Yelemiya 49:5 - IBAYIBOLO 2024

⁵ Nkwiza pakubizila ni vyakoghofya, ivyakufuma ku bantu babo babazyunguliye. Ane ne Mwene Uwamaka Ghosi nanena. “Umuntu wesi uwa amwe akwiza pakuchimbiziwa, sona atalipo nayumoyumo, yuyo akwiza pakubabungannya mwe bakuchimbiziwa.

Yelemiya 49:5 Iomraidhean Croise

2 Abamwene 19:7

Teghelezya! Nkwiza pakubika umuzimu mumwache, umwakuti nanti ivwa bulo ipangwi limo, akwiza pakunyokela kuchisu chache, sona nkwiza pakumughogha nupanga.’ ”

Yobu 15:21

Akwivwanga bulo ichongo ichakoghofya mumakutu ghache; pakabalilo kako akutinji vyosi vili akiza bulo, po amavyondongo ghakumwizila.

Ivyili 28:1

Umuntu umubibi akuchimbila mwene bo nayumoyumo akumuchimbizya, loli umugholosu akubanga mujivu ngati nkalamu.

Yesaya 16:3

Bakubabuzya abantu aba ku Yuda ukuti, “Mutubuzye ichakubomba, dumula zizyo tubombaye. Mughupelaye umuzyezye winyu ngati busiku pamusanya. Mubafisaye babo bakachimbiziwa kubwite, mutakatubikaye munyobe izya balwani.

Yelemiya 15:8

Nkwiza pakonjelezya ubwinji ubwa bakolo abafwilwe, ukuchila nu musesenga uwa munyanja. Nkwiza pakubasendela uwakubanangannya, abamayi na bana babo pakasi pamusanya, Umwakuchenusya bulo nkwiza pakubizila nintamyo ni vyakoghofya.

Yelemiya 16:16

U Mwene akuti, “Loli ilelo nkwiza pakubatumila abaloba iswi abinji nkani, babo bakwiza pakubaloba abantu banaba. Pisinda pache nkwiza pakubatumila ababingi abinji nkani, po bakwiza pakubabinga mumaghamba ghosi na mutughamba tosi sona na mumpako izya mabwe.

Yelemiya 20:4

Pakuti u Mwene akuti, ‘Nkwiza pakukupela pakuba we muntu uwakoghofya ku wemwene sona na kubamanyani bako, na maso aghako na ghako ukwiza pakubennya bosi bakughoghiwa nupanga uwa balwani babo. Abantu bosi aba mu Yuda bakwiza pakuba pasi pabulaghili ubwa mwene uwa ichisu icha Babiloni, akwiza pakubasenda bamo pakuba bazya sona akwiza pakubaghogha bamo.

Yelemiya 46:5

Nkimba choni chicho nkuchennya? Abantu babo bali nubogha, bakunyokela kwisinda, abasilikali babo bapotiwa. Bakuchimbila ukusita ukwennya kwisinda, sona bazyunguliliwe nubogha inkuto zyosi. Ane ne Mwene nanena.

Yelemiya 49:29

Mubafyule ivisakasa vyabo poka ni ing'ozi ni mbuzi zyabo, musende amenda agha kuzighila muvipinda vyabo, poka nu katundu wabo sona ni ngamila zyabo. Abantu bakolomokaye batinji, ‘Twazyunguliliwa nintamyo.’

Yelemiya 6:25

Mutakabukaye ku maghunda, pamo pa kwenda mumisebo, pakuti u mulwani ali nupanga, sona ubogha buliko kosi.

Nkuto 4:15

Abantu bakukolomoka bakutinji, “Epapo pano, mwee bantu abanyazu! Epapo! Epapo, mutakatupalamasyanje!” Nanti bakuchimbila nukwendakwenda, inko izinji zikubabuzya ukuti, “Tutakubitikizya pakwikala sona kuno.”

Amosi 4:3

Mukwiza pakufyengiwa bulo pakufumila muvidobozwi ivya malinga, umuntu wesi pamwene, sona mukwiza pakusumbiwa pighamba ilya Halimoni.” U Mwene anena.

Yoshwa 2:9

nukubabuzya ukuti, “Inzimenye ukuti u Mwene abapa ichisu chosi chinichi, po twebosi tukubanyila, sona amoyo ghitu ghali bulo mumwanyamwanya.