Yelemiya 5:17 - IBAYIBOLO 2024

¹⁷ Bakwiza pakulya ivyakulya vyinyu ivya nyinulo yinyu, bakwiza pakubalya abana binyu abalumendo na balindu, bakwiza pakuvilya ivitekwa vyinyu ivya ng'ozi ni ng'ombe, bakwiza pakunangannya amampesya ghinyu na makuyu ghinyu. Bakwiza pakutunangannya nu bwite utwaya twinyu utukulu nkani tuto tuzyunguliliwe na malinga ghagho mughasubiye nkani.”

Yelemiya 5:17 Iomraidhean Croise

Yesaya 62:8

U Mwene alapa ni nyobe yache indilo, sona ni nyobe yache iyamaka ukuti, “Ntakwiza pakukupa sona ingano, pakuba chakulya icha balwani bako, abayeni batakwiza pakung'wela sona uvinyo umupya, yuyo akwiyula nkani pakubomba.

Yesaya 62:9

Loli babo bakwinula ingano bo babo bakwiza pakulya, nukumupala u Mwene. Sona babo bakwinula amampesya, bo babo bakwiza pakung'wela uvinyo, mulubinjilo ulwa mubuzilo bwane ubuzelu.”

Yesaya 65:22

Batakwiza pakuzenga inyumba, umwakuti abanji bikalayemo, pamo ukubyala ukuti abanji balyanje. Ngati mumo ghabeleye ubwinji amasiku agha makwi, momumo ghakwiza pakubela ubwinji, amasiku agha bantu bane, abasaliwa bane bakwiza pakusekela, imbombo izya nyobe zyabo akabalilo akatali.

Yelemiya 1:15

Indi papipi pakuzyitizya inko zyosi izya bumwene ubwa kumitu. Ane ne Mwene nanena. Abamwene babo bakwiza pakuvyikazya ivitengo vyabo ivya bumwene pamilyango iya kaya akakulu nkani aka Yelusalemu, sona bakwiza pakughazyungulila amalinga ghache nutwaya tosi utukulu nkani utwa Yuda.

Yelemiya 25:37

Ivibagha ivya ng'ozi vivyo vikaba pamutende vyaba visami pachifukwa icha bukali ubwa koghofya ubwa Mwene.

Yelemiya 4:26

Nkennya, nkagha ukuti ichisu icha muvundo chikaba nkolongo, utwaya utukulu tukananganika pachifukwa icha bukali ubwa Mwene.

Yelemiya 4:7

Inkalamu yafumila mumusitu, wepe uwakunangannya ivyisu anyamuka. Abulekite ubuzilo bwache umwakuti achinangannye ichisu chinyu. Utwaya twinyu utukulu tukwiza pakuba visami mumo mutakwikalamo abantu.

Yelemiya 5:18

U Mwene akuti, “Loli na mumasiku ghalaghala, ntakwiza pakubananganizizya zila.

Yelemiya 50:17

U Mwene akuti, “Aba Izilayeli bali ngati zyo ng'ozi zizyo zinyampanite bulo, zizyo inkalamu zyazichimbizya. U mwene uwa ku Asiliya weyuyo akaba wakwanda pakubaghogha. Nebukadineza u mwene uwa ku Babiloni weyuyo akaba wabumalilo pakughamemena amafupa ghabo.

Yelemiya 50:7

Umuntu wesi yuyo akabagha akabalya, abalwani babo bakati, ‘Aswe tute ninongwa nayimoyimo, pakuti bakamunangila u Mwene, yuyo pakudimapo apanaloli, yuyo lusubilo ulwa banyenya babo.’

Yelemiya 8:13

“U Mwene akuti, ‘Nkwiza pakwefyako inyinulo yabo. Ivikomwa vitakwiza pakubamo mu mampesya. Ivikomwa vitakwiza pakubamo mu makwi agha makuyu, sona amani ghache ghakwiza pakufoka. Nkwiza pakubafyula ivintu vivyo nkabapa.’ ”

Yelemiya 8:16

Abalwani bitu binjiye kale mukaya akakulu nkani aka Dani, Bo ifalasi zyabo zikulila, ichisu chosi chikutetema. Abalwani bizite pakunangannya ichisu chitu, poka na vyosi vivyo vili mumo, akaya akakulu nkani sona na bantu babo bakwikala mulamula.”

Nkuto 2:12

Bakubalilila abanyina bakuti, “Nkimba ivibama nu vinyo vili ko kwiyi?” Bakuzililika bulo mumisebo iya kaya akakulu nkani ngati bantu babo bavulaye, bo ubumi bwabo bukumala panandipanandi munyobe izya banyina.

Nkuto 2:2

Umwakusita ichisa u Mwene atuzimizya utwaya tosi utwa Yakobo, mubukalale bwache aghamongolannya amalinga ghosi agha Yuda. Abukozya isoni nukubwisya pasi, ubumwene bwache, poka na balaghili bache bosi.

Ezekiyeli 36:4

polelo, amwe mwe maghamba agha Izilayeli, ivwa amazyu agha Mwene Uwamaka Ghosi: U Mwene Uwamaka Ghosi akughabuzya amaghamba nu tumaghamba nu tusoko na makombe sona nutwaya utwa visami nutwaya utukulu utwa kufyuliwa nutwaya tuto tusamuliwe ninko zizyo zighazyunguliye.

Hoseya 2:12

Nkwiza pakughanangannya amampesya ghache, na makwi agha makuyu, ghagho akatinji gho malipilo ghache aghakufuma ku baghaniwa bache. Nkwiza pakughapela pakuba ngati gho musitu, sona ivinyamana ivyamuzi vikwiza pakughalya.

Hoseya 8:14

Aba Izilayeli bamuluvizye umupeli wabo, nukuzenga inyumba inkulu izya bumwene. U Yuda abalizya utwaya utukulu nkani utwa malinga. Loli Nkwiza pakutuwisizya umoto, ghugho ghukwiza pakughalungulizya amalinga ghabo.”

Yoweli 2:3

Kuntazi kukwabo umoto ghukulungulizya ivintu vyosi, sona kwisinda kukwabo indimi izya moto zikocha vivyo vyasyala. Kuntazi kukwabo ichisu chila chili ngati mughunda uwa Edeni, sona kwisinda kukwabo chikanduka pakuba nkolongo, patakabapo nachimochimo ichakusyalamo.

Aba Levi 26:16

nkwiza pakubafunda. Nkwiza pakubawisizya iviwaya ivyakunyomosya nu bubine bubo bute na malembo, ni zekema iyakunangannya amaso, sona ni yakughamala bulo amabili ghinyu. Mukwiza pakubyala imbeyu, loli mutakwiza pakwinulamo nazimo, pachifukwa ichakuti abalwani bakwiza pakuzilya.

Zefaniya 3:6

U Mwene akakabuzya akaya kala akati, “Nazinangannya inko zyosi, sona amalinga ghabo naghamongolannya. Imisebo yabo nayinangannya atalipo nayumoyumo umuntu uwakudumusannyamo. Utwaya twabo twananganika sona mute nu muntu nayumoyumo.

Malaki 1:4

Aba Edomu bakuti, “Napapo utwaya twitu utukulu twananganika, pope bulo tukwiza pakutuzenga sona.” Loli u Mwene Uwamaka Ghosi akuti, “Napapo bangatuzenga sona loli nkwiza pakutunangannya. Tukwiza pakwitiziwa ukuti ichisu ichibibi, tuto abantu bache u Mwene abakalaliye bwila na bwila.

Ukukumbusya Amalamulo 28:33

Abantu babo utabamenye bakwiza pakukufyula vyosi ivya mumaghunda ghako, vivyo ukiyula pakulima, sona bakwiza pakukukanyilila nukukuyivya akabalilo kosi.