Yelemiya 5:25 - IBAYIBOLO 2024

²⁵ Loli ububibi bwinyu bo bubo bwavikanizya vyosi vinivi, imbibi zyinyu zyabukanizya ubwiza ukuti buleke pakubizila.

Yelemiya 5:25 Iomraidhean Croise

Masalimo 107:17

Abantu bamo bakaba bapunganu pachifukwa icha kunanga, po bakayimba nkani nu bubavu, pachifukwa icha mbibi zyabo.

Masalimo 107:34

Ichisu icha muvundo pakuba chisu icha mbeya, pachifukwa icha bantu ababibi, babo bakwikala mulamula.

Yesaya 59:2

Loli imbibi zyinyu zyo zibapaghuye amwe kwa Chala winyu, imbibi zyinyu zifisite icheni chache kukwinyu, umwakuti atakubivwa.

Yelemiya 14:1

Agha gho mazyu agha Mwene kwa Yelemiya pakunena nizya lulanga aghakuti,

Yelemiya 14:7

Abantu bakuti, “Napapo imbibi zyitu zikutubikila ubwakaboni, wee Mwene, bombapo zimo pachifukwa icha itabwa lyako. Pakuti twakukana, sona twakunangila akabalilo kosi.

Yelemiya 3:3

Pachifukwa chinichi ivula iya chisiku yakaniziwa, sona yope ivula iya lupepo yitatimite, loli pope bulo ukuboneka ngati we malaya, sona ute ni soni nazimozimo pazizyo wabomba.

Yelemiya 4:18

“Akendele kinyu ni mbombo zyinyu vyo vivyo vyabizila nintamyo. Ulu lo lufundo lwinyu sona lukubaba, lukughavulazya amoyo ghinyu.”

Nkuto 3:39

Nkimba choni chicho umuntu ilumbusyanje, nanti akufundiwa pachifukwa icha mbibi zyache?

Nkuto 4:22

Mwee bantu aba mu Yelusalemu, ulufundo lwinyu lwamala, po ubuzya bwinyu te bwendelele. Loli amwe, mwe bantu aba mu Edomu akwiza pakubafunda, pachifukwa icha mbibi zyinyu sona nukunanga kwinyu.