Yelemiya 6:5 - IBAYIBOLO 2024

⁵ Po nyamuka, twende tulwe nako pabusiku nukughamongolannya amalinga ghache!”

Yelemiya 6:5 Iomraidhean Croise

2 Imbili 36:19

Bakayocha Inyumba iya Chala nukumongolannya ulupaso ulwa Yelusalemu. Bakocha inyumba zyosi izya bumwene nukunangannya ivintu vyosi ivyamutengo vivyo vikaba mulamula.

Masalimo 48:3

U Chala ilanjizya mwene ukuti akukavighilila akaya kala, pakuti akwikala mukasi mumalinga ghache.

Yesaya 32:14

Pakuti inyumba iya bumwene yikwiza pakuba chisami, akaya akakulu nkani akachongo kakwiza pakulekiwa, amalinga ni chitembe vikwiza pakunanganika bwila na bwila, impunda izya muzi zikwiza pakuba mulamula, sona ing'ozi zyope zikwiza pakulyanga isote mumo,

Yelemiya 17:27

Loli nanti mutakunyivwila nukulisungilila Isiku Ilyakutuzya ukuti libanje lizelu sona nanti mutakunyamula u katundu bo mukwinjila pamilyango iya Yelusalemu Pisiku Ilyakutuzya, po nkwiza pakukozya u moto pamilyango iya Yelusalemu, ghugho ghutakuzimapo nalumo. U moto ghula ghukwiza pakulungulizya amalinga ghache.’ ”

Yelemiya 52:13

Akocha Inyumba iya Mwene ni nyumba iya bumwene sona ni nyumba zyosi izya mu Yelusalemu. Akocha sona inyumba zyosi izya abantu abapamwanya.

Yelemiya 52:7

Ilinga ilya kaya akakulu nkani kala likamongoliwa. Napapo abantu aba mu Babiloni bakakazyungulila akaya akakulu nkani kala, abasilikali bosi bakachimbila pabusiku. Bakafumila ku mulyango uwa pakasi pavibumba vibili, papipi nu mughunda uwa mwene, bakachimbilila kwikombe ilya Alaba.

Yelemiya 9:21

Imfwa yatwizila ukwendela mumabwindo ghitu, yinjila munyumba izya bumwene. Yatughoghela abana bitu mumisebo, sona yatumalila abalumendo bitu muminalo.

Hoseya 8:14

Aba Izilayeli bamuluvizye umupeli wabo, nukuzenga inyumba inkulu izya bumwene. U Yuda abalizya utwaya utukulu nkani utwa malinga. Loli Nkwiza pakutuwisizya umoto, ghugho ghukwiza pakughalungulizya amalinga ghabo.”

Amosi 2:5

Nkwiza pakubawisizya umoto abantu aba mu Yuda, ghugho ghukwiza pakughalungulizya amalinga agha mu Yelusalemu.”

Obadiya 1:1

Ichisetuka icha Obadiya. Agha gho mazyu agha Mwene Uwamaka Ghosi ghagho ghakunena nizya chisu icha Edomu gho agha: Twivuye amazyu aghakufuma kwa Mwene. Intumi yikatumiwa ku inko izinji na mazyu aghakuti, “Nyamuka, twende pakulwa ubwite, na bantu aba mu Edomu.”

Zekaliya 11:1

Wee Lebanoni, ighula imilyango yako, umwakuti umoto ghughalungulizye amakwi ghako agha mwale.