Yelemiya 5:3 - IBAYIBOLO 2024

³ Wee Mwene nkimba amaso ghako ghatakulonda ubwanaloli? Ukabafunda loli batakivwa ububavu, ukabasyempa loli bakakana pakumanyila. Bakavikazya ivyeni vyabo ngati mabwe, nukukana pakupinduka.

Yelemiya 5:3 Iomraidhean Croise

Ubwandilo 19:34

Indabi yache umwana usongo yula akamubuzya umuzuna wache akati, “Pabusiku naghonite nu tata. Zagha tumung'wesye sona uvinyo ukuti akolwe ukuti nawe ughone nawe. Pakubomba bunubu uluko lwitu lutakwiza pakuzimila.”

1 Abamwene 13:33

Pope bulo u Yelobowamu atakazileka imbibi zyache, loli akabasala abaputi pakasi pabantu bulo abakulekanalekana ukuti babombaye imbombo pachighemo chicho akazenga. Umuntu wesi yuyo akalondagha pakuba muputi akamupaghula ukuti abanje muputi.

2 Abamwene 1:13

U mwene yula akamutuma sona ukapitawa uwabutatu poka na basilikali bache 50. Ukapitawa uwabutatu yula akakwela pighamba nukufughama pamaso pa Eliya, po akamulambilizya akati, “Wee muntu uwa Chala, nalamba poka ubumi bwane nubwa basilikali bane 50 aba.

2 Imbili 16:9

Pakuti amaso agha Mwene ghakwennya posi na posi pachisu ichapasi umwakuti abakazyanje abantu babo bakumwivwila na moyo ghabo ghosi. Awe wabomba ichintu ichabupunganu nkani, po ukwanda ilelo ukwiza pakulwa ubwite.”

2 Imbili 28:22

Bo u Ahazi akukomana nintamyo zilazila, atakaba musubiliwa kwa Mwene.

Masalimo 51:6

Loli umoyo uwanaloli gho ghugho ukughulonda, po umanyisyanje amahala mukasi mumwane.

Masalimo 51:8

Unyizuzyanje nukuhoboka nu lusekelo, amafupa ghane ghagho ukaghatizannya ghasekelaye.

Masalimo 55:20

Umumanyani wane akubakoma abamanyani bache, sona akulunangannya ulufingo lwache.

Ivyili 21:29

Umuntu umubibi akwilanjizya pakuba muntu umujivu, loli umuntu umugholosu akwinong'ona tasi nizya izila yiyo akwendamo.

Ivyili 22:12

U Mwene akubenelezya abantu abakwivwisya ivintu, loli akubavulungannya abantu babo te basubiliwa.

Ivyili 23:35

Po ukwiza ukunena ukuti, “Bakankoma, loli intakavulala, bakansyempa, loli intakivwapo nachimochimo. Nkimba nkwiza pakulamusya liyi nukuchagha ichakung'wela ichinji?”

Ivyili 27:22

Napapo umupunganu ungamupulila mwituli poka ni vilombe, utangabwefya ubupunganu bwache.

Yesaya 26:11

Wee Mwene, wakwezya inyobe yako, loli abene batakuyennya. Abantu banaba bakoziwanje isoni, ubalanjizyanje namumo ubaghaniye, leka bennye ulweke lwako, numoto ghugho ubasungiye abalwani bako, ghubalunguluzye.

Yesaya 42:25

Akapungulila ubukali bwache papabo, sona nu bukali ubwa bwite bwache. Ghukabocha umwakuzyungulila, loli pope batakivwanga, ghukabalungulizya, loli pope batakachibikila kumoyo.

Yesaya 48:4

Pakuti nkamanya ukuti, amoyo ghinyu makafu nkani, sona mukaba bakafu ngati chela, ivyeni vyinyu vikaba mukuba.

Yesaya 9:13

Loli abantu aba mu Izilayeli batanyokeye kukwache yuyo akabakoma, pamo pakumulonda u Mwene Uwamaka Ghosi.

Yelemiya 15:7

Nkwiza pakubapeta nuluselo ngati lyelelo mukaya akakulu nkani. Nkwiza pakubapela bafwilwe nukubanangannya abantu bane, pachifukwa ichakuti batakunyokako kunkalo zyabo imbibi.

Yelemiya 17:23

Loli pope bulo batakivwila, sona bakighalila amakutu ghabo, nukughakazya amoyo ghabo, pamo pakuleka pakwivwila ivimanyisyo vyane.

Yelemiya 19:15

“Umu momumo u Mwene Uwamaka Ghosi, u Chala uwa Izilayeli akunenela akuti, ‘Teghelezya! Nkwiza pakukizila nintamyo akaya akakulu nkani aka nutwaya tuto tukazyunguliye ngati mumo nkanenela, pachifukwa ichakuti abantu banaba bakazizye nkani amoyo ghabo sona bakukana pakwivwila amazyu ghane.’ ”

Yelemiya 2:30

“Nkabafunda abantu aba mu Yuda, pope batakamanyilapo nachimochimo. Mukabaghogha abalaghuzi nupanga ngati nkalamu yiyo yikalaye.

Yelemiya 3:3

Pachifukwa chinichi ivula iya chisiku yakaniziwa, sona yope ivula iya lupepo yitatimite, loli pope bulo ukuboneka ngati we malaya, sona ute ni soni nazimozimo pazizyo wabomba.

Yelemiya 32:19

imbatiko zyako mpalapala nkani sona imbombo zyako zyamaka nkani. Amaso ghako ghakwenelezya. Amaso ghako ghakuzyennya namumo inkalo izya bantu zibeleye. Ukumupa umuntu wesi umuvwalo ukuyana ni nkalo yache ni mbombo zyache.

Yelemiya 35:13

“U Mwene Uwamaka Ghosi, u Chala uwa ba Izilayeli akuti: Buka mubabuzye abantu aba mu Yuda sona na babo bakwikala mu Yelusalemu ukuti, ‘Nkimba mutakumanyilapo amahala nukughivwila amazyu ghane?

Yelemiya 44:10

Loli mupaka nilelo mulekite pakwiyisya mwebene. Mulekite pakunchindika sona mutakuzikonka indaghilo zizyo nkabapa amwe poka na banyenya binyu.”

Yelemiya 7:26

Loli batakanteghelezya pamo ukubikilako umoyo. Bakakazya amoyo ghabo sona bakaba babibi ukubachila abanyenya babo.

Yelemiya 7:28

Polelo ubabuzye ukuti, ‘Ulu lo luko ulwa bantu babo batakaghitika amazyu agha Mwene u Chala wabo, pamo ukwitika ukunanga kwabo. Ubwanaloli butalipo pakasi papabo, sona butakwivwikapo pamilomo yabo.

Yelemiya 8:5

Po nkimba chifukwa choni chicho abantu banaba bapulumpa? Nkimba choni chicho u Yelusalemu akwendelela pakunyokela kwisinda? Babukakatiye ubumyasi, bakukana pakunyokako.

Ezekiyeli 2:4

Abantu babo nkukutumako bamadinko sona ba moyo amakafu. Ubabuzye uti, ‘Izi zyo zyizyo u Mwene Uwamaka Ghosi anena.’

Ezekiyeli 24:13

“ ‘Po ilelo ivinyonywa vyako ko kwinyazya kwako. Pachifukwa ichakuti nayezya nkani pakukuswefya loli utaswepite kubunyazu bwako, mupaka ubukali bwane bukuwile.

Daniyeli 9:13

Ukuyana namumo zisimbiwe mu Ndaghilo izya Mozesi, intamyo zyosi zinizi zyatuwila, loli pope bulo tutinong'onitepo pakulaba ichisa icha Mwene u Chala witu pakuzileka imbibi zyitu nukubuteghelezya ubwanaloli.

Aba Levi 26:23

Loli pope bulo nanti mutakunyokela kukwane, sona nanti mukwendelela pakunsambukila,

Amosi 4:10

“Nkabawisizya iviwaya ngati mumo nkabombela mu Ijiputi. Nkabaghogha abalumendo binyu nupanga, poka ni falasi zyinyu zizyo mukazifyula. Nkazipela impuno zyinyu pakunusya umunusi uwa mivimba iyakufuma muvisakasa ivya basilikali, loli pope bulo mutakanyokela kukwane.” U Mwene anena.

Amosi 4:11

“Nkabanangannya abantu bamo pakasi pa papinyu, ngati mumo nkabananganizizya abantu aba mu Sodomu naba mu Gomola. Mukaba ngati ko kachizinka kako kazompoliwa pamoto, loli pope bulo mutakanyokela kukwane.” U Mwene anena.

Amosi 4:6

“Ane nkabawisizya izala mutwaya twinyu tosi utukulu nkani, sona nukuti mutwaya tutakabanje ni vibama vimo, loli pope bulo mutakanyokela kukwane.” U Mwene anena.

Amosi 4:8

Abantu bakatantalilatantalila ukufuma mukaya akakulu aka na kala, pakulonda amizi aghakung'wela, loli batakaghagha aghakubakwana, loli pope bulo mutakanyokela kukwane.” U Mwene anena.

Amosi 4:9

“Utubalilo utwinji nkababula amaghunda ghinyu, sona na maghunda ghinyu agha mampesya, pakuwisya ububine ni chuku. Umakanta akalya amakuyu ghinyu, sona na makwi agha misyunguti, loli pope bulo mutakanyokela kukwane.” U Mwene anena.

Zefaniya 3:7

Nkakabuzya akaya akakulu nkani nkati, ‘Naloliloli ukwiza pakunnyila nukwitika ukuchemela kwane!’ Po akaya kache katangananganika, pamo ukuti ulufundo lwane lukawile. Loli pope bulo bakaba bengo nkani pakubomba ivyamabeko vyabo vyosi.

Aba Loma 2:2

Tuzimenye ukuti u Chala akulongela mubugholosu abantu babo bakubomba ivintu vinivi.

Aba Hebeli 12:9

Tukaba nabo abatata aba muchisu ichapasi babo bakatufunda, po tukabachindikagha. Nkimba tutangamuchindika u Tata witu uwabuzimu nukuba nubumi?