ukulila ukwa bantu bane abakufuma kuchisu icha kubutali, “Nkimba u Mwene atalimo muchisu icha Ziyoni? Fwandi u mwene atalimo mulamula?” U Mwene akwamula akuti, “Nkimba choni chicho bakunkalalizya ni vifwani vyabo? Sona ni vifwani vyabo iviyeni vivyo vite nimbombo nayimoyimo?”

Yelemiya 9:19

Ukulila ukwa Ziyoni kukwivwika, ‘Mwee twamala! Mwee isoni zyatulema! Tubaghiye pakwepamo muchisu chitu, pachifukwa ichakuti inyumba zyitu zyipela visami.’ ”

Ezekiyeli 16:26

Ukabomba ubwamalaya naba Ijiputi, abapalamani bako abavinyonywa po ukankalalizya pachifukwa ukabalizya ubwamalaya bwako.

1 Aba Kolinti 10:22

Fwandi, tukulonda pakumupela u Mwene ukuti abanje wakabini? Nkimba tukwinong'ona ukuti aswe twe bamaka ukumuchila yuyo?

Ukukumbusya Amalamulo 32:16

U Mwene akaba nu buzuba, pachifukwa ichakuti bakabiputa abachala abanji. Bakamukalalizya nkani, pachifukwa ichakwiputa ivifwani vyabo ivyamwiko.