Yelemiya 6:15 - IBAYIBOLO 2024

¹⁵ Nkimba bate ni soni pakubomba ivinyazu vinivi? Awe, bate ni soni nazimozimo sona batakuwisya ivyeni vyabo pasi. Pakuti bakwiza pakuwila poka na bamwabo babo bakawa kale. Bakwiza pakuwila zila bo nkubafunda. Ane ne Mwene nanena.”

Yelemiya 6:15 Iomraidhean Croise

Ubwandilo 19:34

Indabi yache umwana usongo yula akamubuzya umuzuna wache akati, “Pabusiku naghonite nu tata. Zagha tumung'wesye sona uvinyo ukuti akolwe ukuti nawe ughone nawe. Pakubomba bunubu uluko lwitu lutakwiza pakuzimila.”

Ukufuma 32:34

Losi ulu bukagha pakubalongozezya abantu kubuzilo bubo nkakubuzya. Ukumbuke ukuti uwantumi wane akwiza pakubalongolela. Loli isiku likwiza lilyo nkwiza pakubafunda abantu banaba pachifukwa icha mbibi zyabo.”

Ivyili 29:1

Umuntu yuyo akuba nu moyo umukafu bo achemeliwa akinji bulo, naloli lubilolubilo akunanganika umwakusita kupola.

Yesaya 10:4

Chitalipo nachimo chicho chikwiza pakusyala, loli mukwiza pakulemiwa nukubuka, namwe mubuzya pamo pakughoghiwa. Pa zyosi zinizi, ubukali bwache butakutozoka, inyobe yache yichili yigholokite bulo.

Yesaya 3:9

Akabonekele aka vyeni vyabo kakubasusya, bakananga pabuzelu ngati mumo bakabombela abantu aba mu Sodomu, batakafisa nachimo. Chighune kukwabo! Bipalaghulila intamyo.

Yelemiya 14:15

Polelo, u Mwene akunena nizya balaghuzi akuti: Abalaghuzi babo bakulaghulila mwitabwa lyane intabatumite awe. Bakubabuzya bakuti, ‘Mutakwiza pakufwa kubwite awe, pamo nizala muchisu ichi.’ Loli abalaghuzi banaba bo babo bakwiza pakughoghiwa nu bwite pamo nizala.

Yelemiya 18:23

Loli awe we Mwene, uzimenye zyosi zizyo bakubatika ukuti bangoghe. Utakabahobokelaye inongwa zyabo, pamo pakuzimya imbibi zyabo. Ubanangannye pamaso ghako, sona mubukalale bwako ubafunde.”

Yelemiya 23:12

“Polelo izila zyabo zizyo bakwendamo zikwiza pakuba zya butyelele, bakwiza pakuchimbiziwa ku chisi, sona bakwiza pakuwila kulakula. Nkwiza pakubizila nintamyo, sona akabalilo aka lufundo kakwiza. Ane ne Mwene nanena.

Yelemiya 3:3

Pachifukwa chinichi ivula iya chisiku yakaniziwa, sona yope ivula iya lupepo yitatimite, loli pope bulo ukuboneka ngati we malaya, sona ute ni soni nazimozimo pazizyo wabomba.

Yelemiya 44:10

Loli mupaka nilelo mulekite pakwiyisya mwebene. Mulekite pakunchindika sona mutakuzikonka indaghilo zizyo nkabapa amwe poka na banyenya binyu.”

Yelemiya 5:29

Nkimba ningaleka pakubafunda pa vintu vinivi? Nkimba ningaleka bulibuli pakulutanizya uluko ngati lunulu?” U Mwene anena.

Yelemiya 5:9

Ane ne Mwene nanena. “Nkimba intangabafunda pachifukwa icha zinizi? Nkimba intangalutanizya uluko ngati lunulu?

Yelemiya 8:12

Nkimba bate ni soni pakubomba ivinyazu vinivi? Awe, bate ni soni nazimozimo sona batakuwisya ivyeni vyabo pasi. Pakuti bakwiza pakuwila poka na bamwabo babo bakawa kale. Bakwiza pakuwila zila bo nabafunda. Ane ne Mwene nanena.’

Yelemiya 8:9

Abamahala bakwiza pakukoziwa isoni, amahala ghakwiza pakubamalila sona bakwiza pakulemiwa. Pakuti balikana izyu ilya Mwene, nkimba bali na mahala ghoni?

Ezekiyeli 13:14

Nkwiza pakulimongola ilinga lilyo mwalisingula nibanya sona likwiza pakumongoka mupaka pa lwalo lwache umwakuti lube pabuzelu. Nanti lwamongoka, namwe bulo mukwiza pakunanganikila mulamula, sona mukwiza pakumanya ukuti ane ne Mwene.

Ezekiyeli 2:4

Abantu babo nkukutumako bamadinko sona ba moyo amakafu. Ubabuzye uti, ‘Izi zyo zyizyo u Mwene Uwamaka Ghosi anena.’

Ezekiyeli 24:7

“ ‘Pakuti ibanda lilyo akakupula lili pakasi papache. Akalikupulila pilyalabwe, atakalikupulila pitope, papo ulufumbi lungalifukila.

Hoseya 4:5

Mukwipunula pamusanya na pabusiku bulo, abalaghuzi bope bakwipunula poka namwe. Po nkwiza pakumughogha unyoko.

Hoseya 9:7

Amasiku aghakufundiliwa ghafikila, ghope amasiku agha muvwalo ghafikila. Aba Izilayeli bazimanye zinizi. Pachifukwa ichakuti imbibi zyinyu nyinji nkani, sona lope ulubengo lwinyu lukulu, po mukuti umulaghuzi mupunganu, wepe umuntu yuyo akulongoziwa nu muzimu apenite.

Mika 3:6

Polelo ubusiku bukwiza pakubizila mutakwiza pakwennya ivisetuka, sona ichisi chabawila, mutakwennya ivyamuntazi. Izuba likwiza pakubinjilila abalaghuzi, sona umusanya ghukwiza pakubabela chisi.

Mika 7:4

Umuntu umwiza nkani mumwabo ali ngati we ntolovu, umugholosu nkani ukuchilapo mumwabo ali ngati lupaso ulwa mivwa. Isiku ilyakufundiwa abalindilili bako lyafika lilyo u Chala akubendela. Ilelo kanaka ko kabalilo akakuvulungana.

Zefaniya 2:1

Wee luko, lulo lute ni soni bungana poka, bungana poka,

Zefaniya 3:5

U Mwene umugholosu ali mukaya, atakunangapo nakamokamo. Indabindabi ni ndabindabi akuvumbula ubwanaloli bwache, sona kubuche bosi atakupotwapo, loli babo te bagholosu bate ni soni.

Zekaliya 13:4

“Pisiku linilyo, umulaghuzi wesi akwiza pakukoziwa isoni pachifukwa icha chisetuka ichabulaghuzi bwache chicho akachennya. Atakwiza pakuvwala sona inkazo iya meya iya balaghuzi umwakuti abazimbulaye abantu.

Matayi 15:14

Baleke bene bulo, abafwamaso banaba, abalongozi aba bafwamaso. Nanti umufwamaso akulongozya umufwamaso uwamwabo, bosi babili bakuwila muchiliba.”

Aba Filipi 3:19

Ubumalilo ubwa bantu banaba, ko kuzimila, pakuti u chala wabo zyo nyanda zyabo. Bakwituvikizya ni vintu vivyo babaghiye pakukoziwa navyo isoni. Amoyo ghabo ghali pavintu ivya muchisu ichapasi.