Yelemiya 51:11 - IBAYIBOLO 2024

¹¹ “Pyasya utulasilo, senda ingulu zyinyu! U Mwene abasonjelezya abamwene aba mu Mediya, pakuti inyinong'ono zyache zyakuti amunangannye u Babiloni. U Mwene akwiza pakutanizya, pachifukwa ichakuyinangannya Inyumba yache.

Yelemiya 51:11 Iomraidhean Croise

1 Abamwene 11:14

Po u Mwene akamupela u Hadadi umu Edomu pakuba mulwani uwa Solomoni. U Hadadi akaba wa munyumba iya bumwene.

1 Abamwene 11:23

Po u Chala akamupela sona u Lezoni umwana uwa Eliyada, yuyo akamuchimbila u mwene wache, u mwene u Hadadezeli uwamu Zoba pakuba mulwani uwa Solomoni.

1 Imbili 5:26

Po u Chala uwa Izilayeli akaghuvundula umoyo uwa mwene u Pulu uwa Asiliya, kokuti we Tigilati Pileseli. Akabasenda aba Lubeni naba Gadi sona nu hafu uwa luko ulwa Manase nukubuka nabo pakuba bazya ku Hala naku Haboli naku Hala sona na kulusoko ulwa Gozani, kuko bakwikala mupaka nilelo bulo.

2 Imbili 36:22

Mumwaka uwakwanda bo u mwene u Sayilasi uwamu Peleziya akulaghila, u Mwene akakwanilisya zizyo akamubuzya umulaghuzi u Yelemiya pakunyamusya umoyo uwa Sayilasi ukuti asimbe indaghilo nukuzifumusya mubumwene bwache bosi izyakuti:

Ezila 1:1

Mumwaka uwakwanda bo u mwene u Sayilasi uwamu Peleziya akulaghila, u Mwene akakwanilisya zizyo akamubuzya umulaghuzi u Yelemiya pakunyamusya umoyo uwa Sayilasi ukuti asimbe indaghilo nukuzifumusya mubumwene bwache bosi izyakuti:

Yesaya 10:26

U Mwene Uwamaka Ghosi akwiza pakubasyempa ni ndisa, ngati mumo akabombela naba Midiyani pibwe ilya Olebu, sona akwiza pakunyamusya indisa yache pamwanya pamizi, ngati mumo akabombela mu Ijiputi.

Yesaya 21:2

Ichisetuka ichakoghofya chikulanjiziwa kukwane, uwakunangannya akunangannya bulo, wepe uwakufyula akafyulagha. Wee Elamu lwanga ubwite! Mwee bantu bamu Mediya, mubazyungulile nu bwite abantu aba mu Babiloni! Nkwiza pakumazya amayimba ghagho bakaghapela.

Yesaya 21:5

Bakayannya patebulo nukutengapo amenda, bakulya nukung'wela! Nyamuka mwe basongo aba basilikali ababwite, muzipake ingulu zyinyu namafuta!

Yesaya 41:25

“Nkamunyamusya weka kuchisu ichakumitu, po akiza, weka kubufumilo bwizuba yuyo akwiputa itabwa lyane. Akubakanyankila pasi abalongozi ngati litope, ngati mumo umumata isonta akubombela.

Yesaya 45:1

U Mwene akanena kwa Sayilasi umupakiwa wache, yuyo akumulema ninyobe yache indilo, ukuti azipote inko pantazi pache, nukubafyula abamwene ubumwene bwabo, nukwighula imilyango pantazi pache, umwakuti imilyango yitakighaliwe sona:

Yesaya 45:5

“Ane ne Mwene atalipo uyunji, palubazu lwane atalipo u Chala uyunji. Nkwiza pakubapa amaka, napapo utamenye ane,

Yesaya 46:11

Nkwitizya amazwanga kubufumilo bwizuba, kokuti umuntu uwakufuma kuchisu icha kubutali, yuyo akwiza pakukwanilisya, zizyo nkulonda pakubomba. Zizyo nanena nkwiza pakuzikwanilisya, zizyo nalonda ukubomba, nkwiza pakuzibomba.

Yelemiya 25:25

ku bamwene bosi aba mu Zimuli naba mu Elamu naba mu Mediya,

Yelemiya 46:3

“Senda ingulu zyinyu inkulu ni nandi, bukagha pakulwa ubwite!

Yelemiya 46:4

Bikapo ivyakwikalila pafalasi nukukwelapo! Mwime mumizele bo muvwete ivisote! Pyasya impalala zyinyu, nukuvwala ichakuvwala chinyu icha chela!

Yelemiya 46:9

Wee falasi, chimbilila muntazi! Mwee ngolo, chimbilila muntazi! Mwee bantu ababwite aba mu Etiyopiya, naba mu Puti mwe munyamuye ingulu, mwee bantu aba mu Lidiya abafundi aba bwele.

Yelemiya 50:25

U Mwene ighula inyumba iyakusungilamo ivilwilo, sona avyefyamo nubukali bwache. Pakuti u Mwene Uwamaka Ghosi ali ni mbombo, iyakuti abombe muchisu icha Babiloni.

Yelemiya 50:3

Uluko ulwa kumitu lukwiza pakulwa nawe ubwite nukuchipela ichisu chila pakuba chisami. Atakwiza pakubapo nayumoyumo umuntu uwakwikala mulamula. Abantu ni vinyamana bakwiza pakuchimbilamo.”

Yelemiya 50:45

Polelo, ivwa zizyo u Mwene ababatikiye pakumubombela u Babiloni nabantu bache. Utwana utwa ing'ozi ni mbuzi tukwiza pakusendiwa, sona akwiza pakunangannya apakudimapo pachifukwa icha babo.

Yelemiya 50:9

Pakuti nkwiza pakunyamusya ichilundilo icha inko izyamaka izya kumitu. Bakwiza pakubamba ukuti balwe ubwite ni chisu icha Babiloni nukuchifyula. Utulasilo twabo tukwiza pakuba ngati basilikali, babo bamenye pakulwa ubwite, sona batakubwela nyobe zyene.

Yelemiya 51:12

Kwezya indembela zyinyu, nukughanangannya amalinga agha Babiloni! Mubikepo abalindilili, muyannye abasilikali! U Mwene akwiza pakukwanilisya, chicho akabatika nizya bantu aba mu Babiloni.

Yelemiya 51:24

U Mwene akuti, “Pamaso papako, nkwiza pakumutanizya u Babiloni na bantu babo bakwikala mulamula, pachifukwa icha kunanga kwabo kuko bakabomba mu Ziyoni. Ane ne Mwene nanena.

Yelemiya 51:35

Abantu aba mu Ziyoni bakuti, “Ivyongo vivyo vikabombiwa pakasi papitu, vibanje paba Babiloni.” Abantu aba mu Yelusalemu bakuti, “Leka ibanda lyitu libanje pabantu babo bakwikala mu Babiloni.”

Yelemiya 51:36

Polelo u Mwene akuti, “Nkwiza pakukulwila ubwite, nukukutanizya. Nkwiza pakupwezya inyanja izya Babiloni, sona nkwiza pakupwezya imbwibwi zyache.

Daniyeli 5:30

Ubusiku bulabula u mwene u Belishazala uwamu Babiloni akaghoghiwa,

Yoweli 3:10

Syana amajembe ghinyu pakuba wepanga, zyope isengo zyinyu pakuba zyo mpalala. Abadedebazu banenaye ukuti, ‘Najimba u moyo!’

Yoweli 3:9

“Fumusya zinizi pakasi pa inko: Iyannya pakulwa ubwite! Bavundumusye pakulwa ubwite! Abantu bosi abakulwa ubwite bize papipi pakulwa.

Aba Levi 26:25

Nkwiza pakubatumila ubwite pachifukwa ichakuti mukalunangannya ulufingo lulo nkafingana namwe. Nanti mukuchimbilila mutwaya twinyu utukulu nkani ukuti muponelemo, nkwiza pakubatumila iviwaya, sona abalwani binyu bakwiza pakubapota.

Zekaliya 14:12

Ichi cho chiwaya chicho u Mwene akwiza pakuzifunda nacho inko zyosi, zizyo zikalwa ubwite nu Yelusalemu: Amabili ghabo ghakwiza pakubola bo bimiliye, amaso ghabo ghakwiza pakubola, sona zyope indimi zyabo zikwiza pakubola mumalomo ghabo.

Zekaliya 14:2

Nkwiza pakuzibungannya inko zyosi umwakuti zilwe ubwite nu Yelusalemu. Akaya akakulu nkani kakwiza pakulemiwa sona inyumba zikwiza pakufyuliwa, bope abakolo bakwiza pakulemiwa pamaka. Abantu bamo abanandi bulo bakwiza pakuba bazya, loli abantu abanji bosi batakwiza pakubefyamo mukaya akakulu nkani.