Yelemiya 5:15 - IBAYIBOLO 2024

¹⁵ U Mwene akuti, “Mwee ba Izilayeli, nkubizila ninko iya bantu aba kubutali nkani, iya kale sona yiyo yiliko, abantu babo ni neno yabo mutayimenye nalumolumo, sona mutangayivwa nakokuyivwa.

Yelemiya 5:15 Iomraidhean Croise

Ubwandilo 11:7

Zagha twike nukuvulungannya ineno yabo, umwakuti batakivwanaye bo bakunena.”

Masalimo 81:5

Akalubika pakuba lulaghilo kwa Yosefu, bo abuka pakulwa ubwite mu Ijiputi, kuko nkayivwa ineno yiyo tutakayimanya.

Yesaya 28:11

Po ilelo, u Chala akwiza pakunena na bantu bache mu ndimi injeni,

Yesaya 29:3

Nkwiza pakukuzyungulila na basilikali, po nkwiza pakubazyungulila ni chitembe, sona nukukumba amalinga aghakuvwamamo

Yesaya 29:6

u Mwene Uwamaka Ghosi akwiza pakukwizila, nukupaya na kasenyenta sona ni chongo ichikulu nkani, nukankungu nu kabefu sona ni ndimi izya moto uwakulungulizya.

Yesaya 33:19

Mutakwiza pakubennya nalumo abantu banaba, abantu babo bakunena ineno yiyo yitakwivwika.

Yesaya 39:3

Po umulaghuzi u Yesaya akabuka kwa mwene u Hezekiya nukumulalusya ukuti, “Nkimba abantu bala bakati choni, sona bakafuma kwiyi?” U Hezekiya akamula akati, “Kuchisu icha kubutali icha ku Babiloni.”

Yesaya 5:26

Akuzikwezekezya indembela inko izya kubutali, nukubafyunizya abantu aba kubumalilo ubwa chisu. Po ennya bakwiza lubilolubilo sona balubilo nkani!

Yesaya 5:7

Umughunda uwa mampesya uwa Mwene Uwamaka Ghosi we Izilayeli, abantu aba mu Yuda vyo vibyalwa vyane vivyo nkuhoboka navyo. Akasubilagha ukuti babombaye ubwanaloli, loli akennyanga ibanda, akasubilagha ubugholosu, loli akivwanga ukulila ukwakuyiviwa kwene.

Yelemiya 1:15

Indi papipi pakuzyitizya inko zyosi izya bumwene ubwa kumitu. Ane ne Mwene nanena. Abamwene babo bakwiza pakuvyikazya ivitengo vyabo ivya bumwene pamilyango iya kaya akakulu nkani aka Yelusalemu, sona bakwiza pakughazyungulila amalinga ghache nutwaya tosi utukulu nkani utwa Yuda.

Yelemiya 2:26

“Ngati mumo u mwiba akubela ni soni bo alemiwa, momumo aba Izilayeli bakubela ni soni, na bamwene babo na makambala ghabo na baputi babo sona na balaghuzi babo.

Yelemiya 25:9

nkwiza pakubitizya abantu aba kumitu poka nu mubombi wane u Nebukadineza u mwene uwa ku Babiloni sona nkwiza pakuchitumila ubwite ichisu ichi poka na bantu babo bakwikala mulamula sona ninko izya bantu babo babazyunguliye. Nkwiza pakubanangannya nukubapela pakuba chintu ichakoghofya nichakusekiwa sona ichisu chila chikwiza pakwipela chisami icha bwila na bwila.

Yelemiya 4:16

“Muzisoke inko, mufumusye mu Yelusalemu muti, ‘Abasilikali aba kuchisu icha kubutali bakwiza, pakulwa nutwaya utukulu nkani utwa Yuda.

Yelemiya 5:11

Aba Izilayeli sona naba Yuda bate basubiliwa kukwane. Ane ne Mwene nanena.”

Yelemiya 6:22

U Mwene akuti, “Ennya, abasilikali aba kumitu bakwiza, uluko ulwamaka na bamwene abinji bakwiyannya pakulwa ubwite.

Yelemiya 9:26

Aba muchisu icha Ijiputi nu Yuda nu Edomu nu Amoni nu Mowabu sona na babo bakwikala munkolongo babo bakumwa isisi zyabo. Pakuti inko zyosi zinizi zitasilimuliwe sona bope aba Izilayeli batasilimuliwe mumoyo.”

Ezekiyeli 18:31

Efyamo ukunanga kosi kuko mwabomba, nukusenda umoyo umupya nu muzimu umupya. Mwee ba Izilayeli, nkimba choni chicho mu kufwa?

Daniyeli 1:4

Banaba bakaba balumendo babo batakaba ni chilema nachimochimo, bakaba bakuboneka akiza na bamahala na bakumanyila lubilolubilo na bankalo inyiza, sona babo bangabomba imbombo munyumba iya mwene. U Ashipenazi akamanyisya pakubelenga na pakusimba ineno iya muchisu icha Babiloni.

Daniyeli 7:7

“Po nkachennya ichinyamana ichafolo, chicho chikabonekagha chakoghofya sona ni chamaka. Chikaba na mino amakulu nkani agha chela. Chikalyanga nukukavulannya, sona nukukanyankila vyosi vivyo vikasyala. Ichinyamana chinichi chikaba chakulekana nkani ni vinyamana ivyakwanda vila, sona chikaba ni mpembe teni.

Amosi 6:14

Pakuti u Mwene u Chala Uwamaka Ghosi akuti, “Mwee ba Izilayeli, nkwiza pakunyamusya uluko ulunji lulo lukwiza pakubayivya amwe zila yosi, ukwandila ku Lebo Hamati mupaka kwikombe ilya Alaba.”

Habakuku 3:16

Bo nivwa zinizi mukasi mukasunguluka, sona imilomo yane yikaneng'ena bo nivwa amazyu ghanagha. Amafupa ghane ghakanda pakubola sona ivinama vyane vikatetema. Loli nkwiza pakulindilila mubufisalyoyo ukwiza ukwa isiku ilya ntamyo, ukuti lyize pa balwani bitu babo bakutulema.

1 Aba Kolinti 14:21

Mu Masimbo zisimbiwe ukuti, “U Mwene akuti, ‘Nkwiza pakunena na bantu bane pakubombezya abantu babo bakunenela mundimi injeni. Nkwiza pakubombezya imilomo iya bayeni, loli napapo zingaba bunubu, batakwiza pakunteghelezya.’ ”

Ukukumbusya Amalamulo 28:33

Abantu babo utabamenye bakwiza pakukufyula vyosi ivya mumaghunda ghako, vivyo ukiyula pakulima, sona bakwiza pakukukanyilila nukukuyivya akabalilo kosi.

Ukukumbusya Amalamulo 28:49

U Mwene akwiza pakulwitizya uluko ulwakufuma kumpaka iya chisu ichapasi, uluko lulo ineno yabo mutayimenye. Uluko lunulu lukwiza pakubizila ngati lyo lizwanga.