Yelemiya 7:10 - IBAYIBOLO 2024

¹⁰ Po pakwimilila pamaso papane munyumba yiniyi, yiyo yili Mwitabwa lyane, nukunena ukuti, “Aswe twapona,” loli mukwendelela pakubomba ivintu ivinyazu.

Yelemiya 7:10 Iomraidhean Croise

1 Abamwene 9:3

U Mwene akati, “Nalwivwa ulwiputo nukundambilizya. Nayipaghula Inyumba yiniyi, sona nabikamo itabwa lyane umwakuti abantu banchindikilayemo bwila na bwila. Ane nkwiza pakwikalaghamo akabalilo kosi.”

2 Abamwene 21:4

Akazenga ivighemo ivya bachala abanji mu Nyumba iya Mwene mumo u Mwene akatinji, “Ane nkwiza pakuchindikiliwa mu Yelusalemu.”

2 Imbili 33:4

Akazenga ivighemo ivya bachala abanji mu Nyumba iya Mwene mumo u Mwene akatinji, “Ane nkwiza pakuchindikiliwa mu Yelusalemu bwila na bwila.”

2 Imbili 33:7

U Manase akabika mu Nyumba iya Mwene ichifwani chicho akapanga. U Chala akamubuzya u Devedi nu mwana wache u Solomoni akati, “Mu Nyumba iyi, sona mu Yelusalemu muno, bo buzilo bubo imbusalite pakasi panko izya ba Izilayeli, ukuti bubanje buzilo bwane ubwakuchindikiliwamo bwila na bwila.

Ivyili 15:8

U Mwene achibengite ichakwiyipa icha muntu umubibi, loli ulwiputo ulwa muntu umugholosu lukumuhobosyanga.

Yesaya 48:2

mukwiyitizya mwebene ukuti, mwebenecho abakaya akakulu nkani akazelu, nukumusubila u Chala uwa Izilayeli, yuyo itabwa lyache, we Mwene Uwamaka Ghosi.

Yelemiya 32:34

Bakabika ivifwani munyumba yane iyakwiputilamo nukuyinyazya.

Yelemiya 34:15

Lunulu bulo mukapinduka nukwanda pakubomba zizyo zikunhobosya. Mwebosi mukivwana pakubapa ubwabuke aba Izilayeli abamwinyu. Sona mukafinga ulufingo pamaso papane munyumba yiyo yikwitiziwa nitabwa lyane.

Yelemiya 44:9

Nkimba mwabuluvya ububibi bubo bubombiwe mutwaya utukulu utwa Yuda sona na mumisebo iya mu Yelusalemu, vivyo vikabombiwa na banyenya binyu na bamwene aba mutwaya utukulu utwa mu Yuda namwe sona na bachi binyu?

Yelemiya 7:11

Nkimba mukwinong'ona ukuti Inyumba yane yo mpako iyakuvwamilamo amavyondongo? Loli nemwenecho nkuvyennya vyosi vivyo mukubomba! Ane ne Mwene nanena.

Yelemiya 7:14

Polelo, zizyo nkababombela akaya aka Shilo, zyo zizyo nkwiza pakuyibombela Inyumba yiyo muyisubiye, yiyo nkabapa amwe na banyenya binyu.

Yelemiya 7:30

“ ‘Abantu aba mu Yuda babomba ububibi pamaso papane. Babika ivifwani vyabo ivinyazu munyumba iyi yiyo yikumanyikwa ni tabwa lyane, sona bayinyazya.

Ezekiyeli 20:39

“Loli amwe mwe ba Izilayeli, u Mwene Uwamaka Ghosi akuti, ‘Buka pakwiputa ivifwani vyinyu, loli pisinda pache mukwiza pakunteghelezya mutakwiza pakulinyazya itabwa lyane izelu ni vyabupi vyinyu ni vifwani vyinyu.’

Ezekiyeli 23:29

Bakwiza pakukubombela ivipalapala nukukufyula vyosi vivyo ukiyula. Bakwiza pakukuleka nkule, po umubili uwa bwamalaya bwako bakwiza pakughuleka bo utavwete nachimochimo.

Ezekiyeli 23:37

Pakuti babomba ubwamalaya sona bakupula ibanda. Babomba ubwamalaya ni vifwani vyabo, babika abana babo pakuba vyakwiyipa ivyakocha ku vifwani vyabo.

Ezekiyeli 23:39

Pisiku lilalila bakabika abana babo pakuba vyakwiyipa kuvifwani vyabo, bakinjila mubuzilo bwane ubuzelu nukubunyazya. Izi zyo zizyo bakabomba munyumba yane.

Ezekiyeli 33:25

“Polelo ubabuzye ukuti, ‘U Mwene Uwamaka Ghosi ati: Mukulya inyama yiyo yili ni banda sona mukwiputa ku vifwani nukubaghogha abantu. Nkimba mukwinong'ona ukuti ichisu chikwiza pakuba chinyu?

Ezekiyeli 33:31

Abantu bane bakwiza kukwako ngati mumo bakubombelagha bwila, nukwikala pantazi papako pakuteghelezya amazyu ghako, loli batakughabombezya imbombo. Namalomo ghabo bakunena amazyu agha lughano, loli abene bakulonda ko kukaba bulo.

Ezekiyeli 5:11

U Mwene Uwamaka Ghosi akulapa akuti, “Pachifukwa ichakuti mwabunyazya ubuzilo bwane ubuzelu ni vifwani sona ni nyiho zyinyu izya mwiko, po ane ntakwiza pakubaleka bulo nukubapelela ichisa.

Daniyeli 9:18

Wee Chala, tegha ikutu lyako nukwivwa. Ighula amaso ghako nukwennya ukunanganika ukwa kaya kako kumanyikwe ni Tabwa lyako. Tutakukulambilizya pachifukwa ichakuti twebagholosu awe, loli pachifukwa icha chisa chako ichikulu nkani.

Hoseya 6:9

Ngati gho mavyondongo ghagho ghakuvwamilila abantu, momumo bope abaputi bakunangila. Bakubaghogha abantu pamusebo uwakubukila ku Shekemu, sona bakubomba ivintu ivikozya soni.

Amosi 4:5

Bika ivibama vyinyu ivya chilungo, pakuba chakwiyipa ichakupalizikizya, sona mwituvyanje pachifukwa icha vyabupi, vivyo mukwiyipa mubwighane bwinyu. Mwee ba Izilayeli, pakuti vinivi vyo vivyo muvighanite nkani pakubomba.” U Mwene Uwamaka Ghosi anena.

Zefaniya 1:5

Nkwiza pakubanangannya babo bakukwela pavisonje ivya nyumba pakwiputa izuba nu mwezi sona ni ntondwa. Nkwiza pakubazimizya babo bakufughama pasi, nukulapila mwitabwa ilya Mwene sona pakabalilo kanako bakulapila mwitabwa ilya chala u Moleki.

Malaki 3:15

Po ilelo tukubapima abamituvyo pakuba basayiwa. Naloli ababomba mbibi ivintu vikubendela akiza, sona nanti bakumuyela u Chala ichintu ichibibi chitakubawila.’ ”

Matayi 23:13

“Chighune nkani kukwinyu, amwe mwe bamanyisi aba Ndaghilo naba Falisayi! Mwe bazimbuli mwee! Mukwighalila umulyango uwa Bumwene ubwa Kumwanya pamaso pabantu, po amwe mwebene mutakwinjilamo, pamo ukwitikizya babo bakuyezya ukwinjilamo.

Yohani 13:18

“Intakubanena mwebosi; ane imbamenye babo nabasala. Loli Amasimbo ghakwanilisiwe ghagho ghakuti, ‘Umuntu yuyo nkulya poka nawe ichibama, ansambukiye.’

Yohani 18:28

Pandabindabi nkani, u Yesu akasendiwa munyumba iya Kayafa nukubuka nawe kunyumba iya mwimilili uwa chigaba. Abalaghili aba Chiyuda batakinjila mukasi pakuti batakalondagha ukwinyazya, umwakuti bangasekelela nabo Ulusekelo ulwa Pasa.