Yelemiya 49:16 - IBAYIBOLO 2024

¹⁶ Ukwituvya ukwa moyo wako kwakuzimbula, awe we ukwikala mumpako izya mabwe, sona na patughamba pamwanya nkani. Napapo ungazenga ichivulumbo chako, pamwanya ngati lyo lizwanga, pope bulo nkwiza pakukwisya. U Mwene anena.

Yelemiya 49:16 Iomraidhean Croise

2 Abamwene 14:7

U Amaziya akabaghogha abasilikali 10,000 aba Edomu mwikombe ilya Mbeya, sona akakafyula akaya akakulu nkani aka Sela pakulwa ubwite nukukita ukuti Yokitele, lilyo litabwa lyache mupaka nilelo bulo.

Yobu 39:27

Nkimba wewe ukulibuzya izwanga ukuti likwele kumwanya nukuzenga ichivulumbo chache pamwanya?

Ivyili 16:18

Amituvyo ghakumunanga umuntu, sona ukwitutumula kukumuwisya umuntu.

Ivyili 18:21

Ululumi luli na maka pakubupoka ubumi, pamo pakubughogha, sona babo balughanite bakwiza pakulya ivikomwa vyache.

Ivyili 29:23

Ukwituvya ukwa muntu kukumuwisya mwene, loli umuntu uwakwiyisya abantu bakumuchindika.

Inyimbo izya Solomoni 2:14

Inkunda yane yivwamite mumpako izya mabwe, sona nu mwakuvwamamo mumaghamba. Leka nennyanje icheni chako, sona nivwanje izyu lyako. Pakuti izyu lyako lyiza nkani, sona chope ni cheni chako chikuboneka akiza.

Yesaya 10:14

Inyobe yane yabwagha ubukabi ubwa bantu, ngati chivulumbo icha viyuni, sona ngati mumo umuntu akabunganizizya amafumbi agha kulekiwa, momumo nkuvibunganizizya ivyisu vyosi, patakabapo nayumo uwa kuneng'ennya ichipapande, pamo ukwighula umulomo wache nukulila.’ ”

Yesaya 2:21

Bakwiza pakuvwama mumpako izya mabwe, sona na muviliba ivya mumaghamba, pakubuchimbila ubukali ubwa Mwene, nukubapo ukwa buchindamu bwache bo akwiza pakuchineng'ennya ichisu ichapasi.

Yesaya 49:25

U Mwene akuti, “Naloli, abakayidi bakwiza pakufyuliwa kubalwabwite, nivyakufyula bulo vyope vikwiza pakufyuliwa ku bantu abakali, chifukwa nkwiza pakulwana nabo, babo bakulwana nawe, po nkwiza pakubapoka abana bako.

Yelemiya 48:14

“Nkimba munganena bulibuli ukuti, ‘Aswe twe balwabwite, abantu abamaka pabwite?’

Yelemiya 49:15

Nkwiza pakubapela pakuba banandi bulo pakasi pa inko zyosi, abantu bosi bakwiza pakubasamula.

Yelemiya 50:29

“Mubitizye bosi abafundi aba bwele, ukuti balwe ubwite naba mu Babiloni. Babazyungulile sona atakabepo nayumoyumo uwakupona. Mubatanizye pachifukwa icha mbombo zyabo, Mubabombele zizyo bakababombela abanji, Pakuti bakamusamula u Mwene Umuzelu uwa Izilayeli.

Yelemiya 51:53

“ ‘Napapo aba Babiloni bangafika kumwanya, nukughazenga amalinga ghabo, pope bulo nkwiza pakutuma abakughanangannya.’ ”

Amosi 9:2

Napapo bangakumba nkani mupaka kuchisu icha bafwe, inyobe yane yikwiza pakubasokola kulakula. Napapo bangakwela ukufika ko kumwanya, nkwiza pakubisizya pasi.

Habakuku 2:9

“Aghuniwanje umuntu yuyo akuzenga akaya kache pakubombezya izila inyonganu, nukuzenga ivivumbo vyache pamwanya, umwakuti ubupalapala butakamwaghe.

Malaki 1:3

loli imubengite u Esabu sona nachipela ichisu chache icha mumaghamba pakuba nkolongo, umwakuti bwaba buzilo ubwakwikalamo abakambwe.”