Yelemiya 6:25 - IBAYIBOLO 2024

²⁵ Mutakabukaye ku maghunda, pamo pa kwenda mumisebo, pakuti u mulwani ali nupanga, sona ubogha buliko kosi.

Yelemiya 6:25 Iomraidhean Croise

2 Imbili 15:5

Mumasiku ghalaghala umuntu wesi yuyo akepaghamo pamo ukwinjilamo atakaba nu mutende, pakuti abene chisu bakaba muntamyo inkulu nkani.

Yobu 18:11

Ivyakoghofya vikumupelela ubogha kosi na kosi, nukumukonka mosi mumo akwenda.

Masalimo 31:13

Pakuti nkwivwa ukuteketa ukwa bantu abinji sona bakunyoghofya kumbazu zyosi. Bakunenezannya nizya kunsambukila, sona bakubatika ukuti bangoghe.

Yesaya 1:20

Loli nanti mukunkana nukunsambukila mukwiza pakughoghiwa nupanga.” Pakuti ane ne Mwene nanena.

Yelemiya 14:18

Nanti nkubuka mutwaya, nkwagha ukuti abantu abinji baghoghiwe kubwite. Nanti nkubuka mukaya akakulu nkani, nkubennya abantu bali nizala. Bosi abalaghuzi na baputi, babukite muchisu chicho batachimenye.’ ”

Yelemiya 20:10

Nkubivwa abinji bakuteketa bakuti, “Ukoghofya kuli imbazu zyosi! Mumulongelele! Zagha tumulongelele!” Na bamanyani bane bosi bakulindilila ukuti ingwilemo bakuti, “Lumo angazimbuliwa, po tungamulema nukumutanizya ububibi.”

Yelemiya 30:5

U Mwene akuti, “Nivwa amazyu agha nkuto, amazyu aghakoghofya ghagho te ghamutende, awe.

Yelemiya 4:10

Po nkati, “Wee Mwene Uwamaka Ghosi, naloli wabazimbula abantu aba poka naba mu Yelusalemu! Ukababuzya ukuti, ‘Mukwiza pakuba nu mutende,’ loli bo upanga ali pasingo zyabo.”

Yelemiya 4:5

“Fumusya muchisu icha Yuda nicha Yelusalemu ukuti, ‘Lizya ipati muchisu chosi!’ Kolomoka nukuti, ‘Bungana poka! Zagha tuchimbilile mutwaya utukulu utwa malinga!’

Yelemiya 46:5

Nkimba choni chicho nkuchennya? Abantu babo bali nubogha, bakunyokela kwisinda, abasilikali babo bapotiwa. Bakuchimbila ukusita ukwennya kwisinda, sona bazyunguliliwe nubogha inkuto zyosi. Ane ne Mwene nanena.

Yelemiya 49:29

Mubafyule ivisakasa vyabo poka ni ing'ozi ni mbuzi zyabo, musende amenda agha kuzighila muvipinda vyabo, poka nu katundu wabo sona ni ngamila zyabo. Abantu bakolomokaye batinji, ‘Twazyunguliliwa nintamyo.’

Yelemiya 49:5

Nkwiza pakubizila ni vyakoghofya, ivyakufuma ku bantu babo babazyunguliye. Ane ne Mwene Uwamaka Ghosi nanena. “Umuntu wesi uwa amwe akwiza pakuchimbiziwa, sona atalipo nayumoyumo, yuyo akwiza pakubabungannya mwe bakuchimbiziwa.

Yelemiya 8:14

Abantu bakuti, “Nkimba choni chicho twikaye pano? Bungana poka! Zagha tuchimbilile ku malinga agha mutwaya utukulu nkani nukuzimila kulakula! Pakuti u Mwene u Chala witu adumula ukuti tubaghiye pakufwa, sona atung'wesya amizi agha bwanga, pakuti twamunangila.

Yelemiya 8:15

Tukalondagha umutende loli ivintu vitakatwendela akiza tukalondagha ukupoziwa loli kukabako ukoghofya kwene.

Nkuto 2:22

“Ukabitizya abalwani bane kunkuto zyosi ngati mumo ukubitizizya abantu kulusekelo. Pisiku lilyo u Mwene akakalala, atakabapo nayumoyumo uwakupona pamo uwakusyala mumi. Bosi babo nkabapakatapo nukubalela, abalwani bakabaghogha.”

Ezekiyeli 21:17

Nane bulo nkwiza pakukoma inkufi, sona ubukali bwane bukwiza pakutozoka, ane ne Mwene nanena.”

Ezekiyeli 7:18

Bakwiza pakuvwala amasaka, sona ubogha bukwiza pakubalema. Ivyeni vyabo vikwiza pakuba ni soni, sona bakwiza pakumwa isisi kumitu yabo.

Luka 19:43

Akabalilo kakwiza bo abalwani bako bakwiza pakukuzyungulila kosi na kosi. Bakwiza pakubakanizya abantu bako pakufuma kuzi nukwinjila mukasi.