Yelemiya 51:5 - IBAYIBOLO 2024

⁵ Ichisu icha Izilayeli nicha Yuda vitalekiwe, nu Chala wabo, u Mwene Uwamaka Ghosi, napapo ichisu chabo chizuye nukunanga, pamaso pa Muzelu uwa Izilayeli.

Yelemiya 51:5 Iomraidhean Croise

1 Abamwene 6:13

Nkwiza pakwikala pakasi pabantu aba Izilayeli, sona ntakwiza pakubakana nalumolumo.”

2 Abamwene 21:16

Ukonjelezya pazinizi u Manase akabaghogha abantu abasita nongwa umwakuti ibanda lyabo likizula mumisebo iya mu Yelusalemu mosi okonjelezya pa mbibi yiyo akabomba pakubapela aba Yuda ukuti bope banangaye pamaso pa Mwene.

Ezila 9:9

Wee Chala witu, napapo twe bazya, awe utakatukana bo tuli mumayimba. Ukatupelela ichisa pamaso pa mwene uwamu Peleziya, po utupiye ubumi ubupya ukuti tuzenge sona Inyumba yako nukuviyannya sona ivisami vyache sona watuvighilila muchisu icha Yuda na mu Yelusalemu.

Masalimo 94:14

Pakuti u Mwene atakubakana nalumolumo abantu bache. Eee atakuchisula nalumolumo ichilingo chache.

Yesaya 44:21

U Mwene akuti, “Wee Yakobo, kumbuka ivintu ivi, wee Izilayeli kumbuka, ukuti we mubombi wane. Nkakupela pakuba we mubombi wane, intenkakuluvye nalumolumo.

Yesaya 51:15

Pakuti ne Mwene u Chala winyu, yuyo akuyivundula inyanja, ukuti amayigha ghache ghapomaye, itabwa lyache we Mwene Uwamaka Ghosi.

Yesaya 62:12

Bakwiza pakwitiziwanga ukuti, “Abantu Abazelu aba Chala.” Abantu babo u Mwene abatabuye. U Yelusalemu akwiza pakwitiziwanga ukuti, “Akaya akakulu nkani kako u Chala akaghanite, akaya akakulu nkani kako u Chala atakalekite.”

Yelemiya 14:19

Abantu bakuti, “Nkimba wabakanila zila abantu aba muchisu icha Yuda? Nkimba ukubasamula abantu aba mu Ziyoni? Fwandi choni chicho watuvulazya umwakuti tukupotwa nukupola? Twaghulindililagha umutende loli butalipo nu bwiza nabumobumo. Twalondagha pakupola loli bogha bwene.

Yelemiya 14:9

Nkimba choni chicho uli ngati muntu yuyo achenuziwa bulo, ngati musilikali yuyo ate namaka pakubapoka abantu? Loli pope bulo awe we Mwene uli pakasi papitu, sona tukwitiziwa nitabwa lyako, utakatuleke twebene!”

Yelemiya 16:18

Nkwiza pakubanyosezya ulufundo kabili pachifukwa icha mbibi zyabo, pachifukwa ichakuti bachinyazya ichisu chane na bachala abanji abafwe sona bachizuzya ichilingo chane ni vifwani ivyamwiko.”

Yelemiya 19:4

Nkwiza pakuchibomba ichi pachifukwa ichakuti abantu bandeka, sona babunyazya ubuzilo ubu pakubika ivyakwiyipa ku bachala babo abayeni, babo abene pamo abanyenya babo batabamenye nalumolumo, pamo abamwene aba muchisu icha Yuda. Babwizuzya ubuzilo bunubu nibanda ilya bantu babo bate ninongwa nayimoyimo.

Yelemiya 23:15

Polelo, pakunena nizya balaghuzi banaba, u Mwene Uwamaka Ghosi akuti, “Nkwiza pakubalyesya ivyakulya ivibabe, sona bakwiza pakung'wela amizi agha bwanga, pachifukwa ichakuti ukwendela mu balaghuzi aba mu Yelusalemu imbeyu imbibi yapesiwa muchisu chosi.”

Yelemiya 31:37

U Mwene akuti, “Nanti angaghiwa umuntu uwakupima kumwanya, nukuchitendela ichisu ichapasi, po ane nkwiza pakubakana abaluko bosi aba mu Izilayeli, pachifukwa icha vyosi vivyo babombite.”

Yelemiya 46:28

Wee Yakobo umubombi wane, utakanyilaye, pakuti indi poka namwe sona nkwiza pakubapoka. Nkwiza pakuzinangannya inko zyosi, kuko nabanyampanizizya, loli amwe ntakwiza pakubananganizizya zila. Nkwiza pakubapa amafundwe nubwanaloli, ntakwiza pakubaleka bulo ukusita pakubafunda.”

Yelemiya 50:20

Mumasiku ghalaghala sona pakabalilo kalakala, nkwiza pakulondelezya ukunanga ukwa Izilayeli, loli kutakwiza pakwaghiwa, sona zilondelezye imbibi izya Yuda, loli zitakwiza pakwaghiwa, pakuti nkwiza pakubahobokela abakusyalako bala. Ane ne Mwene nanena.”

Yelemiya 51:19

U Chala uwa Yakobo atayanite nabo, pakuti we mupeli uwa vintu vyosi, Aba Izilayeli bantu bache babo akabasala, itabwa lyache we Mwene Uwamaka Ghosi.

Ezekiyeli 8:17

U Chala akandalusya akati, “Wee mwana uwa muntu, nkimba wazyennya zinizi? Nkimba chintu chipepe nkani kuba Yuda pakubomba ivintu ivyamwiko vivyo bakubomba pano? Nkimba bizuzye ni vyongo ichisu nukwendelela pakunkalalizya? Bennye, napapo bakakolomoka nkani loli ntakabateghelezya!

Ezekiyeli 9:9

Akanyamula akati, “Imbibi izya aba Izilayeli sona nizya Yuda nkulu nkani, ichisu chizuye nukukupula ibanda sona mutwaya mute ubwanaloli nabumobumo. Bakuti, ‘U Mwene achileka chene ichisu sona atakwennya.’

Hoseya 1:10

“Loli ubwinji ubwa ba Izilayeli bukwiza pakuba ngati musesenga uwa mulubazu ulwa nyanja, ghugho ghutangapimiwa pamo ukubelengiwa. Pabuzilo bubo bakaneniwa ukuti, ‘Amwe te mwe bantu bane,’ bakwiza pakwitiziwa ukuti ‘Bana aba Chala umumi.’

Hoseya 2:1

“Po ubabuzye abawamwinyu ukuti, ‘Mwe bantu bane, sona ubabuzye abayemba bako ukuti indi nichililizi namwe.’ ”

Hoseya 2:3

Lumo ningamuvula amenda, nukumuleka bwazi ngati po pisiku ilya kupapiwa kwache. Nkwiza pakumupela pakuba ngati yo nkolongo, pakuba ngati cho chisu ichumizu, sona nkwiza pakumughogha ni nyota.

Hoseya 4:1

Mwe ba Izilayeli, teghelezya amazyu agha Mwene, pakuti u Mwene abapiye inongwa amwe mwe mukwikala muchisu chinichi. Inongwa yache yo iyi, “Muchisu mutalimo nabumobumo ubusubiliwa pamo ulughano, sona abantu batakubikilako amahala nizya Chala.

Hoseya 4:2

Muli bulo inguno nu bumyasi nukughoghana, nu bwiba, sona nu bwamalaya. Ukubomba imbibi kwafika pabwenecho, sona abantu bakughoghana kabilikabili.

Mika 7:18

Nkimba we Chala wenu yuyo ayanite nawe, yuyo akuhobokela imbibi sona nukunanga ukwa bantu abakusyalako pakuba mpyana yache? Utakukalala bwila na bwila, loli akuhoboka nkani pakubapelela ichisa.

Mika 7:20

Ukwiza pakuba musubiliwa kwa Yakobo, nukuba wachisa kwa Abulahamu, ngati mumo ukalapila ichilapo na banyenya bitu mumasiku aghakale.

Zekaliya 12:6

“Pisiku lilalila nkwiza pakubapela abalongozi aba mu Yuda pakuba ngati moto mumusitu, sona ngati nkose izya ngano inyumizu. Zikwiza pakuzilungulizya inko zyosi zizyo zibazyunguliye kundilo na kumongo, loli u Yelusalemu akwiza pakwikala mubuzilo bwache.

Zekaliya 12:8

Pisiku lilalila ane ne Mwene nkwiza pakubavighilila abantu aba mu Yelusalemu, umwakuti abadedebazu nkani pakasi papabo bakwiza pakuba ngati we Devedi, sona abamunyumba iya Devedi bakwiza pakuba ngati we Chala, sona ngati Wantumi uwa Mwene, babo bakubuka pamaso papabo.

Zekaliya 2:12

Abantu aba mu Yuda bakwiza pakuba mpyana iya Mwene muchisu ichizelu, po akaya aka Yelusalemu kakwiza pakuba kaya kache akapamoyo.

1 Samuweli 12:22

U Mwene atakwiza pakubakana abantu bache, ukuti lumo itabwa lyache ikulu lingasamuliwa, pakuti chikamuhobosya u Mwene pakubapela amwe ukuti mubanje mwe bache na bache.