Yelemiya 51:6 - IBAYIBOLO 2024

⁶ “Chimbilamo mu Babiloni! Bupoke ubumi bwinyu. Mutakaghoghiwe pachifukwa icha mbibi izya ba Babiloni. Pakuti aka ko kabalilo kako u Mwene akutanizizya, akwiza pakubatanizya zizyo zibabaghiye.

Yelemiya 51:6 Iomraidhean Croise

Masalimo 94:1

Wee Mwene, awe we Chala uwalutanizyo. Wee Chala, uwalutanizyo ilanjizya!

Ivyili 13:20

Umuntu yuyo akwenda nu muntu uwamahala, wepe akubanga wamahala, loli yuyo amanyanite nu mupunganu akwiza pakunangika.

Yesaya 48:20

Fumamo muchisu icha Babiloni, nukubachimbila aba Babiloni, muzifumusye zinizi nukukolomoka ukwa lusekelo, sona muzilumbililaye ukuti, “U Mwene amutabula umubombi wache u Izilayeli!”

Yesaya 63:4

Pakuti isiku ilya kutanizizya, likaba mumoyo wane, sona u mwaka uwabutabuli wafika.

Yelemiya 25:14

Bakwiza pakuba bazya aba bantu aba inko inyinji poka na bamwene abamanyikwe. Nkwiza pakubatanizya ukuyana ni mbombo zyabo zizyo bakabomba ni nyobe zyabo.”

Yelemiya 25:16

Bo bang'wela bakwiza pakutantalila nukupena pachifukwa icha bwite bubo nkwiza pakutuma pakasi papabo.”

Yelemiya 27:7

Inko zyosi zikwiza pakumubombela yuyo nu mwana wache sona nu mwizukulu wache mupaka akabalilo kafikile kako ichisu chache chikwiza pakulaghiliwa ninko inyinji. Po abantu aba inko inyinji na bamwene abamaka bakwiza pakumupela pakuba muzya wabo.

Yelemiya 46:10

Loli isiku lila ilya Mwene Uwamaka Ghosi, isiku ilya kutanizya, akubatanizya abalwani bache. U panga wache akwiza pakubanangannya, nukung'wela ibanda mupaka ikute. Pakuti u Mwene Uwamaka Ghosi akwiza pakubika ichakwiyipa, muchisu icha kumitu papipi nu lusoko ulwa Yufuleti.

Yelemiya 48:6

Chimbila! Bupoke ubumi bwinyu, mube ngati vyo vinyamana ivya munkolongo.

Yelemiya 50:15

Mukolomokele imbazu zyosi! ‘Imika inyobe nukulamba, ichitembe chache chawa, ivibumba vyache vyamongonkana.’ Pakuti uku ko kutanizya ukwa Mwene, mubatanizye bope bulo, mubabombele zizyo bakababombela abanji.

Yelemiya 50:28

Teghelezya! Abantu babo bakachimbila ubwite ku Babiloni, bali pakufumusya mukaya aka Ziyoni, nizya mumo u Mwene u Chala witu akutanizizya pachifukwa icha Nyumba yache.

Yelemiya 50:31

U Mwene Uwamaka Ghosi akuti, “Ennya, nkwiza pakulwa nawe, wee muntu uwa madinko awe, pakuti isiku lyako lyafikila, akabalilo akakuti ufundiwe kakwana.

Yelemiya 50:8

“Chimbilamo muchisu icha mu Babiloni! Epemo mubantu aba mu Babiloni, Sona mubanje ngati we sabwe yuyo akughulongozya umudimo.

Yelemiya 51:11

“Pyasya utulasilo, senda ingulu zyinyu! U Mwene abasonjelezya abamwene aba mu Mediya, pakuti inyinong'ono zyache zyakuti amunangannye u Babiloni. U Mwene akwiza pakutanizya, pachifukwa ichakuyinangannya Inyumba yache.

Yelemiya 51:36

Polelo u Mwene akuti, “Nkwiza pakukulwila ubwite, nukukutanizya. Nkwiza pakupwezya inyanja izya Babiloni, sona nkwiza pakupwezya imbwibwi zyache.

Yelemiya 51:45

“Mwee bantu bane, epamo mu Babiloni, bupoke ubumi bwinyu! Buchimbile ubukali ubwakoghofya ubwa Mwene.

Yelemiya 51:50

U Mwene akubabuzya abantu bache mu Babiloni akuti, “Amwe mwe mwapona kubwite, mubukaye, sona mutakazyelaye! Mumukumbukaye u Mwene napapo muli kuchisu icha kubutali sona mukinong'onaye akaya akakulu nkani aka Yelusalemu.

Yelemiya 51:56

Abakumunangannya u Babiloni bafika, abasilikali bache balemiwa sona ubwele bwabo bwapyoliwa. Pakuti ane ne Chala yuyo akutanizya imbibi pa mbibi, naloliloli nkwiza pakubatanizya imbibi pa mbibi,

Yelemiya 51:9

“Abazya bakuti, ‘Ngali twamupozya u Babiloni, loli atangapola. Zagha tumuleke, sona umuntu wesi abukaye kuchisu ichache ni chache, pakuti ulufundo lwache lwafika kumwanya, lukwelite nakumabingu bulo.

Nkuto 3:64

“Wee Mwene ubatanizyanje zizyo zibabaghiye, sona ukuyana na zizyo babomba ni nyobe zyabo.

Ukubelengiwa 16:26

U Mozesi akachibuzya ichilundilo chila akati, “Muvitantame ivisakasa ivya bantu ababibi banaba, sona mutakachipalamasyanje nachimo ichintu ichinyazu icha bantu banaba lumo mungazimila poka nabo pachifukwa icha mbibi zyabo.”

Ukukumbusya Amalamulo 32:25

Abantu bakwiza pakufwa nubwite mumisebo, sona bakwiza pakufwa nubogha munyumba zyabo. Abalumendo na balindu bakwiza pakufwa, bope ababonda na baghosi bakwiza pakufwa.

Ukukumbusya Amalamulo 32:41

Bo napyasya upanga wane, sona bo namulema munyobe zyane ukuti imbafunde, nkwiza pakubatanizya abalwani bane, sona na bantu babo bambengite.

Ukukumbusya Amalamulo 32:43

Sekela, mwee inko zyache zyosi. U Mwene akwiza pakubatanizya abantu, babo bakubaghogha ababombi bache. Akwiza pakubatanizya abalwani bache, nukubahobokela imbibi abantu bache.

1 Timoti 5:22

Utakachimbililaye pakubika inyobe pa muntu, sona utakasendayepo ichigaba chimo pambibi izya bantu abanji. Wisungilile akiza wemwene.

Ubuvumbuli 16:19

Akaya akakulu nkani aka Babiloni kakagabinkana patatu, sona nutwaya utukulu nkani utwa vyisu vyosi tukamongoliwa. U Chala akamung'wesya u Babiloni umukulu nkani yula uvinyo uwa mulubako lwache, lulo lukizula nu bukali bwache ubukulu.