Yelemiya 6:8 - IBAYIBOLO 2024

⁸ Wee Yelusalemu, sendapo ichimanyilo, ukuti intakepukeko kukwako nukukuleka pakuba chisami, ichisu chicho atalipo nayumo umuntu angikalamo.”

Yelemiya 6:8 Iomraidhean Croise

Masalimo 2:10

Polelo mwee bamwene, mubanje na mahala, mwee balaghili aba pachisu ichapasi, muchebaye.

Masalimo 50:17

Pakuti uvibengite vivyo nkukubuzya, sona ukughasulannya amazyu ghane.

Masalimo 94:12

Wee Mwene musayiwa umuntu yuyo ukumumanyisya inkalo, umuntu yuyo ukumumanyisya ukufuma mu ndaghilo zyako,

Ivyili 19:20

Teghelezya zizyo bakukulingannya sona ubupokele ubumanyisi, po pabumalilo pache ukwiza pakuba we wamahala.

Ivyili 4:13

Uvilemezyanje ivimanyisyo vyane, sona utakavilekaye. Uvisungililaye akiza, pakuti bo bumi bwako.

Yelemiya 17:23

Loli pope bulo batakivwila, sona bakighalila amakutu ghabo, nukughakazya amoyo ghabo, pamo pakuleka pakwivwila ivimanyisyo vyane.

Yelemiya 2:15

Abalwani bakubuluma ngati zyo nkalamu. Bachipela ichisu pakuba nkolongo. Batunangannya utwaya twache utukulu tuto twipelite visami sona abantu batakwikalamo.

Yelemiya 31:19

Pakuti bo twakunangila, tukapinduka. Bo twazyaghannya tukikoma pachifuba. Twakoziwa isoni nukusamuliwa pa zizyo twabomba, pachifukwa icha mbibi zyitu izya ku bulumendo.’

Yelemiya 32:33

Bampa inkonto mubuzilo ubwakumpa ivyeni vyabo, napapo nkatamiwa nkani pakubamanyisya loli pope bakakana amafundwe.

Yelemiya 4:14

Wee Yelusalemu, swefya umoyo wako kumbibi ukuti upokiwe. Nkimba ukwiza pakuba ninyinong'ono imbibi zinizyo mupaka liyi?

Yelemiya 7:20

U Mwene Uwamaka Ghosi akunena akuti, “Ukukalala kwane nu bukali bwane vikwiza pakupunguliwa pabuzilo bunubu, pa muntu napa chinyamana, pa makwi agha munkolongo napa seke izya mumughunda, sona bukwiza pakwaka ngati moto ghugho ghutakuzima.”

Yelemiya 7:28

Polelo ubabuzye ukuti, ‘Ulu lo luko ulwa bantu babo batakaghitika amazyu agha Mwene u Chala wabo, pamo ukwitika ukunanga kwabo. Ubwanaloli butalipo pakasi papabo, sona butakwivwikapo pamilomo yabo.

Yelemiya 7:34

Nkwiza pakukanizya ivyongo ivya lusekelo nivya buhobosu mutwaya utukulu nkani utwa Yuda sona na mumisebo iya mu Yelusalemu naku mazyu agha yuyo akusendiwa sona nu mwenesendwa pakuti ichisu chila chikwiza pakwipela chisami.’

Yelemiya 9:11

U Mwene akuti, “Nkwiza pakumupela u Yelusalemu pakuba chisami, numwakughonamo abakambwe, sona utwaya utwa Yuda utukulu nkani tukwiza pakumongoliwa, umwakuti nayumoyumo u muntu akwiza pakwikalaghamo.”

Ezekiyeli 23:18

Akabombagha pabuzelu ubwamalaya bwache, abantu bosi bakamumanya ukuti we malaya. Cho chifukwa nkamupa inkonto, ngati mumo nkabombela nu mukulu wache.

Hoseya 2:5

Unyina atakaba musubiliwa, sona akamela ulwandwa bo akubomba inkozyasoni. Akati, “Nkwiza pakubakonka abapamoyo bane, babo bakumpa ichakulya, na mizi. Bakumpa sona ameya, na menda amatonte, na mafuta agha misyunguti, sona nu vinyo.”

Hoseya 9:12

Napapo bangabalela abana, nkwiza pakubasenda. Chighune nkani ku bantu banaba, bo nepukako kukwabo!

Aba Levi 26:34

“Po pakabalilo kanaka ichisu chikwiza pakusekela pachifukwa ichakuti chikwiza pakuba na Maka Aghakutuzya, bo amwe muli mubuzya muchisu icha balwani binyu, pakuti amwe mutakalondagha pakuchipa ichisu chinyu akabalilo akakutuzya.

Zefaniya 3:7

Nkakabuzya akaya akakulu nkani nkati, ‘Naloliloli ukwiza pakunnyila nukwitika ukuchemela kwane!’ Po akaya kache katangananganika, pamo ukuti ulufundo lwane lukawile. Loli pope bulo bakaba bengo nkani pakubomba ivyamabeko vyabo vyosi.

Ukukumbusya Amalamulo 32:29

Nanti bakabanga na mahala ngali bakivwisya ivintu vinivi, sona ngali bakuzyaghannya intamyo zizyo zingabawila.