Yelemiya 5:7 - IBAYIBOLO 2024

⁷ U Mwene akuti, “Nkimba choni chicho imbahobokele? Abana binyu bankanite, sona nukulapa ku bachala babo bate bo bachala. Nkabapa vyosi vivyo bakalondagha, loli pope bulo bakalowa bakatagha akabalilo munyumba izya bamalaya.

Yelemiya 5:7 Iomraidhean Croise

2 Imbili 13:9

Nkimba amwe mutakabachimbizya abaputi aba Mwene, babo bana aba Aloni naba Levi nukwiyimikila mwebene abaputi abinyu na binyu ngati mumo bakubombela abantu abanji aba muvyisu ivinji? Nanti umuntu wesi iza ni nkambaku inyana na badubi seveni pakwipaghula mwene, kokuti angaba muputi uwa vintu vivyo vite bachala.

Yobu 31:12

ngati moto uwakulungulizya. Po ngali walungulizya inyinulo yane yosi.

Masalimo 50:18

Nanti wamwennya umwiba nawe ukumanyana nawe, sona ukwenda mukabukatila aka balowe.

Yelemiya 12:16

Loli pisinda pache nanti nu moyo ghosi bangamanyila pakwenda muzila izya bantu bane, nukulapila mwitabwa lyane bo bakunena ukuti, ‘Nkulapila mwitabwa ilya Mwene Umumi,’ ukuyana namumo bakabamanyisikizya abantu bane pakulapila mwitabwa ilya Baala, po bakwiza pakwikala poka na bantu bane, sona bakwiza pakwikala mukasi mubantu bane.

Yelemiya 13:27

Nabwennya ubunyazu bwako, ubwamalaya bwako, ni chinyonywa chako! Navyennya ivyakubombiwa vyako ivinyazu, ivyakubombiwa pamaghamba sona namumaghunda. Wee Yelusalemu! Chighune kukwako. Nkimba ukwiza pakuswefiwa liyi?”

Yelemiya 16:11

Po awe ubamule uti, ‘Pachifukwa ichakuti abanyenya binyu bakandeka, po bakabakonka abachala abanji nukubabombela sona bakanda pakubiputa. Bakankana sona batakazisunga indaghilo zyane.

Yelemiya 16:20

Nkimba abantu bangipangila bene abachala ababo na babo? Awe, nanti bangapanga, kokuti batangaba bo bachala aba naloli.”

Yelemiya 2:11

Nkimba lulipo lumo uluko, lulo lwanduyepo lumo abachala babo, napapo bate boba chala? Loli pope bulo abantu bane baghulizannya u Chala wabo uwabuchindamu nabachala babo aba mwalwemwalwe.

Yelemiya 2:31

Amwe mwe bantu aba nkulilo iya ilelo, ivwa zizyo u Mwene akunena. Nkimba name ne nkolongo kwa Izilayeli pamo ichisu icha chisi ichikulu? Nkimba choni chicho abantu bane bakuti, ‘Aswe twe bantu abasatuke, tutangiza sona kukwako?’

Yelemiya 23:10

Ichisu chizuye na balowe, pachifukwa icha chighune, abantu aba muchisu bakulila, sona lyope nisote ilyakudimamo munkolongo lyumiye. Bope abalaghuzi bakukonka ububibi sona batakubombela mubugholosu.

Yelemiya 3:19

U Mwene akuti, “Wee Izilayeli, nalondagha pakukupokela, ngati we mwana wane nukukupa ichisu ichiza nkani, ichilingo ichiza nkani ichakuchila icha inko zyosi. Ninong'onagha ukuti unyitizyanje ukuti, ‘Tata,’ sona nukuti utakwiza pakuleka pakunkonka.

Yelemiya 3:8

Nkamupa u Izilayeli umusita kusubiliwa yula ukalata uwasoka. Loli pope bulo umuyemba wache u Yuda umusita kusubiliwa yula atakaba nubogha nabumobumo, wepe bulo akabuka pakulowa.

Yelemiya 7:9

“ ‘Amwe mukwiba, mukughogha, mukulowa, mukulapa, mukumochela u Baala utwakununkila sona mukubakonka abachala babo mutabamenyemo nalumolumo.

Yelemiya 9:1

Mwee, nalondagha nkani ukuti u mutu wane ghube ngati mbwibi iya mizi nukuti amaso ghane ghabe ngati chiziba icha masozi! Umwakuti ngali nalila umusanya nubusiku pachifukwa icha bantu bane babo baghoghiwe.

Yelemiya 9:2

Mwee, nalondagha nkani ngati po ningaba ni nyumba munkolongo, umwakuti imbaleke abantu bane nukubepukilamo, pakuti bosi bo bamalaya, ichilundilo icha bantu babo bate basubiliwa.

Nkuto 3:42

“Aswe twananga sona twasambuka, po utakatuhobokele, awe.

Ezekiyeli 22:11

Bamo bakubomba ivyamwiko na bachi aba bapalamani babo, balipo sona abamwabo babo bakubomba ivyankozyasoni na balasagha babo, abanji sona na bayemba babo, umwana umulindu uwa wise.

Hoseya 11:8

Wee, Izilayeli ningakuluvya bulibuli? Nkimba ningakupa bulibuli u Efulayimu? Nukukuleka we Izilayeli nkimba ningakupa bulibuli ngati we Adima? Nukukubombela ngati we Zeboyimu? U moyo wane wanduka, sona chope ichililizi chandema nkani.

Hoseya 13:6

Bo nabalyesya, bakikuta nkani. Bo bikuta bakanda pakwituvya, po bakanduvya.

Hoseya 4:2

Muli bulo inguno nu bumyasi nukughoghana, nu bwiba, sona nu bwamalaya. Ukubomba imbibi kwafika pabwenecho, sona abantu bakughoghana kabilikabili.

Hoseya 7:4

Bosi balowe, sona bakwaka ngati moto uwa muvuno, umoto wache ghugho umupiyi atangasonkelezya mupaka ichinyenya chitutumuke.

Aba Levi 20:10

“ ‘Nanti umuntu akulowa nu muchi uwa mupalamani wache, bosi babili umwanavuli nu mukolo baghoghiwanje.

Amosi 8:14

Abantu bosi babo bakulapila mwitabwa ilya Ashima ichifwani icha Samaliya, pamo bakuti, ‘Naloli nkulapila mwa chala umumi uwaku Dani,’ pamo ukuti, ‘Naloli nkulapila mwa chala umumi uwaku Belisheba’ bosi banaba bakwiza pakuwa, batakwiza pakunyamuka sona.”

Zefaniya 1:5

Nkwiza pakubanangannya babo bakukwela pavisonje ivya nyumba pakwiputa izuba nu mwezi sona ni ntondwa. Nkwiza pakubazimizya babo bakufughama pasi, nukulapila mwitabwa ilya Mwene sona pakabalilo kanako bakulapila mwitabwa ilya chala u Moleki.

Malaki 3:5

U Mwene Uwamaka Ghosi akuti, “Nkwiza pakupalamila kukwinyu umwakuti imbalongaye. Ntakwiza pakuzyelazyela pakuba ne kaboni kubamayele na bamalaya na babo bakulapa ichilapo icha bumyasi na babo bakubazimbula abambombo amalipilo ghabo, na babo bakubayivya abakolo abafwilwe na bana abalanda pamo batakubabombela ubwanaloli abayeni, pakuti abantu banaba batakunchindika.

1 Aba Kolinti 6:9

Naloli muzimenye ukuti abantu ababibi batakwiza pakupyana Ubumwene ubwa Chala. Mutakizimbulaye mwebene pakuti abamalaya, pamo abantu babo bakwiputa ivifwani, pamo abalowe, pamo abanavuli na bakolo babo bakughonana benebene,

1 Aba Kolinti 8:4

Polelo nizya vyakulya vivyo vyabikiwa ku vifwani ukuti chibanje chakwiyipa, tuzimenye ukuti ichifwani kate kantu napo panandi, sona tuzimenye ukuti atalipo u Chala uyunji, loli weka mpela.

Aba Galatiya 4:8

Pakwanda bo mutamumenye u Chala, amwe mukaba mwe bazya aba bachala, babo bate bo bachala abanaloli.

Ukukumbusya Amalamulo 32:15

Aba Izilayeli bakaba bakabi nkani, loli bakunsambukila. Bakina nkani, sona bakalya nukuvimbilwa. Pisinda pache bakamuleka u Chala wabo yuyo akabapela, nukulikana Ilyalabwe, yuyo Mupoki wabo.

Ukukumbusya Amalamulo 32:21

Bampelela ubuzuba pachifukwa icha bachala babo abamyasi sona bankalalizya pachifukwa icha vifwani vyabo ivyabupunganu. Po nkwiza pakubombezya uluko, lulo lute luko pakubakalalizya. Nkwiza pakubapela pakuba na kabini, pachifukwa icha luko lulo lupunganu.

Aba Hebeli 13:4

Isendwa yichindikiwanje na bantu bosi, umuchi nu mulume basubilanaye. Pakuti u Chala akwiza pakubalonga abamalaya na balowe.

Yakobo 4:4

Mwe bantu mwe mute mwe basubiliwa mwee! Nkimba mutazimenye ukuti pakuba bamanyani aba chisu ichapasi, mukwipela mwebene pakuba balwani aba Chala? Abantu babo bakulonda pakuba bamanyani aba muchisu ichapasi bakwipela bene pakuba balwani aba Chala.

Yoshwa 23:7

Mutakangalilaye poka ninko zizyo zyasyala pakasi papinyu. Mutakaghatambulaye amatabwa agha bachala babo, pamo ukulapila mumatabwa agha bachala banaba. Mutakababombelaye, pamo ukumwiputa.