Yelemiya 49:10 - IBAYIBOLO 2024

¹⁰ Loli nabafyula vyosi aba Esabu, nabubika pabuzelu ubuzilo bwabo ubwakuvwamilamo, umwakuti atangavwama sona. Abana babo na bakamu babo sona na bapalamani babo bakwiza pakuzimila, atalipo nayumoyumo uwakupona.

Yelemiya 49:10 Iomraidhean Croise

Masalimo 37:28

Pakuti u Mwene abughanite ubwanaloli, sona atakwiza pakubaleka bene abasubiliwa bache. Bakwiza pakuvighililiwa bwila na bwila, loli abana aba bantu ababibi bakwiza pakuzimila.

Yesaya 17:14

Pachamabwila, kukuba ukoghofya! Bo kuchili pakucha bakuzyebeluka! Ichi cho chigaba icha bantu babo bakutufyula. Ubu bo bumalilo ubwa bantu babo bakufyula.

Yesaya 45:3

Nkwiza pakukupa ichuma chicho chitakuboneka, u bukabi bubo bubikiwe kubuzilo ubufisamu, umwakuti uzimanye ukuti ane ne Mwene, u Chala uwa Izilayeli, yuyo akukwitizya nitabwa lyako.

Yelemiya 13:26

“Nkwiza pakukuvwinkula ichakuvwala chako bo ukwennya namaso ghako, sona inkule yako yikwiza pakuboneka pabuzelu.

Yelemiya 23:24

Nkimba umuntu angavwama kubusyefu umwakuti intangamwennya? Nkimba ane intalipo posi na posi kumwanya na pachisu ichapasi? Ane ne Mwene nanena.

Nkuto 4:22

Mwee bantu aba mu Yelusalemu, ulufundo lwinyu lwamala, po ubuzya bwinyu te bwendelele. Loli amwe, mwe bantu aba mu Edomu akwiza pakubafunda, pachifukwa icha mbibi zyinyu sona nukunanga kwinyu.

Amosi 9:3

Napapo bangavwama pamwanya pighamba ilya Kalimeli, nkwiza pakubalonda nukubalema. Napapo banganvwama pasi panyanja, nkwiza pakuyilamula injoka ukuti yibalume.

Obadiya 1:6

Loli ubukabi ubwa Esabu bwafyuliwa, sona ichuma chache chibiwe!

Obadiya 1:9

Wee Temani, abasilikali bako bakwiza pakukunyila, sona umuntu wesi akwiza pakughoghiwa pighamba ilya Esabu.

Aba Loma 9:13

Pakuti Amasimbo ghakuti, “Nkamughana u Yakobo, loli nkamubenga u Esabu.”