Yelemiya 6:23 - IBAYIBOLO 2024

²³ Banyamuye ubwele ni mpalala, bakali sona bate ni chisa nachimochimo. Bakwivwika ngati kupoma ukwa nyanja bo bakwelite pafalasi zyabo. Wee Ziyoni, bakwiza ngati bantu babo biyanizye pakulwa ubwite, ukuti balwe nawe.”

Yelemiya 6:23 Iomraidhean Croise

Yesaya 10:32

Pisiku ili bakwiza pakwima pakaya akakulu aka Nobu, bakwiza pakuneng'ennya inyobe zyabo, pighamba ilya bantu aba mu Ziyoni, pakaghamba aka Yelusalemu.

Yesaya 13:18

Ubwele bwabo bukwiza pakubaghogha abalumendo, batakwiza pakubapelelagha ichisa ababonda, pamo pakuba nichililizi na bana.

Yesaya 17:12

Chighune ku inko inyinji zikuzuma ichongo, ukuzuma kuli ngati kupoma ukwa nyanja! Chighune ku inko, zizyo zikuzuma ichongo, ngati kupoma ukwa mizi aminji nkani!

Yesaya 19:4

Nkwiza pakubabika aba Ijiputi munyobe izya mulaghili sona u mwene uwakoghofya akwiza pakubalaghila.” U Mwene Uwamaka Ghosi anena.

Yelemiya 25:32

U Mwene Uwamaka Ghosi akuti, “Ennya intamyo zikwiza pa luko ulu na ulu, sona kubumalilo ubwa chisu kusambukite impepo iyamaka.”

Yelemiya 25:9

nkwiza pakubitizya abantu aba kumitu poka nu mubombi wane u Nebukadineza u mwene uwa ku Babiloni sona nkwiza pakuchitumila ubwite ichisu ichi poka na bantu babo bakwikala mulamula sona ninko izya bantu babo babazyunguliye. Nkwiza pakubanangannya nukubapela pakuba chintu ichakoghofya nichakusekiwa sona ichisu chila chikwiza pakwipela chisami icha bwila na bwila.

Yelemiya 30:14

Abaghaniwa binyu bosi babaluvizye, bate ni mbombo namwe. Nukubavulazya ngati mumo abalwani binyu bosi bababombela, ulufundo lwinyu lukulu pakuti imbibi zyinyu nyinji, sona bope ububibi bwinyu bukulu nkani.

Yelemiya 4:13

Ennya! Abalwani bakwiza ngati mabingu, ingolo zyabo zikwiza ngati we kankungu, ifalasi zyabo zyalubilo ngati mazwanga. Chighune kukwitu! Twafwa!

Yelemiya 4:16

“Muzisoke inko, mufumusye mu Yelusalemu muti, ‘Abasilikali aba kuchisu icha kubutali bakwiza, pakulwa nutwaya utukulu nkani utwa Yuda.

Yelemiya 4:29

Bo abantu bivwa ichongo icha ababwite babo bakakwela pafalasi na babo bakalasa utulasilo bamo bakachimbilila mumusitu, abanji bakakwela mumabwe. Utwaya tosi utukulu tukalekiwa, sona atalipo nayumoyumo uwakwikala mulamula.

Yelemiya 5:16

Inyambi izyakunyamulilamo utulasilo zili ngati lipumpa lilyo lili bwazi, bosi banaba zyo nkwanta izya ababwite.

Yelemiya 50:41

“Ennya! Abasilikali aba kumitu bakwiza, uluko ulwamaka na bamwene abinji bakwiyannya pakulwa ubwite.

Yelemiya 50:42

Banyamuye ubwele ni mpalala, bakali sona bate ni chisa nachimochimo. Bakwivwika ngati kupoma ukwa nyanja bo bakwelite pafalasi zyabo. Bakwiza ngati bantu babo biyanizye pakulwa ubwite, ukuti balwe nawe, wee Babiloni.

Yelemiya 6:4

Bakwiza pakunena ukuti, “Mwiyannye pakulwa nakaya aka Yelusalemu! Nyamuka, zagha tulwe nakaya kanaka pamusanya! Loli tuli nulusako ulubibi, ichamabwila chafika, sona akavwelelema kafika.

Yelemiya 8:16

Abalwani bitu binjiye kale mukaya akakulu nkani aka Dani, Bo ifalasi zyabo zikulila, ichisu chosi chikutetema. Abalwani bizite pakunangannya ichisu chitu, poka na vyosi vivyo vili mumo, akaya akakulu nkani sona na bantu babo bakwikala mulamula.”

Ezekiyeli 21:31

Nkwiza pakupungulila ubukali bwane papako, nukufutila ukukalala kwane papako, nkwiza pakukubika munyobe izya bantu abakali, babo bamenye pakunangannya.

Ukukumbusya Amalamulo 28:49

U Mwene akwiza pakulwitizya uluko ulwakufuma kumpaka iya chisu ichapasi, uluko lulo ineno yabo mutayimenye. Uluko lunulu lukwiza pakubizila ngati lyo lizwanga.