Yelemiya 5:6 - IBAYIBOLO 2024

⁶ Polelo inkalamu iya mumusitu yikwiza pakubaghogha, sona abakambwe aba munkolongo bakwiza pakubanangannya. Uzyela akwiza pakubavwamilila papipi nutwaya twabo utukulu. Akwiza pakubazepulannya mutupusa umuntu wesi yuyo akufumila kuzi, pakuti ukusambuka kwabo kukulu nkani, sona bate basubiliwa.

Yelemiya 5:6 Iomraidhean Croise

2 Imbili 36:14

Ukonjelezyapo, abalongozi bosi aba baputi poka na bantu batakaba basubiliwa sona bakakonka inkalo imbibi iya inko izinji, nukuyinyazya Inyumba iya Mwene yiyo akayipaghula mu Yelusalemu.

Ezila 10:10

Po umuputi u Ezila akimilila nukubabuzya ukuti, “Amwe mutakasubiliwa. Amwe mwasenda abakolo abayeni pakuba bachi binyu, po ububibi ubwa Izilayeli bwaba bukulu.

Ezila 9:6

Po nkiputa nkati, “Wee Chala wane, indi ni soni ni chitima nkani, umwakuti intanginusizya icheni chane kukwako, pachifukwa imbibi zyitu zichilite pamitu yitu sona ukunanga kwitu kufikite kumwanya.

Yobu 10:16

Nanti nikwezya nemwene pamwanya ukumbinga ngati nkalamu, nukundanjizya amaka ghako aghakoghofya.

Masalimo 104:20

Ukachipela ichisi ukuti chibanje busiku, po ivinyamana vyosi ivya munkolongo vikufuma kuzi.

Masalimo 80:13

Ingulube izya munkolongo zikughakanyankila, po ivinyamana ivya muzi vikughalya.

Yesaya 1:23

Abalongozi bako basambuke, sona baba bo bamanyani aba biba. Baghanite nkani pakupokela amabeko, sona akabalilo kosi bakulonda vyo vyabupi. Batakubavighilila abana abalanda, pamo pakuteghelezya inongwa izya bakolo abafwilwe.

Yesaya 59:12

Pakuti ububibi bwitu bwinji nkani pamaso ghako sona imbibi zyitu zikutusimikizizya aswe. Ububibi bwitu buchili buli naswe akabalilo kosi, sona tubumenye ububibi bwitu,

Yelemiya 14:7

Abantu bakuti, “Napapo imbibi zyitu zikutubikila ubwakaboni, wee Mwene, bombapo zimo pachifukwa icha itabwa lyako. Pakuti twakukana, sona twakunangila akabalilo kosi.

Yelemiya 2:15

Abalwani bakubuluma ngati zyo nkalamu. Bachipela ichisu pakuba nkolongo. Batunangannya utwaya twache utukulu tuto twipelite visami sona abantu batakwikalamo.

Yelemiya 2:17

Zinizi zyakubonekela, pachifukwa ichakuti ukamuleka u Mwene, u Chala wako, bo akukulongozya muzila yiyo ukendaghamo.

Yelemiya 2:19

Ukwiza pakufundiwa nu bubibi bwako, pakuti wankana, nkwiza pakukupa inongwa. Winong'one nkani ububibi nu bubavu ubwa kundeka ane ne Mwene u Chala wako, sona winong'one nizya kusita ukunyila.” U Mwene Uwamaka Ghosi anena.

Yelemiya 2:31

Amwe mwe bantu aba nkulilo iya ilelo, ivwa zizyo u Mwene akunena. Nkimba name ne nkolongo kwa Izilayeli pamo ichisu icha chisi ichikulu? Nkimba choni chicho abantu bane bakuti, ‘Aswe twe bantu abasatuke, tutangiza sona kukwako?’

Yelemiya 25:38

U Mwene ali ngati nkalamu yiyo yiyilekite impako yache, sona ichisu chabo chaba chisami, pachifukwa icha bantu babo bakubayivya nu bwite, sona pachifukwa icha bukali ubwa koghofya ubwa Mwene.

Yelemiya 30:14

Abaghaniwa binyu bosi babaluvizye, bate ni mbombo namwe. Nukubavulazya ngati mumo abalwani binyu bosi bababombela, ulufundo lwinyu lukulu pakuti imbibi zyinyu nyinji, sona bope ububibi bwinyu bukulu nkani.

Yelemiya 30:15

Nkimba choni chicho mukulila pachifukwa icha kuvulala kwinyu, ububavu bubo butakupola nako kupola? Pakuti ububibi bwinyu bukulu nkani, sona imbibi zyinyu nyinji nkani, cho chifukwa nababombela zinizi.

Yelemiya 30:24

Ubukali ubwa Mwene butakwiza pakutozokapo, mupaka amalizye zyosi zizyo akwinong'ona. Mukwiza pakuchivwisya ichi mumasiku agha muntazi.

Yelemiya 4:7

Inkalamu yafumila mumusitu, wepe uwakunangannya ivyisu anyamuka. Abulekite ubuzilo bwache umwakuti achinangannye ichisu chinyu. Utwaya twinyu utukulu tukwiza pakuba visami mumo mutakwikalamo abantu.

Yelemiya 49:19

“Ngati nkalamu yiyo yikufuma mumusitu uwa Yolodani, yikuyichimbizya ing'ozi, nkwiza pakumuchimbizya u Edomu, muchisu chache umwalubilolubilo. Pisinda pache nkwiza pakubimikila yuyo imusalite. Nkimba wewenu yuyo ayanite nane, sona nkimba wenu yuyo angambika pabulongi? Nkimba mudimi wenu yuyo angalwana nane?

Yelemiya 8:5

Po nkimba chifukwa choni chicho abantu banaba bapulumpa? Nkimba choni chicho u Yelusalemu akwendelela pakunyokela kwisinda? Babukakatiye ubumyasi, bakukana pakunyokako.

Yelemiya 8:7

Inyangenyange ni nkunda ni nkwale nu sele vikamenye akabalilo kabo aka kunyamukila ubulendo. Loli abantu bane batazimenye indaghilo izya Mwene.

Nkuto 1:5

Babo bamubengite bo babo bali pakumulaghila, sona abalwani bache ivintu vyabo vikubendela akiza. U Mwene amufunda u Yelusalemu pachifukwa icha mbibi zyache inyinji, sona abana bache balemiwa pakuba bazya aba balwani bache.

Ezekiyeli 16:25

Pa musebo ghosi ukazengapo ubuzilo ubwapamwanya ubwa kwiputilapo nukukusamula ukuboneka akiza kwako kuwesi yuyo akudumusannya nukubomba nawe ubwamalaya bwako.

Ezekiyeli 22:27

Amakambala ghache ghali ngati bo bakambwe babo bali pakukavula inyama, bakukupula ibanda nukughogha abantu ukuti bakabilemo vimo umwabuzimbuli.

Ezekiyeli 23:19

Pope bulo akendelela pakubomba ubwamalaya, akazikumbuka imbombo zyache izya kubulindu, pakabalilo kako akabombagha izya bwamalaya muchisu icha Ijiputi.

Daniyeli 7:4

“Ichinyamana ichakwanda chikaboneka ngati yo nkalamu, sona chikaba ni vipapande ngati vya lizwanga. Nkachenelezya mupaka ivipapande vyache vikazepuka, sona chikanyamuziwa nukwimilila ni vinama folo ngati muntu. Po chikapeghiwa inyinong'ono izya muntu.

Daniyeli 7:6

“Pisinda pache nkachennya sona ichinyamana ichinji, chicho chikabonekagha ngati we zyela. Panyuma chikaba ni vipapande folo ngati vya chiyuni. Ichinyamana chinichi chikaba ni mitu folo, sona chikapeghiwa amaka aghakulaghilila.

Hoseya 5:14

Pakuti nkwiza pakuba ngati ne nkalamu kuba Efulayimu, sona ngati nkalamu iya maka kwa Yuda. Nkwiza pakubazepulannya mutuvigaba nukubazompola. Po atalipo nayumo uwakubapoka.

Habakuku 1:8

Ifalasi zyabo zili nulubilo nkani ukubachila abazyela, sona zyengo nkani ukubachila abakambwe pachamabwila. Ifalasi zyabo zikuchimbila nkani, abakukwelapo bakufumila kubutali nkani. Zikubuluka lubilolubilo ngati lizwanga, lilyo likubuka pakulema inyama.

Zefaniya 3:3

Amakambala ghache ghakubuluma ngati nkalamu, abalaghili bache bali ngati bo bakambwe babo bakwenda pachamabwila, batakuchilekapo nachimochimo ichakulya icha pandabindabi.

Ukubelengiwa 32:14

“Losi ulu mwasenda ubuzilo ubwa banyenya binyu aba nkulilo iya bantu ababibi, sona bakulonda nkani pakonjelezya ubukali pa Mwene uwa ba Izilayeli.

Ubuvumbuli 13:2

Ichinyamana chila chikabonekagha ngati we zyela, sona inyayo zyache zikabonekagha ngati zyo nyayo izya labwe. Umulomo wache ghukabonekagha ngati gho mulomo uwa nkalamu. Inyivwila yikachipa ichinyamana chila amaka ghache, ni chitengo chache icha bumwene, sona nu bulaghili ubukulu nkani.