Yelemiya 50:2 - IBAYIBOLO 2024

² “Fumusya nukulumbilila pakasi pa inko, kwezya indembela nukufumusya, utakavindepo nakamokamo, loli unene ukuti, ‘U Babiloni akwiza pakulemiwa. U chala wache u Belo akwiza pakukoziwa isoni, sona ubogha bwamulema u chala wache u Maladuka. Ivifwani vyache vyakoziwa isoni, sona bope abachala bache baba nubogha.’

Yelemiya 50:2 Iomraidhean Croise

Masalimo 64:9

Abantu bosi bakwiza pakuba nubogha, po bakwiza pakuzifumusya imbombo izya Chala, sona nukwinong'ona zizyo u Chala abomba.

Masalimo 96:3

Mufumusyanje ubuchindamu bwache pakasi pa inko, sona ni mbombo zyache izyakuswighisya pakasi pabantu bosi.

Masalimo 97:7

Bosi babo bakuvyiputa ivifwani bakoziwanje isoni, kokuti bakwituvikizya mu bachala. Mwee bachala, mwebosi mumufughamililaye.

Yesaya 12:4

Pisiku lilalila mukwiza pakwimba ukuti, “Mumupalizye u Mwene! Muzibuzye inko pazizyo abomba! Mufumusye ukuti itabwa lyache lyapamwanya!

Yesaya 13:2

Kwezya indembela pakaghamba kako kate na makwi, nukubakolomokela, mubakopezye ni nyobe, pakuba chimanyilo pakwinjila pamulyango uwa kaya aka muchizi kala.

Yesaya 21:9

Ennya, abendezya ingolo izya bwite, poka na bendezya ifalasi babilibabili. Po akamula akati, ‘Akaya aka Babiloni kawa, kawa! Ivifwani vyosi ivya bachala, vilambalaye pasi nukumenyunkana!’ ”

Yesaya 37:19

Babasumbila abachala babo mumoto nukubanangannya, pakuti batakaba bo bachala, loli bakaba bo bachala abamakwi na bamabwe, babo bakapangiwa ni nyobe izya bantu.

Yesaya 39:1

Pakabalilo kalakala u Melodaki Baladani umwana uwa mwene u Baladani uwamu Babiloni akamutumila u Hezekiya abakalata ni chabupi, pachifukwa ichakuti akivwa izya bubine bwache sona nukupola.

Yesaya 46:1

U Belo akafughamila pasi, u Nebo akawisya icheni pasi, vikwiza pakuba we katundu uwa pampunda. Ivifwani vivyo vinyamuliwe ving'wamite, we katundu pavinyamana vivyo vilitite.

Yesaya 48:20

Fumamo muchisu icha Babiloni, nukubachimbila aba Babiloni, muzifumusye zinizi nukukolomoka ukwa lusekelo, sona muzilumbililaye ukuti, “U Mwene amutabula umubombi wache u Izilayeli!”

Yesaya 48:6

Mwivuye ivintu vinivi. Vyenelezye vyosi vinivi. Nkimba awe utangavyitikizya ukuti, vivyo nkunena vyanaloli? Ukwanda pakabalilo aka mupaka muntazi nkwiza, pakufumusya ivintu ivipya, izya vintu vivyo vifisiwe kukwinyu.

Yelemiya 10:11

Mubabuzye ukuti, “Abachala aba batakapela ichisu icha kumwanya ni ichapasi, bakwiza pakuzimila pachisu chosi sona na kusi kuchisu.”

Yelemiya 10:15

Vite nimbombo nayimoyimo, pakuti imbombo yabo yabuzimbuli mpela, sona pakabalilo aka lufundo lwabo bakwiza pakuzimila.

Yelemiya 31:10

U Mwene akuti, “Mwee inko, nteghelezya. Lumbilila amazyu ku bantu muvyisu ivya mulubazu ulwa nyanja, munenaye mutinji, ‘Yuyo akabanyampannya aba Izilayeli akwiza pakubabungannya, sona akwiza pakughusungilila umudimo ngati mumo umudimi akusungilila ing'ozi zyache.’

Yelemiya 4:16

“Muzisoke inko, mufumusye mu Yelusalemu muti, ‘Abasilikali aba kuchisu icha kubutali bakwiza, pakulwa nutwaya utukulu nkani utwa Yuda.

Yelemiya 4:6

Kwezya indembela ku kaya aka Ziyoni! Chimbila lubilolubilo ukuti mupone, pakuti nkutuma intamyo izya kumitu sona nukunanganika ukukulu nkani.”

Yelemiya 46:14

“Fumusya mukaya akakulu aka Ijiputi, lumbilila mu Migidoli mu Memfisi sona na mu Tapanesi, ‘Iyannya pakwipoka, pakuti ubwite bukwiza pakubanangannya bosi babo babazyunguliye.’

Yelemiya 50:46

Ichisu ichapasi chikwiza pakutetema, pachifukwa ichakuti u Babiloni afyuliwa. Ukulila kwache kukwiza pakwivwika pakasi pa inko.

Yelemiya 51:12

Kwezya indembela zyinyu, nukughanangannya amalinga agha Babiloni! Mubikepo abalindilili, muyannye abasilikali! U Mwene akwiza pakukwanilisya, chicho akabatika nizya bantu aba mu Babiloni.

Yelemiya 51:27

“Kwezya mumwanya indembela pachisu! Lizya ipati pakasi pa inko. Muziyannye inko pakulwa nu Babiloni. Bwitizye ubumwene ukuti balwe nawe ubwite, naba mu Alalati, naba mu Mini sona naba mu Ashikenazi. Sala usongo uwa basilikali ukuti alwe nawe, tuma ifalasi inyinji ngati we kanta umwinji.

Yelemiya 51:31

Uwakuchimbila akuchimbila nukukomana nu yunji, intumi yikuchimbila nukukomana ni yinji, pakumubuzya u mwene uwamu Babiloni, ukuti akaya kache akakulu nkani kosi kafyuliwa.

Yelemiya 51:44

Nkwiza pakumufunda u Belo u chala uwa Babiloni, nukumutapizya vivyo akamila. Inko zitakwiza pakubuka kukwache sona. Ulubumba ulwa Babiloni lukwiza pakuwa.

Yelemiya 51:47

Pakuti naloli akabalilo kakwiza, kako nkwiza pakuvifunda ivifwani ivya Babiloni. Ichisu chache chosi chikwiza pakukoziwa isoni, sona abantu bache bosi babo baghoghiwe bakwiza pakuba mivimba yiyo yilambalaye mulamula.

Yelemiya 51:52

“Nkuti, ‘Akabalilo kakwiza akakuvifundila ivifwani, sona ukukoloma ukwa bantu abakuvulala, kukwiza pakwivwika muchisu chache chosi. Ane ne Mwene nanena.

Yelemiya 51:8

U Babiloni akwiza pakuwa lubilolubilo nukufwantika. Mumulililaye! Nukumulondela umulembo ukuti ububavu buleke, pamo bangapola.

Yelemiya 52:31

Mumwaka ghugho u Evili Melodaki akaba we mwene uwa Babiloni, akamupelela ichisa u mwene u Yehoyakini uwamu Yuda nukumusatula mujele. Vinivi vikabombiwa pisiku ilya 25 mumwezi uwa 12 mumwaka uwa 37 bo u Yehoyakini asendiwa pakubuka kubuzya.

Yelemiya 6:18

Mwee inko izya bantu, teghelezya, mwee bakaboni, mwenelezye zizyo zikwiza pakubawila.

Daniyeli 1:2

Po u Mwene akamubika u Yehoyakimu munyobe zyache, sona akasenda ivibombelo vimo ivya mu Nyumba iya Chala nukubuka navyo kunyumba iya bachala bache muchisu icha Babiloni, sona akavibika ivibombelo vila muvipinda ivyakusungilamo ubukabi.

Daniyeli 3:14

U Nebukadineza akabalalusya akati, “Nkimba momumo ukuti we Shadilaki nu Meshaki, sona nu Abedinego mutakubabombela abachala bane, pamo ukuchiputa ichifwani icha golide chicho nkachisimika?

Zefaniya 2:11

U Mwene akwiza pakuboghofya, bo akubanangannya abachala bosi aba chisu ichapasi. Inko zyosi zikwiza pakumwiputa, inko yosi muchisu chache.

Ubuvumbuli 18:2

Akakolomoka nizyu ilya pamwanya nkani akati, “Kamala mwee! Kamala mwee! Kamala akaya akakulu nkani aka Babiloni! Ipelite mwene pakuba buzilo ubwa mizimu imibibi. Ipelite pakuba chivulumbo icha viyuni vyosi ivinyazu pakuba buzilo ubwa vinyamana ivilwani.