Yelemiya 7:15 - IBAYIBOLO 2024

¹⁵ Nkwiza pakubasumbila kubutali nukubefyapo pamaso papane, ngati mumo nkababombela aba wamwinyu bosi, abantu aba mu Izilayeli.’ ”

Yelemiya 7:15 Iomraidhean Croise

2 Abamwene 17:23

Pabumalilo u Mwene akabefyapo pamaso papache ukuyana namumo ababombi bache bosi abalaghuzi bakabasokela. Po aba Izilayeli bakalemiwa muchisu chabo nukubuka ku Asiliya pakuba bazya, kuko bachili bali kulakula mupaka nilelo bulo.

2 Abamwene 24:20

U Mwene akakalala nkani pachifukwa ichakuti ivintu vyosi vinivi vikabombiwa mu Yelusalemu na mu Yuda. Po pabumalilo pache akabefyapo pamaso papache. Po u Zedekiya akamusambukila u mwene uwamu Babiloni.

2 Imbili 15:9

Po akababungannya poka abantu bosi aba mu Yuda naba Benjamini naba Efulayimu naba Manase naba Simiyoni babo bakikalagha pakasi papabo, pakuti abantu abinji nkani aba mu Izilayeli bakiza kulubazu lwache, bo bennya ukuti u Mwene u Chala wache akaba nawe.

Masalimo 51:11

Utakanchimbizye pamaso papako pamo ukunyefyezya Umuzimu wako Umuzelu.

Yesaya 7:16

Bo umulumendo uyu achili atamenye pakukana ivibibi nukusala ivyiza, ichisu chicho chili pa bamwene babili babo mukubanyila chikwiza pakuba nkolongo.

Yelemiya 15:1

Po u Mwene akambuzya akati, “Napapo u Mozesi nu Samuweli bangimilila pamaso papane nukubiputila abantu banaba, pope bulo ngali intakabapelela ichisa abantu banaba. Befyepo pamaso papane! Babuzye babukaye!

Yelemiya 23:33

U Mwene akamubuzya akati, “Yelemiya, bo abantu aba, pamo abalaghuzi pamo abaputi, bakukulalusya bakuti, ‘Nkimba ntamyo zyoni zizyo zili mumoyo uwa Mwene?’ ubabuzye uti, ‘Amwe mwe ntamyo kwa Mwene sona akwiza pakubatagha.’

Yelemiya 23:39

Po nkwiza pakubanyamula nukubasumbila ku butali. Nkwiza pakubefyapo pamaso ghane amwe poka nakaya akakulu nkani kako nkabapa amwe na banyenya binyu.

Yelemiya 3:8

Nkamupa u Izilayeli umusita kusubiliwa yula ukalata uwasoka. Loli pope bulo umuyemba wache u Yuda umusita kusubiliwa yula atakaba nubogha nabumobumo, wepe bulo akabuka pakulowa.

Yelemiya 52:3

U Mwene akakalala nkani pachifukwa ichakuti ivintu vyosi vinivi vikabombiwa mu Yelusalemu na mu Yuda. Po pabumalilo pache akabefyapo pamaso papache. Po u Zedekiya akamusambukila u mwene uwamu Babiloni.

Yelemiya 9:19

Ukulila ukwa Ziyoni kukwivwika, ‘Mwee twamala! Mwee isoni zyatulema! Tubaghiye pakwepamo muchisu chitu, pachifukwa ichakuti inyumba zyitu zyipela visami.’ ”

Ezekiyeli 23:31

Wakonka akendele aka mukulu wako, nkwiza pakubika ulubako ulwa ntamyo zyache munyobe zyako.

Ezekiyeli 33:25

“Polelo ubabuzye ukuti, ‘U Mwene Uwamaka Ghosi ati: Mukulya inyama yiyo yili ni banda sona mukwiputa ku vifwani nukubaghogha abantu. Nkimba mukwinong'ona ukuti ichisu chikwiza pakuba chinyu?

Hoseya 1:4

U Mwene akamubuzya u Hoseya akati, “Umwite ukuti we Yezileli, pakuti lunulu bulo nkwiza pakubafunda abamunyumba iya Yehu, pachifukwa icha kukupula ibanda mwikombe ilya Yezileli, sona nkwiza pakubumazya ubumwene ubwa Izilayeli.

Hoseya 12:1

Ichakulya icha ba Efulayimu yo mpepo, sona isiku lyosi bakuyichimbizya impepo iyakubufumilo bwizuba, nukufingana nabo ubumyasi nu lombwa. Bakulapa ichilapo nu Asiliya, sona bakutuma amafuta gha misyunguti ku Ijiputi.

Hoseya 13:16

Abantu aba mu Samaliya bafundiwanje pachifukwa icha bubibi bwabo, pakuti bamusambukiye u Chala wabo. Abantu banaba bakwiza pakughoghiwa nupanga, bope abana babo bakwiza pakubabamizya pasi, po abachi babo abalwanda bakwiza pakubazepula.

Hoseya 7:13

Baghuniwe abantu banaba, pachifukwa ichakuti bepiteko kukwane. Bananganika pachifukwa ichakuti bansambukiye, nkunyonywa pakubatabula loli bakunzimbula.

Hoseya 9:13

Nkubennya aba Efulayimu ngati kaya aka Tile, kabyaliwe mubuzilo ubwiza, loli u Efulayimu akwiza na bana bache pakughoghiwa.”

Hoseya 9:3

Batakwiza pakulekiwa muchisu icha Mwene. U Izilayeli akwiza pakunyokela ku Ijiputi nukulya ichakulya ichinyazu mu Asiliya.

Hoseya 9:9

Naloliloli abantu banaba baba bamabeko nkani, ngati masiku agha Gibeya. U Chala akwiza pakubukumbuka ububibi bwabo, po akwiza pakubafunda pachifukwa icha mbibi zyabo.

Yona 2:4

Po nkati, ‘Wee Mwene nataghiwa nukwepapo papako, sona ntakwiza pakuyennya Inyumba yako izelu?’

Ukubelengiwa 1:32

Mu baluko ulwa Yosefu, kokuti aba Efulayimu, mukasimbiwa abanavuli bosi abamaka 20 pamo ukuchilapo, babo bangalwa ubwite, ukuyana ni nyumba zyabo, sona na matabwa agha banyenya babo.