Yelemiya 6:21 - IBAYIBOLO 2024

²¹ Polelo u Mwene akuti, “Nkwiza pakubabikila ivipunuzyo abantu aba. Abawise nabana bakwiza pakwipunulamo; abakamu na bamanyani bakwiza pakuzimila.”

Yelemiya 6:21 Iomraidhean Croise

2 Imbili 36:17

Akiza nu mwene uwamu Babiloni, yuyo akabaghogha abana babo abalumendo muchipinda ichizelu, umwakuti atakabapo nayumoyumo umulumendo pamo umulindu pamo abasongo pamo umughosi yuyo akamuleka mumi. U Chala akababika bosi banaba munyobe izya Nebukadineza.

Yesaya 8:14

sona akwiza pakuba buzilo ubuzelu, loli ku banyumba iya Yuda nu Izilayeli bakwiza pakwikala ngati libwe mu Ziyoni, lilyo likwiza pakubapela abantu ukwipunula, ilyalabwe lilyo likwiza pakubawisya abantu, akwiza pakuba chipingo ku bantu babo bakwikala mu Yelusalemu.

Yesaya 8:15

Abantu abinji bakwiza pakwipunulapo, bakwiza pakuwa nukupyoka, Bakwiza pakuwila muchipingo nukulemiwa.”

Yelemiya 13:14

Nkwiza pakubakomezya imitu abawise nabana. Ntakwiza pakubapelela ichisa napo panandi sona ntakwiza pakubahobokela mupaka imbanangannye.’ ”

Yelemiya 13:16

Mumuchindikaye u Mwene u Chala winyu bo achili pakwiza nichisi, bo ivinama vyinyu vitipunuye muchisi icha mumaghamba. Mukulindilila ulukozyo, loli akwiza pakulupela pakuba chisi ichakoghofya.

Yelemiya 18:21

Po ilelo Mwene, baleke abana babo bafwanje nizala, baleke bafwile kubwite. Baleke abachi babo babanje bafwilwe, abasita bana nabamobamo. Baleke abalume babo baghoghiwe, baleke abalumendo bafwile kubwite.

Yelemiya 18:23

Loli awe we Mwene, uzimenye zyosi zizyo bakubatika ukuti bangoghe. Utakabahobokelaye inongwa zyabo, pamo pakuzimya imbibi zyabo. Ubanangannye pamaso ghako, sona mubukalale bwako ubafunde.”

Yelemiya 21:7

Pisinda pache u Mwene akuti, ‘Abantu aba nkwiza pakubabika munyobe izya Nebukadineza u mwene uwa Babiloni nakubalwani babo bakulonda pakubaghogha: U Zedekiya u mwene uwa ba Yuda, poka na makambala ghache na bantu aba mukaya akakulu nkani aka, babo bakapona kuchiwaya nupanga na kuzala. U Nebukadineza akwiza pakubaghogha nupanga, atakwiza pakubapelela ichisa pamo pakubapasikizya pamo pakuba nichililizi.’

Yelemiya 8:12

Nkimba bate ni soni pakubomba ivinyazu vinivi? Awe, bate ni soni nazimozimo sona batakuwisya ivyeni vyabo pasi. Pakuti bakwiza pakuwila poka na bamwabo babo bakawa kale. Bakwiza pakuwila zila bo nabafunda. Ane ne Mwene nanena.’

Ezekiyeli 3:20

“Sona nanti umugholosu akubuleka ubugholosu bwache nukubomba ububibi, nkwiza pakubika ichizinka pantazi papache, po akwiza pakufwa. Pachifukwa ichakuti utakamusoka akwiza pakufwa pachifukwa icha mbibi zyache. Imbombo ingolosu zizyo akabomba zitakwiza pakukumbukiwa, po awe ukwiza pakuba ninongwa pachifukwa icha bufwe bwache.

Ezekiyeli 5:10

Pakasi papinyu abapapi bakwiza pakubalya abana babo, sona abana bakwiza pakubalya abapapi babo. Nkwiza pakubafunda amwe, nukubanyampannya abakusyalikila kosi na kosi.”

Aba Levi 26:37

Bakwiza pakupunuzyannya benebene pakusita nayumo umuntu uwakubachimbizya. Mutakwiza pakuba na maka aghakulwila na balwani binyu.

Aba Loma 11:9

Sona u Devedi akuti, “Ulusekelo lwabo lubateghe ngati cho chipingo ni nkoka baleke bawilemo nukufundiwa.

Aba Loma 9:33

ukuyana na Masimbo aghakuti, “Ennya, nkwala ibwe mu Ziyoni lilyo likwiza pakubapela abantu ukwipunula, ilyalabwe lilyo likwiza pakubawisya abantu. Loli umuntu wesi yuyo akusubila mumwache, atakwiza pakukoziwa isoni.”

1 Pitala 2:8

Amasimbo aghanji ghakuti, “Ibwe lilyo likwiza pakubapela abantu ukwipunula, ilyalabwe lilyo likwiza pakubawisya abantu.” Abene bakipunula pachifukwa ichakuti batakaghasubila amazyu agha Chala, ichi chikabombiwa kukwabo ukuyana namumo u Chala akabatikila.