Yelemiya 6:16 - IBAYIBOLO 2024

¹⁶ U Mwene akuti, “Imilila mulubazu mumusebo nukutalankannya, lalusya izila izya kale. Lalusya kuko kuli izila inyiza sona nukwendamo mulamula, po imizimu yinyu yikwiza pakubwagha ubutuzyo. Loli amwe mukati, ‘Tutakwiza pakwendamo.’

Yelemiya 6:16 Iomraidhean Croise

1 Abamwene 8:36

po ivwa uko kumwanya kuko ukwikala nukubahobokela imbibi zyabo ababombi bako aba Izilayeli. Ubamanyisyanje inkalo inyiza, sona ubawisizye ivula muchisu chicho ukabapa abantu bako pakuba mpyana yabo.

2 Imbili 19:11

“U Amaliya umuputi usongo weyuyo akwiza pakubalongozya munongwa zyosi izyakunena nizya Mwene sona u Zebadiya umwana uwa Ishimayeli, yuyo we mulongozi uwa luko ulwa Yuda, akwiza pakubalongozya munongwa zyosi izyakunena nizya mwene. Po aba Levi bakwiza pakubomba ngati makambala pakasi papinyu. Mubanje mwe bajivu, po u Mwene abanje na babo bakubomba ingolosu.”

Masalimo 116:7

Wee moyo wane, tuzya, pakuti u Mwene akubombeye ivyiza.

Yesaya 2:5

Mwee baluko ulwa Yakobo, zagha twendaye mulukozyo ulwa Mwene.

Yesaya 28:12

akababuzya ukuti, “Ubu bo buzilo ubwakutuzikizyapo, baleke babo balita batuzye,” sona, “Ubu bo buzilo ubwakweghamilako,” loli batakwiza pakunteghelezya.

Yesaya 30:21

Napapo mungaghalabukila kundilo pamo kumongo, amakutu ghinyu ghakwiza pakwivwa izyu ukufuma kwisinda kwinyu, likuti, “Iyi yo zila; endagha mumo.”

Yesaya 46:9

Kumbuka ivintu ivyakale, ivyakwanda. Ane ne Chala, ataliko uyunji, yuyo akolanite nane.

Yesaya 57:2

Babo bakwenda mubugholosu, bakwinjila mumutende, bakutuzya nanti bafwa.

Yesaya 8:20

Ululaghilo nu lusimikizyo nanti vitakunena amazyu ghanagha vite nulukozyo nalumo.

Yelemiya 12:16

Loli pisinda pache nanti nu moyo ghosi bangamanyila pakwenda muzila izya bantu bane, nukulapila mwitabwa lyane bo bakunena ukuti, ‘Nkulapila mwitabwa ilya Mwene Umumi,’ ukuyana namumo bakabamanyisikizya abantu bane pakulapila mwitabwa ilya Baala, po bakwiza pakwikala poka na bantu bane, sona bakwiza pakwikala mukasi mubantu bane.

Yelemiya 18:12

Loli bakamula bakati, ‘Chinicho chite nimbombo nayimoyimo. Aswe tukwiza pakwendelela ni mbatiko izyitu ni zyitu, umuntu wesi akwiza pakubomba zizyo inyinong'ono zyache inkafu izya moyo umubibi.’ ”

Yelemiya 18:15

Loli pope bulo abantu bane banduvizye, bakochela utwakufukizya ku bachala babo bate nimbombo nayimoyimo, bakwipunula muzila zyabo izyakale. Bakwenda mutuzila utwa mwisote, na mumisebo yiyo yitalimiwepo nalumolumo.

Yelemiya 2:25

Utakendaye vinama vyene sona pimilo lyako patakabanje inyota. Loli awe ukati, ‘Chite ni mbombo! Imbaghanite abachala abayeni, sona imbaghiye pakubakonka.’

Yelemiya 22:21

Nkakusoka bo ufwasite, loli ukati, ‘Intakwivwa napo panandi!’ Momumo wabeleye bo uchili we mulumendo, utakaghivwila amalamulo ghane.

Yelemiya 31:21

“Mubike ivimanyilo mumusebo, mwibikile mwebene ivikwangwani. Muwenelezye nkani umusebo umukulu nkani, umusebo ghugho mukwiza pakwendamo bo mukubuka. Mwee ba Izilayeli nyokela nyokela ku twaya twinyu utukulu tuto mukatuleka.

Yelemiya 42:3

Utulabileko kwa Mwene u Chala witu ukuti atubuzye kuko tubukaye sona nachicho tungabomba.”

Yelemiya 44:16

“Aswe tutakwiza pakuteghelezya amazyu ghagho watubuzya mwitabwa ilya Mwene!

Yelemiya 50:5

Bakwiza pakulalusya izila iyakubuka ku Ziyoni bo benizye ivyeni vyabo kulakula. Bakwiza pakumamatilana poka nu Mwene, nukufinga nawe ulufingo ulwa bwila na bwila lulo lutakwiza pakuluviwapo nalumolumo.

Yelemiya 7:23

loli nkabapa ilamulo ilyakuti: Munyivwilaye po nkwiza pakubanga ne Chala winyu sona amwe mukwiza pakubanga mwe bantu bane. Muzikonkaye izila zyosi zizyo nkubalamula, nanti mukulonda ukuti ivintu vibendelaye akiza.

Yelemiya 7:24

Loli abantu bala batakivwila pamo ukubikilako umoyo, mubuzilo bwache bakendelela pakubomba zizyo amoyo ghabo amabibi ghakalondogha. Bakanyokela kwisinda mubuzilo ubwakwendelela.

Yelemiya 7:3

U Mwene Uwamaka Ghosi, u Chala uwa Izilayeli akuti: Yannya inkalo zyinyu ni mbombo zyinyu, po nkwiza pakubitikizya pakwikala pabuzilo ubu.

Malaki 4:4

“Mulukumbukaye ululaghilo ulwa mubombi wane u Mozesi, indaghilo na malamulo ghagho nkamupa pighamba ilya Sinayi ukuti ababuzye aba Izilayeli bosi.”

Luka 16:29

Po u Abulahamu akati, ‘Abakamu bako bali na mabuku agha Mozesi na balaghuzi; baleke bateghelezye zizyo ghakunena.’

Yohani 12:35

U Yesu akabamula akati, “Ulukozyo lukwiza pakuba namwe pakabalilo akanandi bulo. Endelela pakubomba bunubu, bo ulukozyo luchili pakasi papinyu, umwakuti ichisi chitakabaghe. Pakuti umuntu yuyo akwenda muchisi atakumanya kuko akubuka.

Yohani 13:17

Pakuti ilelo muzimenye zinizi, mwe basayiwa nanti mukuzibomba.

Yohani 5:39

Mukumanyila akiza Amasimbo pakuti mukwinong'ona ukuti momumo mukwiza pakubwaghamo ubumi ubwa bwila na bwila. Po Amasimbo ghanagha gho ghagho ghakunsimikizya.

Imbombo 17:11

Mulamula abantu bakaba nu moyo uwakulonda pakumanyila ukuchila abantu aba mu Tesalonika. Bakapokela amazya agha Chala nu buhobosu, po isiku ni siku bakamanyila mu Masimbo ukuti basimikizye nanti zizyo u Pabuli akanenagha zikaba zyanaloli.

Aba Loma 4:12

Sona we munyenya uwa bantu babo basilimuliwe, kokuti kute ko ku bene babo basilimuliwe umubili, loli sona na bantu bosi babo bakukonka munyayo izya lwitiko ulwa munyenya witu u Abulahamu, bo atasilimuliwe.

Ukukumbusya Amalamulo 32:7

Mughakumbuke amasiku aghakale nkani, mwinong'one nizya nkulilo izyakale nkani. Mubalalusye abapapi binyu, bakwiza pakubabuzya. Mubalalusye abaghosi, bakwiza pakubalingannya.

Aba Kolosi 2:6

Pakuti mwamwitika Kilisitu u Yesu pakuba we Mwene, po mwendelele pakwikala mukumamatilana poka nawe.

Aba Hebeli 11:2

U Chala akahoboka nkani na banyenya bitu pachifukwa icha lwitiko lwabo.

Aba Hebeli 6:12

Tutakulonda ukuti mubanje bakata, loli mweghelelaye abantu babo bakupyana vivyo u Chala akalayizya pachifukwa icha lwitiko nu bufisalyoyo.

Abalongi 2:17

Loli pope bulo batakabateghelezya abalongozi bala, umwakuti bakabiputa nukubachindika abachala abanji. Bakapulumpa izila yiyo abanyenya babo bakendamo, babo bakaghakonkagha amalamulo agha Mwene.