Yelemiya 50:4 - IBAYIBOLO 2024

⁴ U Mwene akuti, “Mumasiku ghalaghala sona pakabalilo kalakala, abantu aba mu Izilayeli poka naba mu Yuda bakwiza pakulilagha bo bakumulondelezya u Mwene u Chala wabo.

Yelemiya 50:4 Iomraidhean Croise

2 Imbili 7:14

po nanti abantu bane babo bakwitiziwa ni tabwa lyane, biyisya bene nukwiputa pakubomba vivyo vikunhobosya sona nanti bakuzileka imbibi zyabo, ane nkwiza pakubivwa kumwanya nukubahobokela imbibi zyabo sona nkwiza pakuchipoka ichisu chabo.

Masalimo 105:4

Mumulondaye u Mwene namaka ghache, sona mubanje pamaso papache akabalilo kosi.

Yesaya 14:1

U Mwene akwiza pakuba ni chililizi na bamunyumba iya Izilayeli, akwiza pakumusala sona nukumwikazya muchisu ichabo ni chabo. Abayeni bakwiza pakuba poka nabo munyumba yache.

Yesaya 45:19

Intakanenela kubusyefu, pamo pabuzilo bumo muchisu icha chisi. Intakababuzya abaluko ulwa Yakobo ukuti, “Mundondaye po pate imbombo nayimoyimo.” Ane ne Mwene, nkunena ubwanaloli, nukuzifumusya zizyo ngolosu.

Yesaya 55:6

Mulondelezye u Mwene pakabalilo kako angaghiwa, mumwitizye bo ali papipi.

Yesaya 63:4

Pakuti isiku ilya kutanizizya, likaba mumoyo wane, sona u mwaka uwabutabuli wafika.

Yelemiya 31:31

U Mwene akuti, “Akabalilo kakwiza kako nkwiza pakufingana nabo ulufingo ulupya, aba Izilayeli, sona na baluko ulwa Yuda.

Yelemiya 33:15

Mumasiku ghalaghala, sona na pakabalilo kalakala, nkwiza pakumumezekezya u Devedi ulusamba ulugholosu, akwiza pakubomba zizyo nyiza sona ngolosu muchisu.

Yelemiya 41:6

U Ishimayeli umwana uwa Netaniya akafuma ku Mizipa ukuti akomane nabo, akafwifwitilagha bo akubuka. Bo akomana nabo, akababuzya akati, “Zagha kwa Gedaliya umwana uwa Ahikamu.”

Ezekiyeli 16:61

Po ukwiza pakukumbuka izila zyako nukukoziwa isoni pakubapokela abawamwinyu bako, bosi babo bo basongo kukwako sona babo banandi kukwako. Nkwiza pakukupa pakuba bana bako abalindu, loli chite chifukwa icha lufingo lwane, lulo nkafingana nawe.

Ezekiyeli 39:25

“Polelo u Mwene Uwamaka Ghosi akuti: Nkwiza pakumunyosezya ubwiza u Yakobo sona nkwiza pakuba ni chililizi pabantu bosi aba mu Izilayeli, nkwiza pakuba nubuzuba nitabwa lyane izelu.

Hoseya 1:11

Abantu aba mu Yuda, naba mu Izilayeli bakwiza pakuba poka. Bakwiza pakusala umulongozi weka, sona ivintu vikwiza pakubendela akiza muchisu chabo, pakuti isiku ilya Yezileli likwiza pakuba likulu nkani.

Hoseya 11:10

Abantu bane bakwiza pakumukonka u Mwene, pakuti akwiza pakubuluma ngati nkalamu, bo akubuluma, abana bache aba kubwinjililo bwizuba, bo bakwiza kukwache, bakwiza pakutetema.

Hoseya 3:5

Loli bo pachilapo akabalilo aba Izilayeli bakwiza pakunyokela nukumulondelezya u Mwene u Chala wabo, sona nu Devedi u mwene wabo. Bakwiza kwa Mwene bo bakutetema umwakuti bapokele ubwiza bwache ubwa bumalilo.

Hoseya 6:1

Abantu bakuti, “Zagha tunyokele kwa Mwene. Napapo atuzepulannya mutuvigaba, loli akwiza pakutupozya. Napapo atuvulazya, loli akwiza pakutupinya ivilonda.

Yoweli 2:12

Nilelo bulo u Mwene akuti, “Nyokela kukwane na moyo ghinyu ghosi, mutuzyanje pakulya, mulilaye, sona mufwifwitilaye.”

Zekaliya 12:10

“Po nkwiza pakubapungulila umoyo uwa chisa nuwa nyiputo pabanyumba iya Devedi sona napa bantu babo bakwikala mu Yelusalemu. Bakwiza pakumwenelezya umuntu yuyo bakamulasa, bakwiza pakumulila, ngati mumo umuntu akumulilila umwana wache mwene na mwene, sona akuba ni chitima nkani ngati mumo umuntu akubela ni chitima numwana wache ukatote.

Yakobo 4:9

Mubanje ni chitima, mulilaye sona mukolomokaye pachifukwa icha vintu ivibibi vivyo mukabomba. Ukuseka kwinyu kubanje nkuto, sona ubuhobosu bwinyu bubanje chitima.