Yelemiya 6:26 - IBAYIBOLO 2024

²⁶ Mwee bantu bane, vwala amasaka sona mughalaghataye mwitoyi, mulilaye umwakukolomoka, ngati mumo umuntu akumulilila u mwana wache weka naweka, pakuti umwakuchenusya bulo uwakutunangannya akwiza pakutwizila.

Yelemiya 6:26 Iomraidhean Croise

Ubwandilo 21:16

Akayitantama impanya yila amamita 100 nukwikala pasi nukuti, “Ntangamwenelezya bulo bo umwana wane ali pakufwa, awe.” Bo achili ikaye pasi palapala, umwana yula akanda pakulila.

Yobu 15:21

Akwivwanga bulo ichongo ichakoghofya mumakutu ghache; pakabalilo kako akutinji vyosi vili akiza bulo, po amavyondongo ghakumwizila.

Yobu 2:8

Po u Yobu akasenda ulwinga nukwisuba nalo bo ikaye pachituntululu.

Yesaya 22:12

Pisiku lilalila u Mwene, u Mwene Uwamaka Ghosi akabitizya abantu ukuti balile nukufwifwitila, ukumeta isisi nukuvwala amasaka.

Yesaya 22:4

Polelo nkati, “Mundeke nemwene, ukuti indilepo nkani. Mutakansangalusyanje pachifukwa icha kunanganika ukwa bantu bane.”

Yesaya 3:24

Mubuzilo ubwa mafuta aghakununkila, kukwiza pakuba umunusi umubibi. Mubuzilo ubwa lamba, bakwiza pakuvwalagha ulukusa. Mubuzilo ubwa kupesa isisi bakwiza pakuba ni vipala, mubuzilo ubwakuvwala amenda amiza, bakwiza pakuvwalagha amasaka, mubuzilo ubwakuboneka akiza bakwiza pakuba soni zyene.

Yesaya 30:13

imbibi iyi yikwiza pakukuwila ngati lubumba ulutali, lulo luzepukite sona lufumiye nakuzi luli papipi pakuwa.

Yesaya 32:11

Tetemagha amwe mwebakolo mwemwifwasiye bulo, amwe mwe balindu mwe mutakupasya nachimo. Vula amenda ghinyu, nukuvwala amasaka mumisana ghinyu pachifukwa icha chitima.

Yelemiya 12:12

Abakunangannya bakwiza mubuzilo bosi ubwapamwanya bubo buli munkolongo. Pakuti ubwite ubwa Mwene bukwiza pakuchinangannya ichisu ukwandila kubwandilo mupaka kubumalilo, sona atalipo nayumoyumo uwakupona.

Yelemiya 13:17

Loli nanti mutakuteghelezya, nkwiza pakubalilila kubusyefu, pachifukwa icha mituvyo ghinyu, amaso ghane ghakwiza pakulila nkani, ghakwiza pakwizula namasozi pachifukwa ichakuti ing'ozi izya Mwene zili mubuzya.

Yelemiya 14:17

Ubabuzye amazyu agha uti, ‘Amaso ghane ghakwiza pakwizula na masozi, pabusiku na pamusanya umwakusita kulekapo, pakuti abantu bane abasaliwa bavulaziwa nkani, sona bali ni vilonda.

Yelemiya 15:8

Nkwiza pakonjelezya ubwinji ubwa bakolo abafwilwe, ukuchila nu musesenga uwa munyanja. Nkwiza pakubasendela uwakubanangannya, abamayi na bana babo pakasi pamusanya, Umwakuchenusya bulo nkwiza pakubizila nintamyo ni vyakoghofya.

Yelemiya 18:22

Ukulila kwivwike munyumba zyabo bo ukubatumila umwalubilolubilo ichilundilo icha bakufyula pakubafyula utwaya twabo. Bakumbite ichiliba ichakuti ingwilemo, sona bateghite ivipingo ukuti bandeme.

Yelemiya 30:5

U Mwene akuti, “Nivwa amazyu agha nkuto, amazyu aghakoghofya ghagho te ghamutende, awe.

Yelemiya 4:11

Pa kabalilo kalakala, abantu aba mu Yelusalemu bakwiza pakubuziwa ukuti, “Impepo iyakocha iya pabuzilo ubwapamwanya ubwa munkolongo yikubaputila abantu bane, loli te mpepo iya kupetela pamo iya kuswefezya.

Yelemiya 4:20

Intamyo zikwiza pamwanya pantamyo; ichisu chosi chipela pakuba chisami. Lubilolubilo ivisakasa vyane vyananganika, pakabalilo akapimpa bulo, umwenda uwakuzighila ghukazepunkana.

Yelemiya 4:8

Po muvwale amasaka pachifukwa icha chitima, mulilaye nukukolomoka, pakuti ubukali ubwa Mwene butepitepo papitu.

Yelemiya 6:14

Bakupozya ivilonda ivya bantu bane pamwanya bulo. Bakunena bakuti, ‘Umutende, umutende,’ loli bo umutende ghutalimo naghumoghumo.

Yelemiya 8:19

Ivwa ukulila ukwa bantu bane abakufuma kuchisu icha kubutali, “Nkimba u Mwene atalimo muchisu icha Ziyoni? Fwandi u mwene atalimo mulamula?” U Mwene akwamula akuti, “Nkimba choni chicho bakunkalalizya ni vifwani vyabo? Sona ni vifwani vyabo iviyeni vivyo vite nimbombo nayimoyimo?”

Yelemiya 8:21

Pakuti abantu bane bavulaye, nane invulaye, nkulila sona indi nubogha.

Yelemiya 9:1

Mwee, nalondagha nkani ukuti u mutu wane ghube ngati mbwibi iya mizi nukuti amaso ghane ghabe ngati chiziba icha masozi! Umwakuti ngali nalila umusanya nubusiku pachifukwa icha bantu bane babo baghoghiwe.

Yelemiya 9:10

Nkwiza pakukolomoka nukughalilila amaghamba sona nkwiza pakuyifwifwitila inkolongo, pachifukwa ichakuti ukwakudimako kwananganika. Kwaba chisami sona batakwendako ukumota ukwavitekwa kutakwivwikako. Iviyuni ni vinyamana vyachimbilamo.

Nkuto 1:16

“Ichi cho chifukwa nkulila sona amasozi ghatakukamuka mumaso ghane. Atalipo nayumoyumo uwakunsangalusya, sona nayumo umuntu uwakunkazya. Abana bane baba balanda, pachifukwa ichakuti abalwani bitu batupota.”

Nkuto 1:2

Pabusiku akulila nkani, sona amasozi ghatakumala mumasaya ghache. Atalipo nayumoyumo uwakumusangalusya pakasi pa baghaniwa bache bosi. Abamanyani bache bosi bamusambukiye, sona baba balwani bache.

Nkuto 2:11

Amaso ghane ghizuye pachifukwa icha kulila, sona mukasi muli ubwite. Ghope umoyo wane wavulala, pachifukwa ichakunanganika ukwa bantu bane. Pakuti abana na babonda bakuzililika mumisebo iya kaya akakulu nkani.

Nkuto 3:16

Ankula amino ghane na mabwe, sona ankanyankila pulufumbi.

Nkuto 3:48

Isoko izya masozi zikwenda bulo mumaso ghane, pachifukwa ichakuti abantu bane bananganika.

Nkuto 4:10

Abakolo abachililizi bakapiya abana babo pakuba chakulya chabo, bakaba chakulya bo abantu bache bakunanganika.

Nkuto 4:3

Abakambwe bamenye pakonkezya utwana twabo, loli abantu bane bali na moyo amakafu ngati ntibatiba.

Nkuto 4:6

Abantu bane bafundiwa nkani, ukuchila namumo bakafundiliwanga abantu aba mu Sodomu, Abantu banaba bakafundiwa mukabalilo akapimpa bulo sona patakabapo nayumoyumo umuntu uwakubavwa.

Amosi 8:10

Ulusekelo lwinyu ulwanyiputo, lukwiza pakuba chililo, kope ukwimba kwinyu kukwiza pakuba kulila. Umuntu wesi akwiza pakuvwinkiwa amasaka, nukumwa isisi kumitu yinyu, pachifukwa icha chitima. Nkwiza pakukapela akabalilo kalakala pakuba ngati ko kabalilo akakumulila umwana mwene na mwene, sona ubumalilo bwisiku lilalila bukwiza pakuba bwakubaba nkani.”

Yona 3:6

Bo u mwene uwa Ninive ivwa zinizi akanyamuka pachitengo chache icha bumwene, akavula inkazo yache. Akavwala amasaka nukwikala pitoyi.

Zekaliya 12:10

“Po nkwiza pakubapungulila umoyo uwa chisa nuwa nyiputo pabanyumba iya Devedi sona napa bantu babo bakwikala mu Yelusalemu. Bakwiza pakumwenelezya umuntu yuyo bakamulasa, bakwiza pakumulila, ngati mumo umuntu akumulilila umwana wache mwene na mwene, sona akuba ni chitima nkani ngati mumo umuntu akubela ni chitima numwana wache ukatote.

Luka 7:12

Bo u Yesu apalamila pamulyango uwa kaya kala, akakomana na bantu babo bakanyamula umuvimba. Umufwe yula akaba mwana umulumendo mwene na mwene uwa mukolo umufwilwe yula, abantu abinji aba mukaya kalakala bakaba poka nawe.

Yakobo 4:9

Mubanje ni chitima, mulilaye sona mukolomokaye pachifukwa icha vintu ivibibi vivyo mukabomba. Ukuseka kwinyu kubanje nkuto, sona ubuhobosu bwinyu bubanje chitima.

Yakobo 5:1

Ilelo teghelezya, mwe bantu abakabi. Lilagha nukukolomoka pachifukwa icha ntamyo zizyo zikwiza pakubawila.