Yelemiya 49:2 - IBAYIBOLO 2024

² Loli amasiku ghakwiza, ghagho nkwiza pakubalizizya ipati aba Laba, akaya akakulu nkani aka ba Amoni. Ane ne Mwene nanena. “Akaya akakulu kanaka kakwiza pakuba chisami sona utwaya tuto tukazyunguliye tukwiza pakwaka umoto. Po u Izilayeli akwiza pakubachimbizya, babo bakamuchimbizyamo. Ane ne Mwene nanena.

Yelemiya 49:2 Iomraidhean Croise

2 Samuweli 11:1

Pakabalilo kako amakwi ghakalembagha amani, sona bo abamwene bakubuka pakulwa ubwite, u Devedi akamutuma u Yowabu, na basongo aba basilikali, poka naba Izilayeli bosi. Bakabapota aba Amoni nukukazyungulila akaya akakulu nkani aka Laba. Loli u Devedi akasyalikila mu Yelusalemu.

Masalimo 48:11

Abantu aba mu Ziyoni bahobokaye, utwaya utwa mu Yuda tusekelaye pachifukwa ichakuti ukulongela mubwanaloli.

Masalimo 97:8

Wee Mwene, abantu aba mu Ziyoni bakwivwa nukuhoboka, sona bope abantu aba mutwaya utwa mu Yuda basekelaye, pachifukwa icha bulongi bwako.

Yesaya 11:14

Bakwiza pakubanyelela aba Filisiti kubwinjililo bwizuba, po bosi poka bakwiza pakubafyula ivintu abantu abakubufumilo bwizuba. Bakwiza pakubika inyobe zyabo paba Edomu nu Mowabu, aba Amoni bakwiza pakubalambila.

Yesaya 17:1

Agha gho mazyu aghabulaghuzi ghagho ghakunena nizya Damasika: “Ennya, u Damasika atakwiza pakuba kaya akakulu nkani, loli akwiza pakuba chibunga icha visami.

Yelemiya 4:19

Mwee, intamyo! Mwee intamyo! Nkwigholola nu bubavu. Mwee umoyo wane ghukubaba, umoyo wane ghukukoma nkani, nkupotwa pakuba myee. Pakuti nivwa ukulila ukwa lipati, nivwa ichongo icha bwite.

Yelemiya 49:1

Pakunena nizya luko ulwa Amoni, u Mwene ukulalusya akuti, “Nkimba aba Izilayeli bate na bana abalumendo? Nkimba bate naba mpyana? Po nkimba choni chicho abantu, babo bakumwiputa u Moleki bafyulite ichisu icha Gadi? Nkimba choni chicho abantu bache bakwikala mutwaya twache utukulu?

Ezekiyeli 21:20

Lanjizya mumo upanga akwiza pakwenda ukubuka ku Laba uwa ba Amoni sona uyunji mukaya akakulu nkani aka Yelusalemu kako kazyunguliliwe na malinga muchisu icha Yuda.

Ezekiyeli 21:25

“ ‘Nawe bulo we mwene uwa Izilayeli, we mubibi sona we munyazu isiku lyakukwanila, kope akabalilo aka lufundo kakufikila.

Amosi 1:14

Nkwiza pakuluwisizya umoto ulubumba lwache mu Laba, ghugho ghukwiza pakughalungulizya amalinga ghache. Po kukwiza pakuba ichongo ichikulu nkani pisiku ilya bwite, yope impepo yikwiza pakubako ngati we kankungu.

Obadiya 1:19

“Abantu aba muchigaba icha Negebu, bobabo bakwiza pakwikala pighamba ilya Esabu, po aba mumakombe agha Shefala ichisu icha ba Filisiti chikwiza pakuba chabo. Bakwiza pakwikala muvyisu ivya Efulayimu nu Samaliya, po aba Benjamini bakwiza pakufyula ichisu icha Giliyadi.

Ukubelengiwa 10:9

Bo mukulwa ubwite na balwani binyu muchisu chinyu, babo bakubayivya, mulizyanje amapati aghakubasoka abantu, po u Mwene u Chala winyu akwiza pakubapoka munyobe izya balwani binyu.

Ukubelengiwa 21:25

Aba Izilayeli bakatufyula utwaya tosi utukulu nkani utwa ba Amoli. Bakakafyula sona akaya aka Heshiboni, poka nutwaya twache tosi utupalamani nukwikala mulamula.

Ukukumbusya Amalamulo 13:16

Muvibungannye poka ivintu vyosi ivya bantu aba mukaya kala nukuvibika pamunalo. Po mukalungulizye akaya kala poka ni vintu vyosi ukuti chibanje chakwiyipa ichakocha kwa Mwene u Chala winyu. Akaya kala kabanje chisami bwila na bwila, po katakazengiwanje sona.

Ukukumbusya Amalamulo 3:11

U Ogi u mwene uwamu Bashani umu Lefayimu, weyuyo akapona. Ichitala chache chikaba cha chela, ubutali bwache chikaba amamita folo, sona mububaba chikaba amamita mabili. Ichitala chilachila chichili chilipo nilelo mu Laba muchisu icha ba Amoni.

Yoshwa 17:11

Muchisu icha ba Isakala naba Asheli naba Manase bakaba sona nakaya aka Beti Shani naka Ibuleyamu poka na bantu aba mu Doli naba mu Endoli naba mu Tanaki naba mu Megido naba mu Nafeti sona nutwaya twabo tosi utupalamani.

Yoshwa 17:16

Abaluko ulwa Yosefu bakamwamula bakati, “Ichisu icha mumaghamba chila chinandi nkani, umwakuti chitangatuyana twebosi, sona aba Kenani bosi babo bakwikala mwikombe bali ni ngolo izya chela, ukonjelezyapo bosi babo bakwikala mu Beti Shani, naba mutwaya utupalamani, sona na babo bakwikala mwikombe ilya Yezileli.”