Yelemiya 6:22 - IBAYIBOLO 2024

²² U Mwene akuti, “Ennya, abasilikali aba kumitu bakwiza, uluko ulwamaka na bamwene abinji bakwiyannya pakulwa ubwite.

Yelemiya 6:22 Iomraidhean Croise

Nehemiya 1:9

Loli nanti munganyokela kukwane nukughakonka amalamulo ghane, napapo abantu binyu babo bali kubuzya bangaba kubutali nkani, nkwiza pakubabungannya poka nukwiza nabo kubuzilo bubo nkabusala ukuti inchindikiliwanjemo.’

Yelemiya 10:22

Teghelezya! Ipangwi lilyo likwiza. Ichongo ichikulu icha kumitu chikwiza. Chikwiza pakutupela utwaya utukulu utwa Yuda pakuba chisami, mumo mukwikalamo abakambwe.

Yelemiya 13:20

“Mwee ba mu Yelusalemu, ennya, mubennye abalwani binyu aba kumitu. Nkimba umudimo ghugho ghukapeghiwa kukwinyu ghuli kwiyi, ing'ozi zizyo mukituvyikilamo zili ko kwiyi?

Yelemiya 25:32

U Mwene Uwamaka Ghosi akuti, “Ennya intamyo zikwiza pa luko ulu na ulu, sona kubumalilo ubwa chisu kusambukite impepo iyamaka.”

Yelemiya 25:9

nkwiza pakubitizya abantu aba kumitu poka nu mubombi wane u Nebukadineza u mwene uwa ku Babiloni sona nkwiza pakuchitumila ubwite ichisu ichi poka na bantu babo bakwikala mulamula sona ninko izya bantu babo babazyunguliye. Nkwiza pakubanangannya nukubapela pakuba chintu ichakoghofya nichakusekiwa sona ichisu chila chikwiza pakwipela chisami icha bwila na bwila.

Yelemiya 30:5

U Mwene akuti, “Nivwa amazyu agha nkuto, amazyu aghakoghofya ghagho te ghamutende, awe.

Yelemiya 4:16

“Muzisoke inko, mufumusye mu Yelusalemu muti, ‘Abasilikali aba kuchisu icha kubutali bakwiza, pakulwa nutwaya utukulu nkani utwa Yuda.

Yelemiya 4:6

Kwezya indembela ku kaya aka Ziyoni! Chimbila lubilolubilo ukuti mupone, pakuti nkutuma intamyo izya kumitu sona nukunanganika ukukulu nkani.”

Yelemiya 47:2

“Umu momumo u Mwene akunenela: Ennya namumo amizi agha kumitu ghakwizulila, ghakwiza pakuba ngati zyo soko zizyo zyizuye nukusata. Ghakwiza pakusata muchisu chosi nukuchibizya chosi chicho chilimo, nutwaya utukulu sona na bantu bosi babo bakwikalamo. Abantu bakwiza pakulila, sona bosi babo bakwikala mulamula bakwiza pakufwifwitila.

Yelemiya 5:15

U Mwene akuti, “Mwee ba Izilayeli, nkubizila ninko iya bantu aba kubutali nkani, iya kale sona yiyo yiliko, abantu babo ni neno yabo mutayimenye nalumolumo, sona mutangayivwa nakokuyivwa.

Yelemiya 5:16

Inyambi izyakunyamulilamo utulasilo zili ngati lipumpa lilyo lili bwazi, bosi banaba zyo nkwanta izya ababwite.

Yelemiya 6:1

Mwe baluko ulwa Benjamini, chimbila nkani ukuti mupone! Epamo mukaya aka Yelusalemu! Lizya ipati mu Tekowa! Kwezya indembela mu Beti Hakelemu! Pakuti ichintu ichibibi nukunanganika ukukulu nkani vikufuma kuchigaba icha kumitu.

Ezekiyeli 21:31

Nkwiza pakupungulila ubukali bwane papako, nukufutila ukukalala kwane papako, nkwiza pakukubika munyobe izya bantu abakali, babo bamenye pakunangannya.

Ezekiyeli 23:22

“Polelo, we Oholiba, u Mwene Uwamaka Ghosi akuti: Nkwiza pakuvivundumuzya ivighane vyako vivyo pisinda pache ukavibenga, ukuti vilwane nawe, nkwiza pakwiza nabo ukufuma kumbazu zyosi,

Habakuku 1:6

Teghelezya nkwiza pakubapela abantu aba mu Babiloni, pakuba na maka ukubachila, luko ulukali sona nulwa lubilo nkani. Bakwiza pakuvipota ivyisu vyosi ivyapasi, pakuvifyula ivyisu vivyo vite vyabo.

Ukukumbusya Amalamulo 28:49

U Mwene akwiza pakulwitizya uluko ulwakufuma kumpaka iya chisu ichapasi, uluko lulo ineno yabo mutayimenye. Uluko lunulu lukwiza pakubizila ngati lyo lizwanga.