Yelemiya 5:22 - IBAYIBOLO 2024

²² Ane ne Mwene. Nkimba choni chicho mutakunyila? Nkimba mutakutetema pamaso papane? Nkabika umusesenga pakuba yo mpaka iya nyanja, impaka iya bwila na bwila yiyo inyanja yitangaloboka. Amayigha agha nyanja ghangabunguluka, loli ghatangabomba nachimochimo, ghangapongomoka loli ghatangaloboka.

Yelemiya 5:22 Iomraidhean Croise

Ubwandilo 1:9

Po u Chala akati, “Amizi ghagho ghali pasi ghabungane pabuzilo boka, umwakuti ichisu ichumizu chibonekaye.” Po naloli ichi chikabombiwa.

1 Abamwene 13:28

po akabuka nukuwagha umuvimba ghulambalaye pamusebo, bo inkalamu ni mpunda vyimiliye palubazu palapala, pakuti inkalamu yitakaghulya umuvimba pamo ukuyizepulannya impunda.

Yobu 26:10

U Chala akughabikila amizi impaka yiyo yili ngati bwele, nukulesannya ulukozyo ni chisi.

Yobu 37:24

Po abantu bakumunyila u Chala atakumupasikizyapo nayumoyumo umuntu uwa mahala.”

Yobu 38:8

“Nkimba wewenu yuyo akighalila inyanja bo yikupunta bo yikupunta ukufuma mulwanda?

Masalimo 104:9

Ukaghabikila impaka amizi ghala ukuti ghatakadumusannyanje impaka yilayila, ghatakwiza pakuchizuzya nalumo sona mupaka pamwanya ichisu ichapasi.

Masalimo 119:120

Umubili wane ghukutetema, pachifukwa icha kukunyila, po nkunyila ubulongi bwako.

Masalimo 33:7

Akaghabungannya amizi agha munyanja nukughabika impaka, sona amizi amibizu akighalila munyumba izyakusungilamo ivintu.

Masalimo 46:3

Napapo amizi ghangapoma nukuba ni tatafula, amaghamba ghakutetema pachifukwa ichakupoma ukwa mizi.

Masalimo 99:1

U Mwene weyuyo akulaghila po inko zitetemaye, po ichisu ichapasi chihobokaye. Ikaye pachitengo pakasi pa bakelubi, po ichisu ichapasi chiyinganaye.

Ivyili 8:29

Nkabapo bo akuyibikila impaka inyanja, umwakuti amizi ghatakadumusannye impaka yilayila, bo akwala ulwalo ulwa chisu ichapasi.

Yesaya 50:2

Nkimba choni chicho bo niza, patakabapo umuntu nayumoyumo? Nkimba choni chicho bo nitizya, patakaba nayumo umuntu uwa kwamula? Nkimba inyobe yane yikaba mpimpa pakubapoka? Nkimba inte na maka aghakubapokela? Ennya, nanti nayichemela inyanja yikukamuka, nkuzyandula isoko pakuba nkolongo, iswi zyabo zikubola, pachifukwa ichakuti zitakuba na mizi, po zikufwa ni nyota.

Yesaya 64:2

Ngati mumo umoto ghukochela inkwi, nukughapela amizi ukuti ghasebukilaye, ika pasi ukuti itabwa lyako, limanyikwanje na balwani bako, nukuzipela inko ukuti zitetemaye pamaso papako!

Yesaya 66:5

Ivwa izyu ilya Mwene, amwe mwe mukumunyila nukumwivwila, “Abawamwinyu babo bababengite, nukubafumyamo chifukwa icha itabwa lyane, bakuti, ‘Leka u Mwene achindikiwanje, umwakuti twennye ulusekelo lwako!’ Loli bakwiza pakukoziwa isoni.

Yelemiya 10:7

Wee Mwene uwa inko zyosi, nkimba wewenu yuyo atangakunyila? Pakuti zikubaghiye ukuti abantu bakunyilaye. Pakasi pa balongozi abamahala bosi aba inko sona mubumwene bwabo bosi, atalipo nayumoyumo yuyo ayanite nawe.

Yelemiya 2:19

Ukwiza pakufundiwa nu bubibi bwako, pakuti wankana, nkwiza pakukupa inongwa. Winong'one nkani ububibi nu bubavu ubwa kundeka ane ne Mwene u Chala wako, sona winong'one nizya kusita ukunyila.” U Mwene Uwamaka Ghosi anena.

Yelemiya 31:35

U Mwene Uwamaka Ghosi akuti, “Nkulamula izuba ukuti lilamaye pamusanya, nkulamula u mwezi ni ntondwa ukuti vilamaye pabusiku, sona nkuyilamula inyanja, umwakuti amayigha ghapongomokaye.

Daniyeli 6:26

Nkabika ululaghilo ulwakuti abantu bamuchindikaye u Chala uwa Daniyeli mubumwene bwane bosi. Pakuti we Chala umumi, sona wa bwila na bwila, ubumwene bwache butakwiza pakunanganika nalumolumo, ubulaghili bwache butakumalapo nalumolumo.

Amosi 4:12

“Mwee ba Izilayeli, zinizi zyo zizyo nkwiza pakubabombela, sona pachifukwa ichakuti nkwiza pakubabombela zinizi, mwee ba Izilayeli, mwiyannye pakukomana nu Chala winyu.”

Amosi 9:6

U Mwene akuzenga inyumba izya bumwene kumwanya, sona akwala ulwalo pachisu ichapasi, akughitizya amizi agha munyanja sona akughapungulila pachisu, itabwa lyache we Mwene.

Yona 1:16

Abendezya ubwato bala bakamunyila nkani u Mwene, po bakabika ivyakwiyipa kwa Mwene nukulapa ichilapo ukuti bakwiza pakumubombelagha u Mwene.

Nahumu 1:4

Akuyichemela inyanja nukuyikamusya, sona akuzikamusya isoko zyosi. Ivimelwa ivya mu Bashani nivya mu Kalimeli vikufoka, bope ubwezya ubwa mu Lebanoni bukumila.

Matayi 10:28

Mutakabanyilaye abantu babo bakughogha umubili, loli batangaghogha umuzimu. Nkaninkani mumunyile u Chala yuyo anganangannya vyosi umubili nu muzimu mu Gehena.

Maliko 4:39

U Yesu akanyamuka nukuyilamula impepo yila ukuti, “Banga myee!” Akaghabuzya amayigha akati, “Ima!” Impepo yikaleka, umwakuti panyanja pakaba myee nkani.

Luka 12:5

Leka imbalanjizye yuyo mubaghiye pakumunyila. Mumunyilaye u Chala, yuyo nanti amufyula umuntu ubumi, ali nu bulaghili ubwakumusumbila mu Gehena. Naloli weyuyo mubaghiye pakumunyila!

Ukukumbusya Amalamulo 28:58

Nanti mutakughakonka amalamulo ghosi ghagho ghasimbiwe mwibuku linili, sona nanti mutakumunyila u Mwene u Chala winyu, nukulichindika itabwa lyache ilyakuswighisya u Mwene u Chala winyu ni lyabuchindamu,

Ubuvumbuli 15:4

Wee Mwene, nkimba wewenu atangakunyila nukulichindika itabwa lyako? Pakuti awe wemwene we Muzelu. Abantu abaluko losi bakwiza pakukwiputa, pachifukwa ichakuti imbombo zyako ngolosu zikuboneka pabuzelu na bantu bosi.”