Yelemiya 5:9 - IBAYIBOLO 2024

⁹ Ane ne Mwene nanena. “Nkimba intangabafunda pachifukwa icha zinizi? Nkimba intangalutanizya uluko ngati lunulu?

Yelemiya 5:9 Iomraidhean Croise

Ivyili 6:29

Po momumo zibeleye nu muntu yuyo akughonana nu muchi uwa yunji, atalipo nayumoyumo yuyo akumupalamasya umukolo yula angapona ku lufundo.

Yesaya 1:24

Polelo u Mwene Uwamaka Ghosi, Uwamaka uwa ba Izilayeli akuti, “Mwee, nkwiza pakupungulila ubukali bwane pababo bakulwana nane sona nkwiza pakubatanizya abalwani bane.

Yesaya 57:6

Mukusenda amabwe amiza agha kwikombe, nukughiputa ngati bo bachala binyu, mwavipungulila ivyakwiyipa ivya vinyo nivya busu. Nkimba mukwinong'ona ukuti nkuhoboka ni vintu vinivi?

Yelemiya 23:2

Polelo u Mwene u Chala uwa Izilayeli akubabuzya abalongozi babo bakubasungilila abantu bane akuti, “Pachifukwa ichakuti mwabanyampannya abantu bane nukubachimbizizya kubutali, sona mutakubasungilila, nkwiza pakubika ulufundo papinyu pachifukwa icha mbibi zizyo mwabomba.

Yelemiya 32:31

Abantu aba mukaya akakulu nkani ukwandila pakabalilo kako kakazengiwanga mupaka ilelo bankalalizizye nkani umwakuti nkwiza pakukefyapo pamaso ghane.

Yelemiya 44:22

Bo u Mwene akupotwa pakwilema pachifukwa icha mbombo zyinyu imbibi sona ni vintu ivinyazu vivyo mukabombagha, ichisu chinyu chikaghuniwa nukuba chisami, chicho abantu batakwikalamo nabamobamo, ngati mumo chibeleye ilelo.

Yelemiya 5:10

“Buka nukughanangannya amampesya, loli mutakaghanangannye nkani. Dumulannya isamba zyache, pakuti abantu banaba bate ba Mwene.

Yelemiya 5:29

Nkimba ningaleka pakubafunda pa vintu vinivi? Nkimba ningaleka bulibuli pakulutanizya uluko ngati lunulu?” U Mwene anena.

Yelemiya 6:11

Loli nizuye nu bukali ubwa Mwene, nalita pakwilema. U Mwene akuti, “Pungulila ubukali bunubu pa bana aba mumisebo napa balumendo babo babunganite poka, bosi umulume nu muchi wache bakwiza pakulemiwa mumo, abasongo na baghosi bulo.

Yelemiya 6:6

U Mwene Uwamaka Ghosi akuti, “Dumula amakwi nukuzenga ulubumba umwakukazyungulila u Yelusalemu. Akaya kanaka kabaghiye pakufundiwa, pakuti kakubayivya abantu.

Yelemiya 9:8

Ululimi lwabo luli ngati kalasilo akakughogha, lukunena izyabumyasi. Numulomo wache akunena nulughano ku mupalamani wache, loli mumoyo wache, akumutegha nakapingo.

Yelemiya 9:9

Nkimba ningaleka pakubafunda pa zinizi? Nkimba ntangalutanizya uluko lunulu?” Ane ne Mwene nanena.

Nkuto 3:42

“Aswe twananga sona twasambuka, po utakatuhobokele, awe.

Nkuto 4:22

Mwee bantu aba mu Yelusalemu, ulufundo lwinyu lwamala, po ubuzya bwinyu te bwendelele. Loli amwe, mwe bantu aba mu Edomu akwiza pakubafunda, pachifukwa icha mbibi zyinyu sona nukunanga kwinyu.

Ezekiyeli 7:9

Ntakwiza pakubapelela ichisa, pamo pakubaleka bulo. Nkwiza pakutanizya pachifukwa icha nkalo yinyu, sona ni mbombo zyinyu izya mwiko pakasi papinyu. Po mukwiza pakumanya ukuti, ane ne Mwene yuyo akughogha.

Hoseya 2:13

Nkwiza pakumufunda pachifukwa icha masiku agha ba Baala, ghagho akafukizya utwakununkila ku bachala bache aba Baala. Akipela mwene pakuba wakuboneka akiza, pakubombezya ugolide ni vyakwibonesekezya akiza, Akabakonka abaghaniwa bache, akanduvya ane ne Mwene.”

Hoseya 8:13

Bakubika ivyakwiyipa kukwane, nukulya inyama yila, loli u Mwene atakuhoboka navyo. Ilelo nkwiza pakubukumbuka ububibi bwabo sona nkwiza pakubafunda pachifukwa icha mbibi zyabo. Po bakwiza pakunyokela kuchisu icha Ijiputi.

Aba Levi 18:25

Chope ni chisu chikanyala nkani, umwakuti nkachifunda pachifukwa icha mbibi zyache, po ichisu chikabatapika abantu babo bakikalagha mulamula.

Aba Levi 26:25

Nkwiza pakubatumila ubwite pachifukwa ichakuti mukalunangannya ulufingo lulo nkafingana namwe. Nanti mukuchimbilila mutwaya twinyu utukulu nkani ukuti muponelemo, nkwiza pakubatumila iviwaya, sona abalwani binyu bakwiza pakubapota.

Nahumu 1:2

U Mwene wabuzuba sona we Chala uwakutanizya. U Mwene akutanizya sona izuye nu bukali. U Mwene akubatanizya abalwani bache sona mukali pa balwani bache.

Ukukumbusya Amalamulo 32:35

Ukutanizya ko kwane, ane nkwiza pakubatanizya babo kubabaghiye. Pakabalilo kache inyayo zyabo zikwiza pakutyelemuka, isiku lyabo ilya ntamyo lili papipi, sona ukunanganika kwabo kukwiza lubilolubilo.

Ukukumbusya Amalamulo 32:43

Sekela, mwee inko zyache zyosi. U Mwene akwiza pakubatanizya abantu, babo bakubaghogha ababombi bache. Akwiza pakubatanizya abalwani bache, nukubahobokela imbibi abantu bache.