Yelemiya 5:1 - IBAYIBOLO 2024

¹ U Mwene akuti, “Chimbilila uku na uku mumisebo iya mu Yelusalemu, mwiyenezye mwebene, mwennye uku na uku pakasi pamunalo. Nanti mungamwaghako yumo u muntu yuyo akubomba ubugholosu nu bwanaloli umwakuti imuhobokele u Yelusalemu.

Yelemiya 5:1 Iomraidhean Croise

1 Abamwene 19:10

U Eliya akamula akati, “Wee Mwene u Chala Uwamaka Ghosi, ane nakubombelagha nu lweke akabalilo kosi. Loli aba Izilayeli balunangannya ulufingo lwako, bavimongolannya ivighemo vyako, sona babaghoghite abalaghuzi bako. Nasyala nemwene, pope bulo bakulonda pakungogha!”

2 Imbili 16:9

Pakuti amaso agha Mwene ghakwennya posi na posi pachisu ichapasi umwakuti abakazyanje abantu babo bakumwivwila na moyo ghabo ghosi. Awe wabomba ichintu ichabupunganu nkani, po ukwanda ilelo ukwiza pakulwa ubwite.”

Masalimo 12:1

Wee Mwene nyavwa, pakuti atasyalite nayumoyumo umuntu umugholosu, sona abasubiliwa bazimila pakasi pabantu.

Masalimo 14:2

Bo ali kumwanya u Mwene akubennya abantu pachisu ichapasi, umwakuti ennye nanti balipo bamo abantu abamahala, babo bakumulondelezya u Chala.

Masalimo 14:3

Abantu bosi bapulumpa, bosi bo banyonganu, sona atalipo nayumoyumo yuyo akubomba inyiza, awe atalipo nayumoyumo.

Masalimo 94:16

Nkimba wewenu akujimba ukuti alwane na bantu ababibi? Nkimba alipo yumo yuyo akunyimila ukuti indwane na babomba mbibi?

Ivyili 20:6

Abantu abinji bakwipimagha bene pakuba basubiliwa, po nkimba wewenu yuyo angamwagha umuntu umusubiliwa?

Ivyili 23:23

Ghulagha ubwanaloli, sona utakabughulizyanje, banga na mahala, na mafundwe, sona nukwivwisya ivintu.

Ivyili 8:3

Amahala ghimiliye pamulyango kuntazi ukwa kaya akakulu, pabwinjililo ubwa milyango ghakukolomoka:

Inyimbo izya Solomoni 3:2

Nkamulondelezya mukaya akakulu nkani, na mumisebo sona na muminalo. Nkamulondelezya yuyo umoyo wane ghumughanite, Nkamulondagha, pope bulo intakamwagha.

Yesaya 59:4

Mukubuka pabuzilo ubwakulongelapo inongwa, loli mutakubwaghapo ubwanaloli. Musubiye ubumyasi, bakumela intamyo nukupapa ububibi.

Yelemiya 2:29

“Nkimba choni chicho mukumpa inongwa? Mwebosi munsambukiye. Ane ne Mwene nanena.

Yelemiya 44:15

Po abanavuli bosi babo bakazimanya ukuti abachi babo bakochanga utwakununkila ku bachala abanji poka na bakolo abanji babo bakabapo, ni chilundilo ichikulu sona na bantu bosi babo bakikalagha ku kumitu ukwa Ijiputi sona naku kuntende, bakamwamula u Yelemiya bakati,

Yelemiya 8:6

Nabateghelezya nkani ku zizyo bakunena loli batakunenapo nazimozimo ingolosu. Atakabapo nayumoyumo uwakuzileka imbibi zyache, nukunena ukuti, “Nkimba nananga choni?” Loli umuntu wesi akubuka ku zila izyache ni zyache, ngati yo falasi yiyo nyengo nkani pakulwa ubwite.

Yelemiya 9:2

Mwee, nalondagha nkani ngati po ningaba ni nyumba munkolongo, umwakuti imbaleke abantu bane nukubepukilamo, pakuti bosi bo bamalaya, ichilundilo icha bantu babo bate basubiliwa.

Yelemiya 9:7

Polelo u Mwene Uwamaka Ghosi akuti, “Ennya, nkwiza pakubasekesa nukubayela, pakuti chitalipo nachimochimo chicho ningababombela abantu bane, pachifukwa icha mbibi zyabo.

Ezekiyeli 22:30

“Po nkamulonda umuntu pakasi papabo yuyo angazenga sona ulubumba nukwimilila pamaso papane papo pakamongoka, umwakuti ngali intakachinangannya ichisu, loli intakamwaghapo nayumoyumo.

Ezekiyeli 9:9

Akanyamula akati, “Imbibi izya aba Izilayeli sona nizya Yuda nkulu nkani, ichisu chizuye nukukupula ibanda sona mutwaya mute ubwanaloli nabumobumo. Bakuti, ‘U Mwene achileka chene ichisu sona atakwennya.’

Daniyeli 12:4

Loli awe Daniyeli ghasungaye amazyu aghakubusyefu sona wighalile ibuku mupaka pakabalilo akabumalilo, abantu abinji bakwiza pakwenda uku na kula loli amahala ghakwiza pakonjelela.”

Yoweli 2:9

Bakunyelela mukaya akakulu nkani, bakunyela amalinga, sona bakukwela panyumba, ngati mwiba akwinjilila pibwindo.

Amosi 8:12

Abantu bakwiza pakwendakwendagha bulo kunyanja iyi na yila, sona bakwiza pakwendakwendagha kumitu na kubufumilo bwizuba, pakughalondelezya amazyu agha Mwene, loli batakwiza pakughagha.

Zekaliya 2:4

Uwakwanda yula akamubuzya uyunji yula akati, “Chimbila, mubuzye umulumendo yula ukuti, ‘U Yelusalemu akwiza pakuba kaya kako katakwiza pakuba nu lupaso pachifukwa icha bwinji ubwa bantu sona ni vitekwa vivyo vikwikala mulamula.

Luka 14:21

Uwambombo yula akanyokela nukumubuzya vyosi u mwene wache. U mwene yula akakalala nkani nukumubuzya uwambombo yula ukuti, ‘Bukagha losi ulu mumisebo imikulu ni minandi nukwiza na bapina, na babo bafuye ivinama na bafwamaso, sona na balemazu.’

2 Aba Tesalonika 2:10

Akwiza pakubomba ivintu ivyinji nkani pakubazimbula abantu abinji babo bakwiza pakuzimila. Abene bakwiza pakuzimila ichifukwa bakakana pakupokela nukubughana ubwanaloli ukuti bapokiwe.