Yelemiya 7:14 - IBAYIBOLO 2024

¹⁴ Polelo, zizyo nkababombela akaya aka Shilo, zyo zizyo nkwiza pakuyibombela Inyumba yiyo muyisubiye, yiyo nkabapa amwe na banyenya binyu.

Yelemiya 7:14 Iomraidhean Croise

2 Abamwene 25:9

Akocha Inyumba iya Mwene, ni nyumba iya bumwene, sona ni nyumba zyosi izya mu Yelusalemu. Akocha sona inyumba zyosi izya abantu abapamwanya.

2 Imbili 7:21

Napapo inyumba iyi nyiza nkani, abantu bosi babo bakudumusannya pano bakwiza pakuswigha nukulalusya ukuti, ‘Nkimba choni chicho u Mwene achibombela bunubu ichisu ichi ni Nyumba iyi?’

Masalimo 78:60

Akepamo mubuzilo bwache ubwakwikalamo mu Shilo. Ichisakasa chache chikite pakasi pabantu.

Yesaya 64:11

Inyumba izelu sona iyabuchindamu, mumo abatata bakakupalilaghamo awe, yochiwe numoto, sona vyosi vivyo tukasungamo vyananganika.

Yelemiya 12:7

“Imbalekite aba Izilayeli, imbakanite abampyana yane, Nababika abaghaniwa bane munyobe izya balwani babo.

Yelemiya 23:39

Po nkwiza pakubanyamula nukubasumbila ku butali. Nkwiza pakubefyapo pamaso ghane amwe poka nakaya akakulu nkani kako nkabapa amwe na banyenya binyu.

Yelemiya 26:18

“U Mika uwa muchisu icha Molesheti akalaghulagha mukabalilo aka Hezekiya, u mwene uwa chisu icha Yuda akati, ‘U Mwene Uwamaka Ghosi ati: U Ziyoni akwiza pakulimiwa ngati mughunda, u Yelusalemu akwiza pakuba chisami, sona ighamba ilya Nyumba iya Chala likwiza pakuba ngati musitu.’

Yelemiya 26:4

Ubabuzye ukuti, ‘Umu momumo u Mwene akunenela: Nanti mutakunyivwila nukukonka ululaghilo lwane lulo nkabapa,

Yelemiya 7:10

Po pakwimilila pamaso papane munyumba yiniyi, yiyo yili Mwitabwa lyane, nukunena ukuti, “Aswe twapona,” loli mukwendelela pakubomba ivintu ivinyazu.

Yelemiya 7:12

“ ‘Po mubukaye ku buzilo ubwa mukaya aka Shilo mumo nkandila pakubikamo Itabwa lyane, po mwennye zizyo nkababombela akaya kala pachifukwa icha mbibi izya bantu bane aba Izilayeli.

Yelemiya 7:4

Mutakaghasubilaye amazyu agha bumyasi ghagho ghakuti, “Iyi yo Nyumba iya Mwene, Inyumba iya Mwene, Inyumba iya Mwene!”

Nkuto 2:7

U Mwene achisulannya ichighemo chache, sona abukana ubuzilo bwache ubuzelu. Avibika munyobe izya balwani, ivibumba ivya nyumba zyache izya bumwene. Ichongo chikivwika mu Nyumba iya Mwene, nkaninkani pisiku ilya lusekelo.

Nkuto 4:1

Mwee, ugolide yula anyalite nkani, ugolide umwenecho yula ananganikite. Amabwe aghamutengo ghala agha mu Nyumba iya Chala yanyampana, kunkuto zyosi izya mumisebo.

Ezekiyeli 23:31

Wakonka akendele aka mukulu wako, nkwiza pakubika ulubako ulwa ntamyo zyache munyobe zyako.

Ezekiyeli 24:21

‘Babuzye aba Izilayeli ukuti u Mwene Uwamaka Ghosi ati: Indi papipi pakubunyazya ubuzilo bwane ubuzelu bubo mukwituvikizyapo, ukuhoboka ukwa maso ghinyu, na chicho mukubikilapo umoyo. Po abana binyu abalumendo na balindu babo mukabaleka kwisinda mu Yelusalemu bakwiza pakufwila kubwite.

Ukukumbusya Amalamulo 12:5

U Mwene u Chala winyu akwiza pakusala ubuzilo boka bulo pakasi pabaluko lwinyu, bubo abantu babaghiye pakwiza pakulichindika itabwa lyache. Kulakula ko kuko mubaghiye pakubukako.

Ukukumbusya Amalamulo 28:52

Bakwiza pakutuzyungulila utwaya twinyu tosi utukulu nkani muchisu chinyu mupaka amalinga amatalitali ghinyu ghagho mukughasubila ghamongoke ghosi. Bakwiza pakutuzyungulila utwaya twinyu tosi utukulu nkani muchisu chicho u Mwene u Chala winyu akubapa.