Yelemiya 6:19 - IBAYIBOLO 2024

¹⁹ Wee chisu ichapasi, teghelezya, nkwiza nintamyo pabantu aba, nkwiza ni vikomwa ivya mbombo zyabo, pachifukwa ichakusita kwivwila amazyu ghane, sona balukanite ululaghilo lwane.

Yelemiya 6:19 Iomraidhean Croise

Ivyili 15:26

U Mwene azibengite inyinong'ono izya muntu umubibi, loli amazyu agha muntu umwiza ghakumuhobosyanga.

Ivyili 28:9

Nanti umuntu atakuzikonka indaghilo, zyope inyiputo zyache zitakumuhobosyanga u Mwene.

Yesaya 1:2

Wee kumwanya, ivwa kuno, sona wee chisu ichapasi, teghelezya! U Mwene akuti, “Nkapapa abana nukubalela loli ilelo bansambukiye.

Yesaya 5:24

Polelo, ngati mumo akampesese aka moto kakochela amapembezannya sona ngati mumo isote ilyimizu likupyela mumoto, po amagululuzi ghache ghakwiza pakubola, sona ubwezya bwache bukwiza pakubuluka ngati lufumbi, pakuti bakana ululaghilo ulwa Mwene Uwamaka Ghosi, nukukana izyu ilya Muzelu uwa Izilayeli.

Yesaya 59:7

Inyayo zyabo zikuchimbilila pakubomba imbibi, zyengo pakukupula ibanda lilyo lite ninongwa. Inyinong'ono zyabo mbibi, kosi kuko bakwenda, bakunangannya nukuleka ivisami.

Yesaya 66:18

“Pakuti imenye imbombo zyabo ninyinong'ono zyabo, indi papipi pakuzibungannya inko zyosi, bo biza bakwiza pakwennya ubuchindamu bwane.

Yelemiya 11:11

Polelo u Mwene akuti, ‘Nkubizila nintamyo yiyo batabaghiye pakuyichimbila. Napapo bangandilila, pope bulo ntakwiza pakubivwa napo panandi.

Yelemiya 15:6

U Mwene akuti, “Mwankana, mwanyokela mwisinda. Po nane nkwiza pakugholosya inyobe yane nukubanangannya, sona nalita pakubahobokela.

Yelemiya 17:10

“Ane ne Mwene nkwenelezya inyinong'ono, nukughupima umoyo, nkumupa umuntu umuvwalo ukuyana ni nkalo yache, sona ukuyana ni mbombo zyache.”

Yelemiya 19:15

“Umu momumo u Mwene Uwamaka Ghosi, u Chala uwa Izilayeli akunenela akuti, ‘Teghelezya! Nkwiza pakukizila nintamyo akaya akakulu nkani aka nutwaya tuto tukazyunguliye ngati mumo nkanenela, pachifukwa ichakuti abantu banaba bakazizye nkani amoyo ghabo sona bakukana pakwivwila amazyu ghane.’ ”

Yelemiya 19:3

Ubabuzye uti, ‘Mwee bamwene aba mu Yuda, na bosi babo bakwikala mu Yelusalemu, ivwa ku zizyo ane ne Mwene Uwamaka Ghosi, u Chala uwa Izilayeli nkunena: Nkwiza nintamyo impalapala nkani pabuzilo ubu umwakuti wesi yuyo akwivwa akwiza pakuswigha bulo.

Yelemiya 21:14

“Nkwiza pakubafunda ukuyana ni mbombo zyinyu, Nkwiza pakughocha umusitu winyu, umoto ghukwiza pakulungulizya ivintu vyosi vivyo vibazyunguliye. Ane ne Mwene nanena.”

Yelemiya 22:29

Wee chisu, wee chisu, wee chisu, ivwa amazyu agha Mwene!

Yelemiya 29:19

Pachifukwa ichakuti batakaghivwila amazyu ghagho nkababuzya akabalilo na kabalilo, amazyu ghagho nkatuma na babombi bane abalaghuzi, loli amwe mwe bazya mukaghakana.

Yelemiya 4:14

Wee Yelusalemu, swefya umoyo wako kumbibi ukuti upokiwe. Nkimba ukwiza pakuba ninyinong'ono imbibi zinizyo mupaka liyi?

Yelemiya 4:16

“Muzisoke inko, mufumusye mu Yelusalemu muti, ‘Abasilikali aba kuchisu icha kubutali bakwiza, pakulwa nutwaya utukulu nkani utwa Yuda.

Yelemiya 4:4

Mwisilimule mwebene kwa Mwene sona mughasilimule amoyo ghinyu, mwe bantu aba mu Yuda na mwe bantu aba mu Yelusalemu, nanti mutakubomba bunubu ubukali ubwa Mwene bukwiza pakwaka ngati moto, pachifukwa icha bubibi bwinyu bubo mwabomba, sona atalipo nayumoyumo uwakughuzimya.

Yelemiya 49:37

Nkwiza pakubapelela ubogha aba Elamu pamaso pa balwani babo, pamaso pa babo bakubulondelezya ubumi bwabo. Nkwiza pakubanangannya abantu aba ku Elamu, sona nkwiza pakubawisizya ubukali bwane ubwakoghofya. Ane ne Mwene nanena. “Nkwiza pakubachimbizya nupanga, mupaka imbamale bosi.

Yelemiya 6:10

Nkimba ninganena nu wenu nukumusoka? Nkimba wewenu yuyo anganyivwa? Amakutu ghabo ghighaliye umwakuti batangivwa. Bakughakana amazyu agha Mwene, sona batakuhoboka nagho.

Yelemiya 6:18

Mwee inko izya bantu, teghelezya, mwee bakaboni, mwenelezye zizyo zikwiza pakubawila.

Yelemiya 8:5

Po nkimba chifukwa choni chicho abantu banaba bapulumpa? Nkimba choni chicho u Yelusalemu akwendelela pakunyokela kwisinda? Babukakatiye ubumyasi, bakukana pakunyokako.

Yelemiya 8:9

Abamahala bakwiza pakukoziwa isoni, amahala ghakwiza pakubamalila sona bakwiza pakulemiwa. Pakuti balikana izyu ilya Mwene, nkimba bali na mahala ghoni?

Daniyeli 9:11

Aba Izilayeli bananga Indaghilo zyako, bazipa inkonto sona bakana pakukwivwila. “Polelo inguno ni chilapo ni Ndaghilo visimbiwe mu Lulaghilo ulwa Mozesi umubombi uwa Chala vyapunguliliwa papitu, pachifukwa ichakuti twakunangila.

Hoseya 10:13

Loli mwabyala ububibi, po mwinula ubunyonganu, sona mwalya ivikomwa ivya bumyasi. Pakuti mwazisubila izila izyinyu ni zyinyu sona na basilikali binyu abinji nkani.

Hoseya 4:6

Abantu bane bakunanganika pachifukwa ichakuti bate na mahala. “Pachifukwa ichakuti mwabusulannya ubumanyi, nane bulo nkubakana pakuba mwe baputi bane. “Pachifukwa ichakuti mwazikana indaghilo izya Chala winyu, nane bulo nkwiza pakubakana abana binyu.

Amosi 2:4

U Mwene akuti, “Pakuti abantu aba mu Yuda bakunanga kabilikabili, po ane ntakwiza pakubwisya ubukali bwane. Pachifukwa ichakuti balukana ululaghilo ulwa Mwene sona baghasulannya amalamulo ghache. Pakuti abachala abamyasi babasobezizye, abachala babo abanyenya bakabiputagha.

Mika 1:2

Mwee bantu aba inko zyosi, ivwa kuno, wee chisu ichapasi, na mwebosi mwe mukwikalamo, tegha amakutu ghinyu, ukuti u Mwene Uwamaka Ghosi akubasusya. U Mwene akunena mu Nyumba yache izelu.

Mika 6:2

Mwee maghamba, ivwa ubulongi ubwa Mwene, teghelezya, mwee lwalo ulwa bwila na bwila ulwa chisu chosi ichapasi. Pakuti u Mwene abapiye inongwa abantu bache; akubasusya aba Izilayeli.

Yohani 12:48

Umuntu wesi yuyo akunkana, sona atakupokela amazyu ghane, alipo weka yuyo akwiza pakumulonga. Amazyu ghagho nanena gho ghagho ghakwiza pakumulonga pisiku ilyabumalilo.

Imbombo 8:22

Polelo pinduka nukuchileka ichintu chako ichibibi ichi nukumwiputa u Mwene ukuti akuhobokele pachifukwa icha kwinong'ona ichintu ngati cho ichi.

Ukukumbusya Amalamulo 30:19

Ilelo kumwanya ni chisu ichapasi vibanje bakaboni bane ukuti nkubapa ulusako ulwa kusalapo, ubumi pamo ubufwe, ulusayo pamo ichighune. Salapo ubumi, umwakuti amwe na baluko lwinyu mube nubumi.

Ukukumbusya Amalamulo 32:1

Wee kumwanya, ivwa zizyo nkunena, teghelezya amazyu ghane, wee chisu ichapasi!

Ukukumbusya Amalamulo 4:26

Ilelo kumwanya ni chisu ichapasi bo bukaboni bwane ukuti amwe mukwiza pakuzimila lunulu muchisu chicho mukwiza pakuchifyula nukwikalamo chicho chili kwisila ilya Yolodani. Mutakwiza pakwikalamo akabalilo akatali loli mukwiza pakunanganika.

1 Samuweli 15:23

Pakuti ukumusambukila u Mwene, kuyanite bulo na mayele. Ukwituvya yo mbibi, yiyo yiyanite bulo nukwiputa ivifwani. Pachifukwa ichakuti waghakana amazyu agha Mwene, wepe akukana ukuti utakabanje sona we mwene.”

1 Samuweli 15:26

Loli u Samuweli akamubuzya akati, “Ntangabuka poka nawe, pakuti ukaghakana amalamulo agha Mwene, po wepe akukana ukuti utakabanje we mwene uwa ba Izilayeli.”